Баталар ✍️

Құдайдың өзі сөйтіп оңдасын!
Бес жүз саулық қоздасын,
Сексен інген боталап,
Сегіз келін қомдасын:
Айдап келген жылқыңнан,
Алпыс айғыр азынасын:
Жиып келген түйеңнен
Жетпіс інген боздасын:
Өзіңнен байлық озбасын!
Ағайынның жарлысы
Бөтен жаққа тозбасын:
Жанкүшіктің биесін берсін.
Жансүгірдің түйесін берсін,
Нұржанның ойын берсін
Кім жақсы болса, соның ойын берсін:
Сол малыңа ие берсін,
Арғы өткен ата-бабаңа тие берсін.
Әумин.