Өлеңдер ✍️

Орын тиіп поэзия кемесінен,

Жырлар туған көңілдің елесінен.

Серік етіп өлеңді асқандаймын,

Бұл өмірдің тағы бір белесінен.

Шабыт келіп, көңілге жел есіп ең,

Өлең-жырдың дегендей егесі мен.

Жүректегі бар сырды ақтарғанды,

Түйреп өтіп шабытым жебесімен.

Ақын жолы, жол екен келесі кең,

Өлең туып, жүрек-жыр кеңесімен.

Жаза бергем қолымнан ойым озып,

Құралайдай оза шапқан енесінен. 

Көгінде поэзия кең көсілгем,

Суда ескегі қайықтай тең есілген.

Көтеріліп көңілмен қайран көңіл,

Ұлытаудың шыңымен теңесіп ең.

Өлең-сөздің қаққандай шегесімен,

Қарсыласып тағдырмен егесіп ем.

Жеткізуге өлеңмен тырысқанмын,

Көрсетпейді дегенге неге ісімен.

Еркін Оралбайұлы 20.12.2018