👈 қаріп өлшемі 👉

Қазақстан туралы тақпақтар

Қазақстан туралы тақпақтар

Қазақстан туралы балаларға арналған тақпақтар жинағын ұсынамыз!

Қазақстан дейтін, менің бар елім,
Жатыр алып жарты дүние әлемін,
Бұл даланы анам жаспен суарған
Бұл далада атам қолға ту алған,
Бұл далаға жылап келіп уанғам
Бұл даланы көріп алғаш қуанғам,
Бұл далада өскен жанда жоқ арман.
Автор: Нұрлан


Пайдалы сілтемелер:



Өр Елім, маңдайыңнан жарық көрдім,
Бабалар өнегесін алып келдім.
Ескерткіш Елім үшін орнатпасам,
Мына жалған өмірге неғып келдім?

Рухынан жақсылардың нұр саулаған,
Жанымды мейірімі құрсаулаған.
Жайсаң өлке, жайдары Қазақстан,
Шуақ шашқан сәулелі күнсің маған!

Қазақ елі


Біз қазақ еліміз бастан не көрмеген.
Намысын ешкімге қолынан бермеген.
Тұс –тұстан анталап, көз сүзген жаулардан
Кең байтақ даласын қас қақпай қорғаған.
Төрінде жерімнің байрағым желбіреп,
Тұп –тұнық аспаным тұрады мөлдіреп.
Қазақтың тілері ата жол салтымен
Достасу, туысу әр елдің халқымен.
Қонақжай халықпыз, жомартпыз, дарханбыз,
Келешек күндерге тәтті үміт артқанбыз.
Таныған жұмыр жер Алаштың баласын,
Қазақтың елі мен даңқты даласын.


Көк аспандай көкпеңбек
Қазақстан жалауы
Көк емес ол тектен – тек
Елдің ашық қабағы


Туыспыз біз бәріміз,
Бір Отанды сүйеміз.
Бақытты елде тұрған соң,
Бақытты өмір сүреміз.

Қуат алған өзіңнен,
Туған елдің қызымын.
Бақытты етіп өсірген,
Отанымның гүлімін.

Азаттық жері, Қазақтың елі,
Шаттыққа толы бүгінгі төрі.
Достықты берік, еткен бір серік,
Бейбіт күн тұрсын сәлесін төгіп.

Атырау қаласы, Амангелді атындағы орта мектебі КММ-сінің
2"в" сынып оқушысы: Галламов Рауан
Жетекшісі: Курмангалиева Динара Нурлыгаиновна


Ұлан байтақ жері бар,
Пайдалы қазба кені бар.
Тәуелсіз ел - Қазақстан
Көркіне көркі жарасқан.

Тәуелсіз азат елім,
Туып өскен- байтақ жерім.
Мәңгі жайнап тура бер
Қазақстаным менің!

Менің Отаным - Қазақстан

Отаным менің - Қазақстан,
Ыстық қой сенің топырағын.
Орманын, көлін, бау-бағын,
Қастерлеген қазағым.

Найзаның ұшымен қорғаған,
Халқым менің мықты ғой.
Ата-бабам әрқашан,
Салт - дәстүрін сақтаған.

Әрбір қазақ батыры,
Желбіреткен көк туын.
Кен байтақ жерге қазағым,
Егін егіп, мал жайған.

Күзде піскен егінді,
Жинап алып ас қылған.
Аман болсын ел - жұртым,
Тыныш болсын Отаным.
Ақмола облысы
Қорғалжын ауданы
Жантеке ауылы.
Канатова Аружан
3-сынып оқушысы


Қарап көріңіз:


Кейінірек оқу үшін сақтап қойыңыз:


Қарап көріңіз 👇



Жаңалықтар:
» NIS-тің мың домбырашысы Гиннесс рекордтар кітабын бағындырды 26.05.2022
» Президенттің баспасөз қызметі Тоқаевтың 30 жыл бұрынғы суреттерін көрсетті (фото) 22.05.2022
» Қазақстандағы жеңілдетілген автокөлік несиелері: Автосалондар қосымша қызмет алуға мәжбүрлейді 20.05.2022

