Өлеңдер ✍️

Алақаны табандай,
Апайтөсі даламдай.
Тірілгендей қайтадан
Тарихтағы Қабанбай.
Жұдырығы басындай,
Басы болса қазандай,
Сынға салсаң сабазды,
Шоршып тұр-ау сазандай.
Тұлғасына жедел, тез
Тоя алар ма көгенкөз?
Ауызынан түспейді
«Азаматтар!» деген сөз.
Тарылмаған парқы әман,..
Болсын сондай мәрт адам.
Түсірмеген ешқашан
Елдің жүгін арқадан.
Сөйлер сөзі жалаудай,
Сойып түсер сабаудай.
Жолап кет те жанына,
Ала жөнел алаулай.
Қасқа маңдай қазанат
Туса – туар қазақ-ақ.
Аз қазаққа
Осындай
Көп керек-ау азамат.