Өлеңдер ✍️
Өлеңдер ✍️
13.08.2022
211
Қағаз
Оңаша бiр жыр құрап
ой iшiнде адастым...
Ақ қағаздан бұрқырап
иiсi аңқиды ағаштың.
Қағазда сол тұр әлi
ормандардың мұңды үнi,—
судырласа
шығады
жапырақтардың сыбдыры.
Ойларымды әдiптеп
сонда жатыр бар шыным.
Оған тамған әрiптен
даусы естiлер тамшының.
Үнге айналам толады —
өлең—жырға кенелдiм.
Құс боп оған қонады
шумақтары өлеңнiң.
Әлеуметтік желілерде бөлісіңіз:
Facebook | VK | WhatsApp | Telegram | Twitter