Ертегілер ✍️

Ертеде бір мектептің партасында Қарындаш пен Қалам бірге өмір сүріпті. Екеуі де балаларға білім беруге көмектесетін құралдар еді. Бірақ бір күні олар өзара дауласып қалады.
Қарындаш кеудесін керіп:
— Мен ең кереметпін! Балалар алдымен менімен жазуды үйренеді. Қате жіберсе, өшіріп қайта түзете алады, — дейді.
Сонда Қалам жымиып:
— Иә, бірақ маңызды жазбаларды, дәптердегі таза жұмыстарды балалар менімен жазады. Менің сиям өшпейді, — деп жауап береді.
Екеуі біраз уақыт бір-бірімен таласып отырып қалады. Сол кезде партаның үстіне бір кішкентай оқушы келіп отырды. Ол алдымен есепті қарындашпен шығарып көрді. Бірнеше жерін өшіріп, дұрыстады. Сосын тапсырманы әдемілеп қаламмен жазып шықты.
Мұны көрген Қарындаш пен Қалам бір-біріне қарап ұялып қалады.
— Демек, біз екеуміз де керек екенбіз, — дейді Қарындаш.
— Иә, бірге болсаң ғана жұмыс әдемі шығады, — дейді Қалам.
Содан бері олар ешқашан таласпапты. Балалардың білім алуына бірге көмектесіп, жақсы дос болып өмір сүріпті.
Ертегінің тәрбиесі:
Әркімнің өз орны мен пайдасы бар. Бірлік болса — іс те берекелі болады.