Су – тіршілік көзі. «Ақбас торғай» Ертегі. Әдебиеттік оқу, 3 сынып, сабақ жоспары.

Пән: әдебиеттік оқу

Ұзақ мерзімді жоспар бөлімі: Су –тіршілік көзі

Күні:

Сынып: 3

Мектеп: Астана қаласындағы Халықаралық мектебі

Мұғалімнің аты-жөні: Ещанова Б.С.

Қатысқандар саны:

Қатыспағандар саны:

Сабақ тақырыбы

Су – тіршілік көзі. «Ақбас торғай» Ертегі.

Осы сабақта қол жеткізілетін оқу мақсаттары (оқу бағдарламасына сілтеме)

3.1.2.1 шығарманың мазмұнын бірлесе құрастырған жоспар бойынша немесе өз сөзімен толық/таңдауына қарай мазмұндау/ сахналау.

3.3.1.1 мұғалім көмегімен оқылған шығарманы логикалық бөліктерге бөліп, әр бөлікке ат қойып жоспар құру.

Сабақ мақсаттары

- шығарманың мазмұнын түсінеді;

- шығарманы логикалық бөліктерге бөліп, жоспар құрастырады;

-құрастырған жоспар бойынша мазмұндайды/ сахналайды;

Бағалау критерийлері

• мәтінді түсініп оқиды, негізгі ойын анықтайды;
• мәтінді логикалық бөліктерге бөледі, әр бөлікке ат қояды;
• мәтіннің бір бөлігіне таныстырылым жасайды;
• кейіпкерге хат жазу арқылы өз ойын білдіреді.

Тірек сөздер

Мәтін мазмұнымен танысу барысында оқушыларға кеберсіген тұмсық (кеуіп, құрап қалған) , жапа-тармағай (жан-жақтан), ішқұса (күйзелу, қатты өкіну) сөздерінің мағынасы түсініксіз болу мүмкін.

Құндылықтарды дарыту

Бұл сабақта оқушылар еңбекқорлық, ынтымақтастық пен бірлік құндылықтары жайлы түсінік алады.

Пәнаралық байланыстар

Мәтінді талдау барысында және топтық жұмыс нәтижесінде ынтымақтастық, еңбекқорлық туралы әңгімелесу барысында өзін- өзі тану сабағымен байланыс пайда болады. Құстардың тіршілігін талдау барысында дүниетану пәнімен байланыс пайда болады.

АКТ қолдану дағдылары

Интербелсенді тақта

Алдыңғы білімді игерулері

Шығарманы бөліктерге бөліп, жоспар құрастыра алады. Жоспар бойынша өз сөзімен мазмұндай алады.

Сабақ барысы

Сабақтағы жоспарланған іс-әрекет

Ресурстар

Ширату тапсырмасы

Бөлімнің қалай аталып тұрғанына назар аударту мақсатында орындалатын тапсырма. Оқушыларға жеке карточкалар таратылады. Бірінші бөлігіне өзінің 3 дәлелін жазады, 2-ші бөлігіне сыныптың ішін аралап басқа оқушылардың ұнаған 3 дәлелін жазады. Неліктен оларды таңдағанын түсіндіреді.

Сабақтың тақырыбы мен мақсаты таныстыралады. Бағалау критерийі оқушылармен бірге құрастырылады немесе мұғалім таныстырады.

Қосымша 1.

Слайд №1-4

1-тапсырма

«Ақбас торғай» ертегі

(Ө,ЖЖ) Оқушылар мәтінді түсініп оқиды. Оқу барсыныда түсініксіз сөздерді түртіп, белгілеп отырады. Түсініксіз сөздердің мағынасын сөздіктен қарайды (кеберсіген тұмсық (кеуіп, құрап қалған) , жапа-тармағай (жан-жақтан), ішқұса (күйзелу, қатты өкіну), дәптерлеріне жазады.

• Мәтін неліктен ертегіге жатады?
• Ертегіні тағы басқаша қалай атауға болады?
• Мына тақырыптардың ішінде қайсысы ең басты тақырып деп ойлайсыңдар? Жұпта талқылаңдар.

Слайдта: «Құстардың тіршілігі», «Құстардың қуанышы», «Су – тіршілік көзі», «Жалқаулық» тақырыптары беріледі. Оқушылар тақырып таңдап, оны жұпта дәлелдейді. Барлық оқушының пікірі құнды екені ескеріледі..

