Өлеңдер ✍️
Өлеңдер ✍️
15.05.2022
254
Ойламадым
Бар еді тентектігің бала жастан,
Бойына сақтапты оны дала-дастан.
Жүйрік жел сені есіме түсіреді
Мойнымнан орамалды ала қашқан.
Өтетін күнің талас, ерегеспен,
Қалмайтын жанжал, шулы төбелестен.
Қолымнан қуыршағымды жұлып алып,
Жылатып кететін де сен емес пе ең?
Өстік біз төбелесіп қойлы ауылда,
Өткен күн келмей қалды айналымға.
Сол кезгі сенің тентек мінезіңді
Мен кейін сағынам деп ойладым ба?!
Әлеуметтік желілерде бөлісіңіз:
Facebook | VK | WhatsApp | Telegram | Twitter
Қарап көріңіз 👇