Пікір жазу

Пікірлер 17

  1. Айсел
    Айсел 09.12.2021 13:12
    2 + 1 -
    Жиырма жыл, жиырма жыл азаттық,
    Өзімізді құрсаудан да босаттық.
    Ақтадық біз ата-баба үмітін,
    Қолда қазір көк ту менен бостандық. Осының авторы кім
  2. Оқырман Мағжан
    Оқырман Мағжан 13.11.2021 20:24
    0 + 2 -
    Орал педагогика мен психология және болашақ ұрпаққа қайырлы таң балалар да Алла Тағала ұзааақ деп аталады және болашақ қыздар педагогикалық институтының тарих факультетінде
  3. Қазақстан туралы өлең
    5 + 3 -
    Қазақстан — алтын сандық

    Отанға, партияға менен рапорт,
    Қабыл ал ақын сөзін қадырлы жұрт,
    Бұл ермек емес, яки, сөз құмарлық,
    Сөйлеуге республикам берді жарлық,
    Ең биік шықтым, міні трибунаға,
    Үн қостым Жамбыл тартқан домбыраға.

    I
    Бар еді байтақ даламыз
    Таныған жалғыз қазағын,
    Арнаған екен қазаққа
    Азабы менен дозағын:
    Су сұраса беріпті,
    Топырағы мен тозаңын,
    Жол сұраса беріпті,
    Сағым атты мазағын.

    * * *
    Қуыпты қазақ сағымды,
    Табам деп содан бағымды.
    Үні деп өмір таныпты
    Естілген желден сарынды.
    Тасқының құмның кешіпті
    Тынымсыз қозғап ауылды.
    Үдере жүріп іздепті
    Даланың алтын сандығын
    Тереңде жатқан жабулы.
    Табам деп сол сандықты
    Талай қазақ, қаңғыпты.
    Тауды кезді, жаңғыртты,
    Түзді кезді, шаң жұтты.
    Таппай алтын сандықты
    Жолда қалды сан мықты.
    Тілсіз дала - кәрі қу
    Ермек етті албыртты.
    Жүгіртіп дала қаңбақты,
    Осы деп байлық алдапты.
    Қазекең оған нанбапты,
    Бетінен алған танбапты.
    Арман қып алтын сандықты,
    Жапанды тынбай шарлапты.
    Ақындар әлсіз болдырып,
    Қураймен бірге сарнапты.
    Сонда бір мұңлы ән қапты.
    Батырлар түзде дал болып,
    Даласын туған қарғапты,
    Сонда бір мұңлы зар қапты.

