Жұбан Молдағалиев (Қойнауында қапшағайдың)

 Жұбан Молдағалиев (Қойнауында қапшағайдың)

Баурайында бақша-баудың.
Тербеледі жаңа теңіз,
Жарқырайды аппақ айдын.
Сол айдынның ұлы өзегі
Көсіле аққан Іле өзені,
Суыртпақтай көрінеді,
Суарса да өзі елді.
Көкорай боп көлде жатыр.
Теңіз төсін кере жатыр.
Кеше біз қой жайған жерде
Кеме жүзіп келе жатыр.
Толқын құлап толқындарға,
Жолбарыстай жойқын дала,
Даурығады, дөңбекшиді,
Жұмарланып жөнкиді шыға.
Уатылады, атылады,
Бірін бірі батырады,
Бірін бірі сүйреп шығып.
Бірге мөңкіп жатыр әрі.
Ойнақ салған өзі айдында,
Қабаттары қарт тарландай,
Бурыл тартып көз алдында,
Көз алдында қарғайы андай.
Жағаға тек қайрылды лай.
Қамыс қана майрылды ұдай.
Толқын кенет сұлық түсті.
Аруағынан айырылғандай.
Бурыл бас бір масқыл адам
Қиял тербеп жағада тұр.
Желге төсін тосқан оған
Қатады тек шағала тіл.
Тұрды адам жартастай бір.
Қозғай алмас қай ағын да.
Соңғы толқын жармастай құр,
Жығылды кеп аяғына.

1972

Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇



Пайдалы сілтемелер:
» Ораза кестесі 2024 жыл. Астана, Алматы, Шымкент т.б. ауыз бекіту және ауызашар уақыты
» Туған күнге 99 тілектер жинағы: өз сөзімен, қысқаша, қарапайым туған күнге тілек
» Абай Құнанбаев барлық өлеңдер жинағын жүктеу, оқу

Соңғы жаңалықтар:
» 2024 жылы студенттердің стипендиясы қанша теңгеге өседі
» қазақ тілі тестілеуде_келген_сұрақтар_зерттеуші
» Наурыз мейрамы Қазақстанда жаңа форматта тойланады