Өлеңдер ✍️

Отан ана-сен жердегі жұмағым,

Тағдырыма теліп берген тұрағым.   

Шалқар көлің,жасыл желек құрағың,

Жазық далаң,ну орманың-құнарым.

Алыс жүрсем өзегімде құса-мұң,

Сағынып кеп топырағыңды құшамын.

Отан ана-оттан ыстық  құшағың,

Қымбат маған өзен, тауың, бұлағың,

Жаным барда қорғаның боп тұрамын.

Сен дегенде бойда тулап күш-ағын,

Жау аяғы баспасын де  бір адым,

Жұдырықты жұмып қатты қысамын.

Отан ана-мойнымдағы тұмарым,

Бақытымды тек өзіңнен құрадым.

Таусылмасын нұрың менен шуағың,

Осы менің Тәңірден бір сұрарым.

Өркендей бер, саған құрбан қу жаным,

Қазағымның мекені-Қазақстаным!