    II
    Ағылып етті жүз жылдар,
    Ғасырлар қалды кейінде
    Россия кетті ілгері
    Тізгінін беріп Ленинге.
    Қазақ та бірге қозғалды
    Кеудесі толы сенімге,
    Жаңа күн туды жарқырап
    Көңіліндей ашық көгінде.
    Жаңа әндер туды шырқалып
    Жасарған ғажап еліңде.
    Даламыз қайда, даламыз?
    Далаға қанат қағамыз.
    Даланың кілтін табамыз
    Таппаған ата-бабамыз.
    Сараңның ашып сандығын
    Алтынын тыққан аламыз,
    Ортаға олжа саламыз,
    − Туысқан жұртым, - орысым!
    Қонысым - сенің қонысың,
    Қазанда бірге сыбағам,
    Тірлікте бірге тынысым,
    Сенімен тізе қосқалы
    Төгілмей келеді ырысым.
    Ашайық алтын сандықты,
    Әкелші қолды сол үшін.
    Киевім - жарық астанам
    Көзімнің сәуле нұрындай.
    Қыздарың туған қызымдай,
    Ұлдарың туған ұлыңдай.
    Басталған емес бір ісім.
    Сенімен бірге жұмылмай.
    Далама менің бірге аттан,
    Жорыққа шыққан жылындай.
    Ашайық, алтын сандықты,
    «Даланың жұмбақ сырындай!»
    Шақырды қазақ осылай,
    Аттанды бірге достары.
    Дүбірге дала кенелді.
    Тігілді қатар қостары.
    Төбеде тұрды күмбездей
    Көгілжім, ортақ аспаны.
    Әндерін шырқап бірге айтты.
    Бауырлас елдің жастары:
    «Тыңға түстік, түстік тыңға.
    Шыңдалады жігіт сында.
    Ей, жас жолдас, тез қимылда,
    Шабандыққа жаумыз мұнда.
    Қос әніңді, қос моторға,
    Тарт соқаны жоннан жонға!
    Жая берсін түн қанатын
    Бізбен іркіліп тоқталатын!
    Ал жағыңдар прожекторды
    Өткір сода жыртсын түнді.
    Ей, жас жігіт, ұста мығым,
    Әлсіретпе от жарығын.
    Шапшаң жолдас тез қимылда!
    Шабандыққа жаумыз мұнда.
    Қажет болса айнал отқа
    Тамырыңа жалын құй да,
    Қос әніңді, қос моторға,
    Тарт соқаны жоннан жонға!»

    III
    Сағымы көзді алдаған
    Даламыз қайда, халайық?
    Қурайы бір кез сарнаған
    Жапанды шолып қарайық.
    − Тербелген бұл не, теңіз бе?
    − Теңізден терең ғажайып.
    − Сарғайған бұл не, алтын ба?
    − Алтыннан асыл ғажайып.
    Сараңның аштық сандығын,
    Бермесін алдық, даланың.
    Інжулер төгіп үнінен
    Орағым айтты өз әнін.
    Үйілді қызыл қырмандар
    Үйіндей үлкен қаланың.
    Жинаңдар, түгел жинаңдар
    Отанның қап пен қанарын!
    Вагондар тола тиелді,
    Поездар әрең ырғалды.
    Жөнелтті Қазақстаным
    Миллиард пұттық қырманды.
    Көріп тұр Қазақстаным
    Ашылар алда тыңдарды,
    Күтіп тұр Қазақстаным
    Болашақ жарқын жылдарды!

