Баталар ✍️

Баланың болашағына, тәрбиесіне, бақытты өміріне арналған ақ тілек-бата

Желбіреген тұлымың,

Тәтті сенің қылығың.

Ата-анаңды әрқашан

Қуантып жүр, құлыным!

Өмір деген - иірім,

Жеңе берші қиынын.

Бар тілегім - арманның

Бағындыршы биігін.

Білім - кәусар бұлағың,

Бірлік - қамал, тұрағың.

Жол ашатын бақытқа

Жана берсін шырағың!

Жүрегіңде - пәктігің,

Таусылмасын сәтті күн!

Аллаһ жар боп әрдайым,

Сарқылмасын шаттығың!

Көркем болсын өңірің,

Көлдей болсын көңілің!

Аман-есен жүр, қалқам,

Өркендесін өмірің!

Шамшырақтай жағылар,

Тұмардай ғып тағып ал!

Осы берген батамды

Шын жүректен қабыл ал!