Қазақша ашық сабақ: Ғажайып көрме - Expo 2017

Қазақша ашық сабақ: Ғажайып көрме - Expo 2017 казакша Қазақша ашық сабақ: Ғажайып көрме - Expo 2017 на казахском языке

Ашық сабақ тақырыбы: Ғажайып көрме - ЭКСПО 2017
Ашық сабақ мақсаты: ЭКСПО көрмесі туралы мәлімет беру, білімдерін тереңдету, көрменің біздің еліміз үшін қажеттілігі мен маңыздылығы туралы білім қалыптастыру. Қоғамдағы өзгерістер мен жаңалықтардан тыс қалмауға, шығармашылыққа баулу. Отанымыздың жеткен жетістіктеріне мақтаныш сезімін ояту.
Ашық сабақ түрі: таным сабақ
Пәнаралық байланыс: дүниетану, әдебиеттік оқу, еңбекке баулу.
Ашық сабақ көрнекілігі: "Ғажайып көрме" мульттоптамасы, бейнероликтер, тақырыпқа байланысты түрлі тапсырмалар, суреттер, слайд.
Барысы:
І. Кіріспе
- Сәлеметсіздер ме, оқушылар, ұстаздар! Осы қараша айының 16 - нан бастап Біздің мектебімізде Тәуелсіздіктің 25 жылдық мерейтойына байланысты түрлі іс - шаралар өтіп жатыр. Сол іс - шаралардың жалғасы ретінде бүгін 4 - сыныпта ашық тәрбие сағатын өткізгелі отырмыз.
- Тәрбие сағатымыздың тақырыбын мына сурет қиындыларын дұрыс құрастырстырып, оқушылардың өздері тауып ашқанын жөн көріп отырмын.
/ Алдын - ала қиып дайындалған ЭКСПО логотиптерінің суретін құрастырып, сабақтың тақырыбын ашуды сұраймын /
- Бұл суреттен не көріп тұрмыз? Қалай ойлайсыңдар, бүгінгі сабағымыз не туралы? Тақырыбы қандай болар екен? /оқушылар өз ойланын айтады/
Бүгінгі сабағымыздың тақырыбы: "Ғажайып көрме - ЭКСПО 2017"

ІІ. Тұсаукесер
- Тәуелсіздігімізді алғаннан бері еліміз Елбасының бастауымен экономикалық және әлеуметтік маңызы зор жобаларды қолға алып, әлемдік деңгейдегі іс - шаралардың өтуіне ұйытқы болып келеді. Осындай істердің жалғасы ретінде Қазақстан ЭКСПО - 2017 көрмесін өткізу құқығын жеңіп алды. Астана ұсынған көрменің тақырыбы "Болашақтың энергиясы" деп аталады, ол баламалы энергия көздеріне және "жасыл" технологияға арналған.

ІІІ. Негізгі бөлім
"Назар сал, тыңда"әдісі. /Н. Ә. Назарбаевтың ЭКСПО - 2017 көрмесін жеңіп алған уақыттағы теле арналарға берген сұхбатын тыңдату/
- Балалар, ЭКСПО дегеніміз не? Оның мақсаты қандай? Оның біздің елімізге қандай пайдасы бар? / бейнежазбадан көргендері бойынша әңгімелесу /
- Жақсы, балалар, көргенімізді толықтыру үшін, одан әрі жақсы мәлімет алу үшін мен сіздерге мынадай мәтіндер алып келдім. Барлығымыз дауыстап оқып берейік.
/оқушыларға дайын мәтінді оқыту/
Мейіржан: Дамыған елдер соңғы бір жарым ғасырдан бері бір - біріне жетістіктерімен мақтанып, табыстарын таразылап қою үшін өзара бас қосып, барын базарлап отыруды дәстүрге айналдырып келеді. Бұл дәстүр ел арасында халықаралық көрме немесе "ЭКСПО" деп аталады
Гүлдана: "ЭКСПО" атауы – өзінің аты айтып тұрғандай, "экспонат" деген сөзден шыққан. Қазақшаласақ, жәдігер болады, яғни ол – жер жүзін мекендеген барша халықтардың өмірдің түрлі саласында қол жеткізген жетістіктерін, жәдігерлерін көрсететін алаң. Онда ЭКСПО - ның кезекті таңдаған тақырыбына орай жұрттың бұрынғы - соңғы жеткен жетістіктері көпшілік назарына ұсынылады.

