Өлеңдер ✍️

Бағыну, әлде, керек пе?
Жапырақ жауды биыл да.
Сәлеметсің бе, жүрекке
Жымиып кірген жиырма
Ойландым. Небір ой кештім.
Есейіп қаппын. О, тоба
Көбелек қуып шалдыққан
Балалығым жүр жотада!
Шығарып салу – салтым ед.
Маза жоқ менде кешелі
Сол құстар енді мен жаққа
Қарайламастан кетеді.
Бұл емес мұңның үлкені:
Үміттеріңді жалғаймын,
Сонда да сенің, жылдарым,
Соңыңнан қала алмаймын!
Қайтсең де, өмір, қайсармын,
Батырмын, нағыз батырмын,
Жиырма жыл бойы, себебі,
Сары ала таңды атырдым!