«Жеңіс күні» Тұманбай Молдағалиев. Әдебиеттік оқу, 4 сынып, сабақ жоспары.

Пән: әдебиеттік оқу

Ұзақ мерзімді жоспар бөлімі: Демалыс мәдениеті. Мерекелер.

Күні:

Сынып: 3

Мектеп: Қарағанды қаласы

Мұғалімнің аты-жөні: Шадетова А.К.

Қатысқандар саны:

Қатыспағандар саны:

Сабақ тақырыбы

2.6 Кейіпкерлердің іс-әрекетін бағалау

«Жеңіс күні» Тұманбай Молдағалиев

Оқу мақсаттары

3.2.6.1 кейіпкерлердің портретін сипаттау, оның іс-әрекеті, мінез-құлқының өзгеру себептерін мәтіннен тауып, бағалау

3.2.3.1. шығарманың тақырыбын анықтау және негізгі ойды білдіріп тұрған мәтін бөлігін/сөйлемді анықтау

Сабақ мақсаттары

Барлық оқушылар: шығармадағы кейіпкердің мінез-құлқы мен іс-әрекетіне, оқиғаларға сүйеніп сюжеттің дамуын болжайды, негізгі ойды білдіріп тұрған мәтін бөлігін анықтайды;

Көптеген оқушылар: шығармадағы кейіпкерлердің мінез-құлқы мен іс-әрекетіне, ондағы оқиғаларға сүйеніп, сюжеттің дамуын болжайды, мәтінде сипатталған кейіпкердің сырт көрінісін өз сөзімен түсіндіре алады;

Кейбір оқушылар: кейіпкерлердің іс-әрекеті, мінез-құлқының өзгеру себептерін мәтіннен тауып бағалайды, өз ойың өмірмен байланыстыра дәлелдейді.

Бағалау критерийлері

• кейіпкердің іс-әрекетін, мінез-құлқын сипаттайды;
• кейіпкердің іс-әрекетіне баға береді;
• мәтіндегі негізгі ойды білдіріп тұрған бөліктерді анықтайды.

Тілдік мақсаттар

Мәтін мазмұны бойынша кейіпкердің мінез-құлқы мен іс-әрекетін сипаттай алады.

Пәнге тән лексика мен терминология: алабұртып, болғанға болаттай бол, даңқы арта берсін.

Құндылықтарды дарыту

Мәтінді оқыту барысында құрмет құндылығын дарыту; Топтық, жұптық жұмыстарды орындау барысында ынтымақтастық орта қалыптастыру;

Графикалық органайзермен жұмыс кезінде шығармашылық құндылықтарын дарыту.

Пәнаралық байланыстар

Кейіпкердің іс-әрекеті мен мінез – құлқын сипаттауда, өз ойын білдіруде сөйлемдегі сөздердің байланысын сақтау кезінде қазақ тілі пәнімен байланыс жасалады.

АКТ қолдану дағдылары

https://yandex.kz/video/search?text

бейнежазба

Бастапқы білім

Шығарманың мазмұны бойынша сұрақтарға жауап бере алады, кейіпкердің мінез-құлқы туралы әңгімелей алады. Кейіпкердің портретін суреттей алады.

Сабақ барысы

Сабақтағы жоспарланған іс-әрекет

Ширату жаттығуы

(Ұ) «Жақсы сөз» ойыны

Оқушыларға тақтадағы «Ұлы Отан соғысының ардагеріне» қатысты 10 сөз айту ұсынылады. Оқушылар суретке қатысты сөздерді параққа жазып, айтады. Оқушылармен бірге жазылған сөздер қорытындыланады.

- Бұл сөздердің адамның мінез-құлқы мен іс-әрекетіне байланысты болуы мүмкін бе?

Сабақтың тақырыбы мен оқу мақсаты анықталады: Шығармадағы кейіпкердің мінез-құлқы мен іс-әрекетіне, оқиғаларға сүйеніп сюжеттің дамуын болжайды, негізгі ойды білдіріп тұрған мәтін бөлігін анықтайды; Оқушылармен бағалау критерийін қарастыру немесе таныстыру.

1-тапсырма

(Ұ;Т) «Ойлан, жұптас, бөліс» әдісі қолданылады.

«9 мамыр-Жеңіс күні» қандай мереке. Не үшін ол мереке тойланады? сұрағына өз білетініңе сүйеніп жауап беріп.

1. Ойлан. Оқушылар сұрақ бойынша жеке ойланады.

2. Жұптас. Өз жұбына не ойлайтынын айтады.

3. Бөліс. Жұптар 9 мамыр мерекесі жайлы өздерінің бір ойын ортаға салады

4. 1941-1945 жылдар туралы бейнежазбаны көреді. https://yandex.kz/video/search?text

Саралау: Қорытынды тәсілі арқылы оқушылардың қабілеттеріне қарай сұрақтар беріледі.

Б: «Жапондық бағалау» әдісі арқылы оқушылардың сұраққа жауап берулері өзара бағаланады.

2-тапсырма

(Ө, Ж, Т) Тұманбай Молдағалиевтың «Жеңіс күні» әңгімесіндегі кейіпкерлердің мінез-құлқы мен іс-әрекетіне, оқиғаларға сүйеніп, сюжеттің дамуын әрі қарай болжа.

