Өлеңдер ✍️

Шаңырақтың қасиет киесі бар,
Бөлінбеген енші де тиесі бар.
Бабалардың арманы осы емес пе?
Шаңырақтың болса егер иесі бар.
Бір ұядан түлеген аға-бауыр,
Ұрпақ өсіп болсақ та бір-бір ауыл.
Керегенің біз болсақ сағанағы,
Шаңырақтың бақанға салмағы ауыр...
Айналайын киелі шаңырағым,
Алыс жүрсем өзіңді сағынамын.
Шалғайдан да жүрегім жалғайды əнін,
Қаным қызса қасыңнан табыламын.
Қауымдастық бас қосар шаңырағым,
Мақтан жырым өзіңсің шырқар əнім,
Он бес жылдық мерейтой, мерекеңе,
Шат көңілмен ағымнан жарыламын.