Өлеңдер ✍️

Күмісті көл, жағасы алтын қамыс,
Шықты əлемге ғажайып алтын барыс.
Түрен салып жол алды тың сапарға,
Барар көмбе көздеген айдан да алыс.
Масаң көңіл марсиған ойдан қалып,
Алып аю ордасы ойрандалып.
Ес жиғанда еріксіз езу тартып,
Басын сипап отырды қайран қалып.
Батыстағы таудың да, шығыстағы,
Көкіректе сығылып тыныстары.
Аюың да, арыстан, аждаһа да,
Киелі барыс жолынан ығыстады.
Достасты олар ұсынып қолын берді,
Алтын сарай, ақ сарай төрін берді.
Алтын барыс əлемге əйгіленді,
Ақиқатты айнадай көзің көрді