Әлихан: Бүгінде бұл көрмеге дүниежүзінің 168 мемлекеті мүше болып отыр. Оның жұмысын ұйымдастыру үшін арнайы Халықаралық Көрмелер Бюросы (ХКБ) құрылған. Штаб пәтері Парижде орналасқан. Қазақстан ХКБ - на 1997 жылы мүше болып кірді.

Әбілмансұр: Жалпы, ЭКСПО көрмесінің екі түрі бар. Оның бірі - халықаралық әмбебап көрме. Ол бес жылда бір рет өткізіледі. Келушілер көрмеге қойылған экспонаттарды алты ай бойы тамашалай алады.

Аян: Екіншісі - халықаралық мамандандырылған көрме. Ол белгілі бір тақырыпқа арналып, 2 - 2, 5 жылда бір рет өткізіледі. Мерзімі – үш ай. Қазақстанның әлем елдері үшін өткізетіні – екіншісі. Мамандандырылған халықаралық көрменің өтетін уақыты 2017 жылдың 10 маусымы мен 10 қыркүйегінің аралығы деп белгіленді.

Дәурен: 2012 жылғы 22 қарашада Халықаралық көрмелер бюросына мүше 161 елдің өкілдерінің жасырын дауыс беру барысында Астана жеңіске жетіп, ЭКСПO - 2017 халықаралық мамандандырылған көрмесі өтетін орын ретінде таңдалды. Астананың өтінімін 103 ел қолдады. ЭКСПО - 2017 ТМД елдерінде өтетін алғашқы көрме болмақ.

Алғабек: Астанадағы бүкіләлемдік көрме 3 айға дейін жалғасатын болады. Оған әлемнің 100 - ге жуық елі және 10 халықаралық ұйым қатыса алады. Көрмеге 2 миллионнан астам адам қатысады деп күтіліп отыр.
- Иә, балалар, бүгін сіздер көрме туралы біршама мәлімет алатын боласыздар.
Халықаралық көрмелер тарихы туралы жинақтаған мәліметтерге назар аударайық.

"ЭКСПО тарихы " /бейнеролик көрсетіледі/
- Осы көргендеріңізді "Суретті танып сөйле" ойыны арқылы айтып берулеріңіз керек.
/көрген бейнеролик бойнша сурет беремін, оқушылар суреттен қай көрме екенін тауып, берілген ақ параққа жабыстырып айтады/
Алғашқы бүкіләлемдік көрме Лондонда өтті 1851 жыл Хрусталь сарайы.
Париждегі Эйфель мұнарасы.
Барселонадағы Монжуич Ұлттық сарайы.
Брюссельдегі Атомиом
Финадельфия, АҚШ 1876 жыл Александр Беллдің телефон аппараты.
Париж, Франция 1878 жыл Фонограф - Томас Эдисонның дыбыс жазуға және жаңғыртуға арналған құрылғысы.
Чикаго, АҚШ 1893 жыл инженер Джордж Феррис жобалаған алғашқы аттракцион биіктігі 80 метрден асты, ал оның салмағы 2 мың тоннаға дейін жетті.
Чикаго, АҚШ 1893 жыл аяқ киімге арналған алғашқы сыдырма - ілгек.
Буффало, АҚШ 1901 жыл жұртшылыққа рентген сәулелері таныстырылды.
Лент - Луис, АҚШ 1904 жыл алғашқы балмұздаққа арналған жейтін стақан.
Нью - Йорк, АҚШ 1939 жыл тікелей эфирде хабар тарату көрсетілді.
Кез - келген матаны берік әрі созылғыш ететін жаңа синтетикалық материал - нейлон таныстырылды.
Осака, Жапония 1970 жыл тұңғыш ұялы телефонның алғашқы нұсқасы және ұялы байланыс технологиясы таныстырылды.
Чикаго, АҚШ 1982 жылы саусақтардың басқанын сезетін алғашқы сенсорлық экран көрсетілді.

