👈 қаріп өлшемі 👉

Қайсар Қауымбек (Ауылға барғанда)

 Қайсар Қауымбек (Ауылға барғанда)

Өзекте ауыл.
Өрттей жанған кешқұрым,
Өзегімді тырнайды кеп ескі мұң.
Құбылаға жинады күн сәулесін,
Құйрығындай қанжирен кіл бестінің

Бура бұлтты есіп өткен сарбауыр,
Мына көк шың – қанға малған қандауыр.
Аулақ барып ыңыранып шөкті де,
Ауырсынып ауық-ауық аунады.

Саяқ кеткен жылқы үні де үрейлі,
Сапырады бір ой қуып, бір ойды.
Жортуылдан жеткен Жетіқарақшы,
Құба қырдың желкесінде түнейді.

Жез киіктің сауырындай мұңлық ай,
Көкжиектен қашады ұзап құлдырай.
Жүрегімдей жүдеп қалған ауылдың,
Жетімсіреп жатқан осы тірлігі-ай!

2011

Кейінірек оқу үшін сақтап қойыңыз:


Қарап көріңіз 👇



Жаңалықтар:
» Қазақстанда қайырымдылық саласындағы тұлғаларға арнайы атақ беріледі 17.06.2022
» “Қорықпай Солтүстік өңірге көшуге шақырамын”: Солтүстіктен пәтер алған отбасылар алғысын білдірді 12.06.2022
» МӘМС бойынша жеңілдікке ие 15 санаттың тізімі белгілі болды 12.06.2022

Келесі мақала, жүктелуде...
Біз cookie файлдарын пайдаланамыз!
Біздің сайтты пайдалануды жалғастыра отырып, сіз сайттың дұрыс жұмыс істеуін қамтамасыз ететін cookie файлдарын өңдеуге келісім бересіз. Cookie файл деген не?
Жақсы