    1956
  4. Қазақстан туралы өлеңдер
    0 + 1 -
    Қазақстан

    Елу жаста елім бар деп айта алмай,
    Кетпес естен күйінгенің, мұңлы Абай.
    Елім бар деп айтатын бір туды күн,
    Елім бар деп шырқатайын мен бүгін,
    Қойсын енді Қорқыт күйін сарнамай.
    Атам Абай, арманыңа бер тыным,
    Сен таппасаң, біздер таптық жер тыңын.
    «Гүлжазира», «Жерұйықтан» кем бе екен
    Мынау дала, біздер өскен кең мекен -
    Қызыл тулы ел Қазақстан дейтұғын!
    Көкше, Баян, Қарқаралы, Алатау,
    Тоңы - алтын, түгі - торқа жер мынау!
    Қарағанды - қара қазан қайнаған,
    Дүние-байлық тұрған жайнап айналам,
    Елдігіме етер шүбә қандай жау?!
    Дүрсілдейді сонау Балқаш жағасы,
    Баршы өзің, көңіл қойып тыңдашы!
    Тұр ғой соғып туған дала жүрегі,
    Кім қызықтап, мақтан етпес бұл жерді,
    Бақытыңа қуан, қазақ баласы!
    Кең далалы, кең пейілді қазақпыз,
    Құл емеспіз, еркін жанбыз, азатпыз.
    Ел намысын ешбір жауға бермейміз,
    Өмірді алға бастырамыз, өрлейміз -
    Сертің осы, азат жігіт, азат қыз!
    Байтақ Отан - туып-өскен өз елім,
    Өмірімдей өршіп аққан өзенім!
    Артым жақсы, алдым қандай тамаша,
    «Бөтен елдің падишасы болғанша,
    Өз елімнің терсем артық тезегін!»
    Қуанамын, көрсем атты қазақты
    Ән шырқаған алшы тастап тымақты.
    Қуанамын шапқанына құйғытып,
    Қанаттанып, алыс жолды тез ұтып,
    Огты көзбен тұрса шолып жан-жақты.
    Аралашы Алматының көшесін,
    Емендермен егесе сен өсесің.
    Талғар тауда тудай жайнап талабың,
    Бой ұрасың мұхитына даланың,
    Қайтарам деп өміріңнің есесін.
    Туған бала құба құмда, жер үйде,
    Тоқсан томды алдына алып ҚазПИде,
    Отыр дүние архивтарын ақтарып,
    Соны көріп сүйсінем де мақтанып,
    Кетем жырлап, қосылам да бір күйге.
    Тау қопарған, көлді көлге қотарған,
    Біз ерлерміз алғыс алған Отаннан.
    Туған жердің салмақтап сом алтынын,
    Содан ұғып келешегін халқының
    Жүрген жасты жырлап өтсем, жоқ арман.
    Кемпір көрем көк өзендей күй төккен,
    Шалды көрем жыр ұшырған көкіректен.
    Қызымыз бар құралай көз, қара шаш,
    Күлкісі - күн, сайрап кетсе - сандуғаш,
    Жігітіміз барабар жас түлекпен.
    Көк құрыштан құйылғандай бір елміз,
    Әрі биік, әрі кеңбіз, тереңбіз.
    Әніміз бар асқақ жалау сықылды,
    Көтерілсе - тік көтерер жұртымды,
    Біз дүниеге мәңгілікке келгенбіз.
    Елу жаста елім бар деп айта алмай,
    Кетпес естен күйінгенің, мұңлы Абай.
    Елім бар деп айтатын бір туды күн,
    Елім бар деп шырқатамын мен бүгін,
    Еркелеймін кең даламда баладай.
    Қазақстан дейтін менің бар елім,
    Жатыр алып жарты дүние әлемін!
    Бұл даланы анам жаспен суарған,
    Бұл далада атам қолға ту алған,
    Бұл далаға жылап келіп уанғам,
    Бұл даланы көріп алғаш қуанғам,
    Бұл далада өскен жанда жоқ арман!
    +++++++++++
    Қазақстан

    Бір кезде артта қалған Қазақстан,
    Отарлап, үн шығармай патша қысқан,
    Советтің ұлы теңдік арқасында,
    Өлшеусіз табысым бар белден асқан.
    Қат-қабат қалың байлық өндірісім,
    Дамыды күн-күн сайын еткен ісім,
    Дәуірдің социалистік қазынасы,
    Қайнаған дүсір қағып табыс күшім.
    Қарсақпай, Қарағанды, Қоңырат, Ақжал,
    Орал мен Балқашыма көзіңді сал!
    Мыңдаған колхоз-совхоз өндірісім,
    Бәрі асыл, бәрі табыс таңдауын ал.
    ++++++++++++
    Менің Қазақстаным

    Қазақстан – бар қазақтың киелі туған жері,
    Қазақстан – қазағымның туған елі.
    Кен байтақ Қазақстандай жерде туған
    Қазақтың Тәңірі берген несібесі!

    Алматы бұл бұрынғы астанамыз,
    Алатаудай тауы бар асқаралы.
    Нұрсұлтандай арысты туған өлке
    Бақыттың баршасы басталады.

    Астана - бәйтеректің қаласындай,
    Астана - бұл қазақтың панасындай.
    Елге ғана осындай даласы бар
    Астанадай жас қала жарасымды - ай!

    Қазақстан - бұл біздің Отанымыз,
    Қазақстан – бұл біздің ардағымыз.
    Кең байтақ Қазақстандай жерде туған
    Біздің сірә, барма екен арманымыз?!

