Аймағамбетов: Мектеп мұғалімдерінің еңбекақысы өсті


Жас мамандарды мектеп жұмысына ынталандыру үшін "педагог-модератор" біліктілік санатын берудің жеңілдетілген тәртібі енгізілді. Бұл туралы білім және ғылым министрі Асхат Аймағамбетов мәжіліс депутаттарының сауалына берген  жауабында айтылған.


АЙМАҒАМБЕТОВ


– Дарынды жастарды педагогикалық мамандыққа тарту мақсатында мұғалімнің мәртебесін көтеру үшін тиісті жұмыс жалғастырылуда. Педагогикалық бағыт бойынша оқуға түсуге қойылатын талаптар біртіндеп күшейтілуде. Осылай 2020 жылы оқуға түсу балы 60-тан 70 балға дейін көтерілді, арнайы емтихан мазмұны өзектендірілді.

Педагогикалық жоғары оқу орындарында оқитын студенттердің стипендиясы ұлғайтылды (26 186-нан 42 000 теңгеге дейін). Мектеп мұғалімдерінің еңбекақысы өсті. Мектеп оқушылары арасында кәсіптік бағдар беру жұмысын жүргізу үшін жоғары оқу орындары білім басқармаларымен, мектептермен өзара іс-қимыл жасайды, – деді Аймағамбетов.

Оның айтуынша, қазіргі уақытта барлық білім беру бағдарламалары педагогтің кәсіби стандартына және жұмыс берушілердің талаптарына сәйкес жаңартылған. Бұл ретте педагогикалық практикаға арналған әдістемелік ұсыныстар жасалынған және оқытудың барлық кезеңінде практиканы ұйымдастыруды көздейтін үздіксіз практикалық оқыту жүйесі енгізілген.

"2018 жылдан бастап педагогті аттестаттау рәсімдерінің жаңа форматы енгізілді. Осыған байланысты министрлік нормативтік құқықтық құжаттарға өзгерістер енгізу бойынша жұмыс жүргізді. Оған сәйкес 2021 жылдан бастап педагогикалық жоғары оқу орындарының түлектері үшін ұлттық біліктілік тестілеуінен міндетті өту нормасы енгізілді. Аталған шара түлектердің құзыреттілігін растауға және білім беру ұйымдарын білікті жас мамандармен қамтамасыз етуге мүмкіндік береді" делінген министр жауабында.


– Тәжірибе алмасу аясында жоғары оқу орындары оқытушыларының жаппай ашық онлайн курстарын әзірлеп, білім беру платформаларына орналастыруға мүмкіндіктері бар. Сонымен қатар, жоғары оқу орындары мектептермен бірлесіп өзара тәжірибемен алмасу және студенттерге инновациялық педагогикалық технологиялар мен әдістерді тиімді оқыту мақсатымен консорциум құрды.

Қазіргі уақытта жоғары оқу орындары педагогикалық қайта даярлау бағдарламаларын әзірлеу бойынша жұмыс жүргізуде. Осы бағытта министрлік жоғары оқу орындарына педагогикалық-психологиялық дайындықты күшейту үшін педагогикалық қайта даярлау бағдарламаларының мазмұнын өзгертіп, оқу нәтижелерін түзетуді ұсынды, – деді министр.

Сонымен қатар, жас мамандарды мектеп жұмысына ынталандыру үшін шетелдік жоғары оқу орындарын, "Болашақ" бағдарламасын, ағылшын тілінде пәндерді оқыту құқығымен бітірушілер, сондай-ақ президенттік кадр резервіне кірген адамдар үшін "педагог-модератор" біліктілік санатын берудің жеңілдетілген тәртібі енгізілген.

– Осылайша министрлік педагогикалық білім беру сапасын арттыру және мектептерді жоғары білікті мұғалімдермен қамтамасыз ету бойынша жүйелі, кешенді жұмысты жүзеге асырып жатыр, – деді ол.


Мақала ұнаса, бөлісіңіз:


Ұқсас мақалалар:
» 2024 жылға қарай педагогтердің жалақысы 2 есеге артады
» 11 мамырдан кейін оқушылар қалай оқиды — министр жауабы
» Видео сабақ дайындаған мұғалімдерге сыйақы беріледі
» 1 қыркүйекте мектептегі оқу жылы қандай форматқа көшеді — министр пікір білдірді
» Қыркүйекте балалар онлайн оқи ма, әлде мектепке бара ма: Министр жауап берді
» Инклюзивті білім беру: мәселелері мен болашағы
» Жұмағұлов білім саласындағы бірнеше көкейтесті мәселені атады

Іздеп көріңіз:

Жаңалықтар:
» Игрок 1xBet выиграл более 2 миллионов долларов на экспрессе из 44 событий 15.04.2021, 1
» 2021 жылы пітір садақа мөлшері 420 теңге болып белгіленді (фото) 04.04.2021, 0
» Алматыда жоқ көлік үшін алдын-ала төлем алған жігіт ұсталды 02.04.2021, 0

Пікір жазу

Пікірлер 3

  1. Оқырман Дильназ
    0 + 0 -
    рахмет акпаратка
  2. Оқырман Мира
    Оқырман Мира 10.03.2021 14:32
    0 + 0 -
    Сәлеметсізбе, Біз Тараз қаласынан боламыз, Мектепте жұмыс істейміз, Біздің оның ішінде лаборанттар, кіші қызметкерлер, еден жуушылар, вахтершалар, қарауылдардың айлықтары қашан көтеріледі. 59000 мың айлықпен қалайша күн көруге болады. Басқа қосымша жұмысымыз жоқ. Азаннан кіргенен кешке бір ақ шығамыз мектептен. 1 ставкамен отырмыз. Сізден жауап күтеміз.
    1. zhararalikhan
      zhararalikhan 10.03.2021 16:58
      0 + 0 -
      Сәлеметсіз бе, осы сайтта тек жарияланып тұр. Ол кісі оқуы 0%


Келесі мақала жүктелуде...
Біз cookie файлдарын пайдаланамыз!
Біздің сайтты пайдалануды жалғастыра отырып, сіз сайттың дұрыс жұмыс істеуін қамтамасыз ететін cookie файлдарын өңдеуге келісім бересіз.
Жақсы