Өлеңдер ✍️

Сағым болып барады күн кешегі.
-Мініңді де түзейді сын- деседі.
Көкшедегі қайың мен қарағайдай,
Өнерің өлеңіңмен үндеседі.
Жастайынан жыр ескен қанатынан.
Аға едің ерекше, дара туған.
Абылай мекендеген сұлу көкше,
Сол Көкшеде жан едің жаратылған.
Туын ұстап,
ә
ділдік ақиқаттың.
Келесіз жолыменен шариғаттың.
Адам жаны сол үшін сұлу болар,
Ә
сері туған жердің, табиғаттың.
Алатау қазағымның шыңы, бағы.
Ұлытауым оны да ұғынады.
Қаратау, Тарбағатай қазынамыз,
Нағыз ерлер Көкшеде туылады.
Асы дәмді болады егесімен.
Өткенді шығармайды ел есінен.
Жазарыңыз көп болсын,
Жүз жасаңыз,
Жүзіп жүріп қарттықтың кемесімен.