    Құмсай бастауыш мектебінің
    3 - сынып оқушысы Сағынтаева Арайлым


    Туған жерім
    Күн шуағы өзіңнен нұр береді,
    Туған жерім сол нұрмен түрленеді.
    Кең байтақ Егеменді туған жерім,
    Елбасының еңбегімен гүлденеді.

    Ақорда - Алашымның астанасы,
    Бәйтерек - ең үлкен баспанасы.
    Даласында Сарыарқаның самал ескен,
    Мұның бәрі қазақтың байлығы екен.

    Құмсай бастауыш мектебінің
    4 - сынып оқушысы Жайшылық Гүлден
    +++++
    Қазақстан

    Арыстандай айбаттым,
    Жолбарыстай қайраттым,
    Аспандаған байрақтым,
    Қанша жұлдыз жайнаттың,
    Қанша бұлбұл сайраттың,
    Қазақстан, ардақтым!
    Тұлпарыңның шабысын,
    Домбыраңның қағысын,
    Күңіренткен тау ішін,
    Дарияңның ағысын
    «Сүйем!» десем - бәрі шын,
    Қазақстан - намысым!
    Әрбір тасы - киелім,
    Әр уығы - жүйелім,
    Ән кернеген жүрегін,
    Күй кернеген тиегін,
    Сары алтыннан сүйегің,
    Қазақстан - жыр елім!
    Шаңырағың - шырағым
    Топырағың - тұмарым,
    Ғаламда жоқ сыңарың,
    Ғажайыбым, жұмағым,
    Басы таза бұлағым,
    Басылмайтын құмарым,
    Қазақстан - қыраным!
    Айың тусын оңыңнан,
    Күнің тусын солыңнан,
    Жұлдыз жансын жолыңнан,
    Басыңа бақ орнасын,
    Қыдыр болсын жолдасың,
    Құдай сені қолдасын,
    Қазақстан - көз жасым!..
  5. Оқырман Айару
    Оқырман Айару 29.08.2021 23:43
    5 + 0 -
    Недеген тақпақ десейші браво деп па
    🤣🤣🤣
  6. Оқырман асемай
    Оқырман асемай 10.02.2021 19:17
    2 + 2 -
    маган 1 такпак унады
  7. Кәмшат Жолдыбаева
    3 + 4 -
    жарайсыз!!!Маған қатты ұнап қалдығой
  8. МАРАТ Парасат Жанатқызы
    5 + 0 -
    маа тақпақтарынз оте күшті браво маладес
  9. Жанерке
    Жанерке 04.01.2021 19:28
    4 + 1 -
    Неге бәрін отаным менің Қазақстан деп шығара берген, жарайсың дар
  10. 😈
    😈 07.12.2020 11:46
    5 + 5 -
    Жаксы такпактар
  11. Іңкәш
    Іңкәш 03.12.2020 22:47
    4 + 2 -
    .қазақыстан ауырмасын
  12. адам ои мен жент
    4 + 3 -
    АБаи адм ои акл ои

    олы оз жерн сатпаи ды
  13. Айдын Алихан
    Айдын Алихан 08.01.2016 12:41
    5 + 1 -
    өте керемет
  14. Саша Александрович
    3 + 2 -
    :)))
  15. Саша Александрович
    3 + 2 -
    Жаксы керемет
  16. Erkezhan Kanatbekova
    Erkezhan Kanatbekova 04.12.2014 04:42
    3 + 2 -
    Асем елим казагым
  17. Асема Ермаханова
    2 + 3 -
    өте жақсы


Келесі мақала, жүктелуде...
Біз cookie файлдарын пайдаланамыз!
Біздің сайтты пайдалануды жалғастыра отырып, сіз сайттың дұрыс жұмыс істеуін қамтамасыз ететін cookie файлдарын өңдеуге келісім бересіз. Cookie файл деген не?
Жақсы