• Оқушыларға мәтіннің үзінділерін жеке оқу тапсырылады. Оқып отыра кейіпкерді, оның іс-әрекеті мен мінез-құлын анықтап кестеге жазады.

2.Толтырған кесте бойынша өз жұмыстарын топта ортаға салып қорғайды.

Саралау: Диалог және қолдау көрсету тәсілі арқылы топтың ішіндегі кейіпкерге сипаттама беруде қолдауды қажет ететін оқушыға сөзбен қолдау көрсетіледі.

Б: «Қолмен белгі беру» әдісі арқылы бағаланады.

Басбармақ жоғарыға қарай = Мен түсінемін.

Басбармақ көлденең = Мен түсінгендеймін.

Басбармақ төмен қарай = Мен түсінбедім

3-тапсырма

(Ұ) «Болжамдар шеңбері» әдісі

Кестеге сүйеніп сюжеттің дамуын болжа. Әрі қарай кейіпкер бұл мерекені тойлай ма? Ойыңмен бөліс.

1.Оқушылар шеңбер бойына тұрғызылады. Әр оқушы сюжеттің дамуын болжап, өз ойын 1 сөйлеммен жеткізеді. Кезекпен жалғастырып отырады.

2.Барлық оқушылар шеңбер бойында ортақ бір қортындыға келеді.

3.Әңгіменің жалғасын жеке түсініп оқу тапсырылады.

4.Сюжет өз болжамдарына қаншалықты сәйкес/сәйкес еместігін анықтайды.

Саралау: «Қорытынды» тәсілі бойынша оқиға желісін болжай отырып, өз пікірін айтуда әртүрлі дәлелдемелер жасалуы мүмкін.

Б: Бұл тапсырма «Жапондық бағалау» әдісі (оқушылар бір-біріне баға береді).

4-тапсырма

(Т, МК) «ҰТМП формуласы» әдісі.

Негізгі ойды білдіріп тұрған мәтін бөлігін анықтап, келесі кестені толтыр.

1. Оқушылар ортадағы плакатқа кестені сызып, мәтінннің негізі ойын білдіріп тұрған бөлігін анықтап жазады.

2. Жазған жұмыстарын жалпы топта талқылайды.

Саралау: Диалог және қолдау көрсету тәсілі арқылы топтың ішіндегі қолдауды қажет ететін оқушыға мәтін мазмұнына байланысты жетелеуші сұрақтар қойыла отырып, қолдау көрсетіледі.

Б.: «Бағдаршам» әдісі арқылы бағаланады. Жасыл түс – барлығын жаздым, түсінікті болды. Қызыл түс –екі бағанын жаздым, түсінбеген жерлерім бар. Сары түс – барлығын жазған жоқпын, түсінбедім.

5-тапсырма

Рефлексия

«Үш көмекші» әдісі арқылы оқушылар бүгінгі сабақ мақсатына жеткені туралы кері байланыс береді.

• Бірінші стикерге бүгінгі сабақтан не сезінгендерінді жазыңдар, жүректің астына іліңдер. (жабыстырыңдар)
• Екінші стикерге сабақта бастарың арқылы не ойланғандарынды жазып, бастың астына іліңдер. (жабыстырыңдар)
• Үшінші стикерге сабақта қолдарың арқылы не істеп үйрендіңдер соны жазып қолдың астына іліңдер (жабыстырыңдар).

Оқушылар өздерін бағалау арқылы азаматтық жауапкершілікке тәрбиеленеді.

Саралау

1-тапсырма: Қорытынды тәсілі арқылы оқушылардың қабілеттеріне қарай оқиғаның ретін анықтап, сұрақтарға әртүрлі жауап берулері күтіледі.

2-тапсырма: Диалог және қолдау көрсету тәсілі арқылы топтың ішіндегі кейіпкерге сипаттама беруде қолдауды қажет ететін оқушыға сөзбен қолдау көрсетіледі.

3-тапсырма: «Қорытынды» тәсілі бойынша оқиға желісін болжай отырып, өз пікірін айтуда әртүрлі дәлелдемелер жасалуы мүмкін. Әңгіме құрастыруда әртүрлі деңгейлі оқушылардың қабілеттерін ескере отырып, жұмыстар қабылданады.

4-тапсырма: Диалог және қолдау көрсету тәсілі арқылы топтың ішіндегі қолдауды қажет ететін оқушыға мәтін мазмұнына байланысты жетелеуші сұрақтар қойыла отырып, қолдау көрсетіледі.

5-тапсырма. «Қорытынды» тәсілі бойынша оқиға желісін болжай отырып, жалғастырып әңгімелеуде әртүрлі дәлелдемелер жасалуы мүмкін. Әңгіме құрастыруда әртүрлі деңгейлі оқушылардың қабілеттерін ескеріле отырып, жауаптар қабылданады.

Дескрипторлар:

• кейіпкерге қатысты пікір білдіреді;
• тақырыпқа байланысты мысал келтіре алады;
• кейіпкердің іс-әрекетіне баға бареді.
• мәтіндегі негізгі ойды білдіріп тұрған бөліктерді анықтайды.

Сабақ бойынша рефлексия