Өлеңдер ✍️

Ай қалқып, жұлдыз біткен жымыңдайды,
Махаббатты кей жандар ұғынбайды.
Қос жүрек дрс болады алғашқы рет,
Достықтан махаббат кеп туындайды.
Көкке қарап жұлдызға телміресің,
Дейсің бе әлде жүрегім елжіресін.
Бүгін шашың тегілсе иығыңа,
Ал ертең орамалың желбіресін.
Мөлдірейді жанарың сырын бүгіп,
Жүрсің ғой жүрегіңмен жанымды ұғып.
Ақтадың сенімімді саған деген,
Кетпедің өзгелердей жарға жығып.
Мұңын айтқан жұлдызға талай ғашық,
Мұңайып та, қуанып, жылап, жасып.
Жымыңдаған жұлдызды медеу санап,
Жүреміз кейде жүрек дертін басып.
Көкке мен де телмірем сағынғанда,
Сыр сезімге жүрегім бағынғанда.
Мендей сені ұнатып өзге жандар,
Мендей сені өзгелер сағынған ба?