(Б) Өз ойын жеткізе білген балаларды «Қошеметтер бұрқасыны» арқылы бағалау.

2- тапсырма

(Ө, ЖЖ) Оқушылар оқулықта берілген суреттерге сәйкес келетін шығарма бөлігін анықтайды, стикермен белгілейді. Әр бөлікке ат қояды, тақырыбын дәптерге жазады. Сол бөліктерге сәйкес шығарманың жоспарын құрастырады.

Үлгі:

• Құстардың кеңесі
• Торғайдың қулығы
• Арық қазу бейнеті
• Шаттанған құстар

(ҚБ) дескриптор бойынша бағалау:

• Мәтінді логикалық бөліктерге бөлді;
• Әр бөлікке ат қойды;
• Ертегінің жоспарын құрды.

Саралау: тапсырма бойынша саралау жүргізіледі. Тапсырма барлық оқушыларға ұсынылады, бірақ әртүрлі нәтижелер күтіледі. Жоспар құрастыруда кейбір оқушыларға мұғалім қолдау көрсетеді.

3-тапсырма

(Т) Шығармашылық таныстырылым

Оқушыларды санау арқылы 4 топқа бөлу. Әр топ өздері таңдап алған мәтіннің бір бөлігін өз шығармашылықтарына байланысты көрсетуге дайындалады. (мазмұндау, сахналау, ыммен, т.б.) Уақыт шектеулі екенін ескертіп отыру қажет. Жұмыстарының нәтижесін ортаға шығып таныстырады.

Саралау. Оқушылардың қызығушылықтары мен шығармашылықтары бойынша саралау жүргізіледі. Тапсырма барлық оқушыларға ұсынылады, бірақ әртүрлі нәтиже күтіледі. Кейбір оқушыларға мұғалім қолдау көрсетеді.

(Б) «Басбармақ» әдісі арқылы бағалау.

4-тапсырма

(Ж) «Кейіпкерге хат» әдісі арқылы оқушылар, өз ойларын білдіреді. Тапсырма дәптерде орындалады.

(Б) «Автор орындығы» арқылы бағаланады.

Саралау.Уақыт бойынша саралау жүргізіледі. Кейбір оқушыларға қосымша уақыт беріледі.

Оқулық, 78-80 беттер

Слайд №5

слайд №6

слайд №7

Слайд№8

Қосымша 2

«Рефлексиялық үшбұрыш»

Үшбұрыштың бұрыштарына өз ойларын жазады.

• Мені таңқалдырды
• Сұрағым бар (сұрақ қояды)
• Менің ұсынысым бар

Слайд №9

Қосымша 3

Саралау –оқушыларға қалай көбірек қолдау көрсетуді жоспарлайсыз? Қабілеті жоғары оқушыларға қандай міндет қоюды жоспарлап отырсыз?

Бағалау – оқушылардың материалды меңгеру деңгейін қалай тексеруді жоспарлайсыз?

1,2,4 - тапсырмалар «Тапсырма бойынша саралау» жүргізіледі. Тапсырма барлық оқушыларға ұсынылады, бірақ әртүрлі нәтиже күтіледі.

3- тапсырма «Уақыт бойынша саралау» жүргізіледі. Қабілеті төмен оқушыларға қосымша уақыт беріледі, мұғалім қолдау көрсетеді.

Өзін –өзі бағалау, мұғалімнің бағалауы, «Бақылаушы», «Бас бармақ», «Баспалдақ» әдісі

Дескриптор:

• ертегінің мазмұнын түсінеді;
• ертегі бойынша сұрақтар құрастырады;
• құрастырған сұрақтарға жауап береді;
• ертегіні сурет нұсқасымен салыстыру

Сабақ бойынша рефлексия

Жалпы баға

Сабақтың жақсы өткен екі аспектісі (оқыту туралы да, оқу туралы даойланыңыз)?

1:

2:

Сабақты жақсартуға не ықпал ете алады (оқыту туралы да, оқу туралы да ойланыңыз)?

1:

2:

Сабақ барысында сынып туралы немесе жекелеген оқушылардың жетістік/қиындықтары туралы нені білдім, келесі сабақтарда неге көңіл бөлу қажет?