Тақпақтар ✍️

Қадірлі ағаш қашаннан,
Ол есігің, еденің.
Сол ағаштан жасалған
Талай-талай керегің...
Ағаш қажет көп іске,
Ағаш әр кез бағалы.
Кенелтеді жеміске,
Тазартады ауаны.
Мұны білген кісілер
Қарбаласып бүгінде,
Шарбағының ішіне
Тал-шыбықтар тігуде.
Үй алдына
Мен де әкеп
Шаншып қойдым үш шыбық.
Су құймақ боп енді әкеп,
Ішке кірдім ысқырып.
Бір қарасам,
Қабығын
Кеміріп тұр ешкілер.
Білмесе ағаш қадірін,
Бұларды кім есті дер?!