Өлеңдер ✍️

Ұнайды маған осы бір көзқарасың,

Білемін мені өзгеден қызғанасың.

Үйімнің көркі-жарымсың қалап алған,

Күдіктен гөрі үмітке жүз барасың.

Жүрегімдесің біле жүр, жанымдасың,

Көктемімнің гүл жарар таңымдасың.

Жанымды ұғар жан-жарым,тағы айтсам:

Анамдай қамқор,  аяулы қарындасым.

Жайқалсаң гүлдей әрқашан бағыңдамын,

Күзетемін болмасын деп  жаныңда мұң.

Қызғана қараған түпсіз жанарыңның,

Ішінде менің келеді дамылдағым.