Өлеңдер ✍️

Қай жерде жүрсем де мен, мейлі,

Өзің деп соғады бұл жүрек.

Жанымның жарасын емдейді,

Біздегі үндескен бір тілек.

Өлшеулі өмірдің шартында - 

Таусылмас тіршілік толғауы.

Күлімдеп жүретін қалпымда

Есіңде сақталсам, болғаны.

Дүние жинаған бекер ғой,

Көңілге керегі - сыйластық.

Қиынның қиыны екен ғой - 

Аяулы адамды қимастық.

Аңғармай айтылған сөздерді

Саралап, санадан өшіргін.

Жастықпен жаңылған кездерді

Кешіргін, жалғызым, кешіргін.