Өлеңдер ✍️
Өлеңдер ✍️
08.02.2023
122
![](/uploads/shorttexts/author_image/whatsapp-image-2022-06-16-at-18-14-57.jpeg)
Сен қуансаң....
Сен қуансаң мен де көркем күй кешем,
Құлазимын сен күрсініп, күйресең.
Ренжісем де кешіре алам күттірмей
Айтшы, солай жасар ма едім сүймесем?
Бал-бұл жайнап жүрем қабақ түймесең.
Бұлданам да сөзбен қағып түйресең,
Бұл ғаламға сыймай кетем сен жоқта
Айтшы, солай болар ма еді сүймесем?
Сүю үшін тазалыққа талпындың,
Мінез таптың менікімен үйлесер.
Тірлігіме тамшы қостың тартымды,
Айтшы, солай жасар ма едің сүймесең?
Әлеуметтік желілерде бөлісіңіз:
Facebook | VK | WhatsApp | Telegram | Twitter