Әңгімелер ✍️

Қожа біреудің бағында талға шығып өрік жей бастайды.

Қожайын келіп қап:

— Талдың басында не істеп тұрсың? — дейді.

— Мен бұлбұлмын, талдың басында сайрап тұрмын, — дейді Қожа.

— Жарайды, сайрай ғой, тыңдап көрейін, — дейді қожайын.

Қожа ән салады. Қожайын еріксіз мырс етіп:

— Ау, бұлбұл осылай сайраушы ма еді? — дейді.

— Мен жастау бұлбұлмын, әлі тәжірибем жоқ, жақсырақ айта алмаймын, — депті сонда Қожекең.