Исраил Сапарбай (Ғұмыр сазы)

 Исраил Сапарбай (Ғұмыр сазы)

Той да өтер,
Қызық та өтер,
Думан да өтер...
Арқырап ағар уақыт судан бетер.
Құбылған дүниенің қыр соңынан
Құс салып,
Құрық алып қуған жетер.

Зулайды жел де, жыл да зымырандай,
Қозғалса қозатұғын жыны бардай!
Кемең де кемерінен шайқатылып
Емен де екпінінен жығылардай!

Бəрі өтер:
Сауық та өтер,
Сайран да өтер.
Бақ-дəулет баяны жоқ байдан кетер.
Жыртығы көңіліңнің қырық жамау,
Білмейсің келетінін қайдан қатер.

Көшуде бəрі, бəрі...
Ел де, жер де.
Көшеміз бұл жалғаннан сен де, мен де.
Көрінер Жер пейіш болып періштеге,
Көрінер көк жұмақ боп пенделерге.
...Көшеміз бүл дүниеден сен де, мен де...

Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇



Пайдалы сілтемелер:
» Туған күнге 99 тілектер жинағы: өз сөзімен, қысқаша, қарапайым туған күнге тілек
» Абай Құнанбаев барлық өлеңдер жинағын жүктеу, оқу
» Дастархан батасы: дастарханға бата беру, ас қайыру

Соңғы жаңалықтар:
» Утиль алым мөлшерлемесі өзгермейтін болды
» Жоғары оқу орындарына құжат қабылдау қашан басталады?
» Қазақстандағы білім беру деңгейі 10 жыл ішінде қалай өзгерді?