- Өте жақсы, балалар, тапсырманы дұрыс орындадыңыздар. Келесі кезекте мен сіздерді "Ғажайып көрме" мульттоптамасының кейіпкерлерімен көрмеге саяхаттауға шақырамын.
"ЭКСПО алаңына саяхат"
/2 - бөлімді көріп жақынырақ танысады/
- Саяхатымыз қызықты болды ма?
ЭКСПО - 2017 халықаралық мамандандырылған көрмесін өткізуге шамамен 173 гектар жер бөлінген. Кешенде жүзге тарта павильон салынады деп жоспарланды. Көрме кешенінің құрылысы басталған ЭКСПО ғимараттарын салуда "жасыл экономиканың" негізгі қағидалары сақталып, қалаларды байыпты жобалау ескерілген. Ең әуелі көрменің инфрақұрылымы халықаралық көрмелердің техникалық талаптарына сай болуы, оның ішінде экологиялық қауіпсіз материалдарды пайдалану, қуатты үнемдейтін нысандар салу керектігі ескерілген.
Бұл баламалы энергия көздері бойынша ғылыми зеттеулер жасап жүрген ғалымдарымыз үшін маңызды.
- Балалар, мульттоптамадағы балалардың Робогидке көмектесуде қандай оқиғаларды бастарынан өткізгенін көргілеріңіз келсе, осы көрменің біздің еліміз үшін қандай пайдасы бар деп ойлайсыздар, сол туралы "Менің ойымша...." деп бастап бір сөйлеммен өз ойларыңды айтуларыңызды сұраймын.
/осы тақырыпта бір сөйлеммен әрқайсысы өз ойларын айтады, сосын мульттоптаманың жалғасын көреді./
"Ғажайып көрме" 3 - бөлім.
- Сіздер үшін қызықты, пайдалы болды ма? /балаларды тыңдау/

ІV. Қорытынды бөлім
Халықаралық көрме барша әлемге осы саладағы қазақстандық ақыл - ойдың қуаты мен әлеуетін паш ететін болады. Бұдан басқа, ЭКСПО нысандары үшін жол салу, қоғамдық көлік, коммунальдық шаруашылық, әуежай, вокзал тәрізді инфрақұрылымдық жұмыстар өркендейді. Бұл дегеніңіз жаңа жұмыс орындары, Астана мен оның маңындағы аймақтарда шағын және орта бизнестің дамуына және ішкі туризмнің артуына серпін бермек. Елімізге шетелдік туристер ағыны күшейетіні белгілі ЭКСПО болашақта Қазақстанды ірі несиелер құюға болатын халықаралық ақпараттық - экономикалық алаң ретінде тануға мүмкіндік береді.

Рефлексия "Қызықты жарнама"
- Балалар, сіздер кішкентай болсаңыздар да осы көрмеге өз үлестеріңізді қосуларыңыз керек. Сондықтан мен сіздерге мынадай қағаз қиындыларын беремін. Ал сіздер осыларды құрастыруларыңыз керек. Дұрыс құрастырғанда мынадай жануарлар, жемістер шығады. Сол құрастырғандарыңызды пайдаланып, бүгінгі сабағымыздың тақырыбымен байланыстырып, жарнамалайсыздар.
/бірінші топ жемістер құрастырады, екінші топ табиғаттағы жан - жануарларды құрастырып, тақырыппен байланыстырып қызықты етіп жарнамалайды/

/ оқушылар тапсырма орындап отырған уақытта қатысып отырған ұстаздарға көрме туралы бейнеролик қосып қоямын/

- Балалар, "Тәуелсіздікке - 25 жыл", "Ғажайып көрме - ЭКСПО 2017" жақсы өз деңгейінде өтуі үшін шын жүректен тілегімізді айтып, сабағымызды аяқтаймыз.
/тақтада ілінген суреттегі картаның тұсына гүлді тілек айтып жабыстырады /

- Өтсін уақыт, үлгереміз бәріне,
Келгелі тұр күллі әлем жеріме.
Бір береке кіргелі тұр бүгінде,
ЭКСПО боп Астанамның төріне! - деп бүгінгі сабағымызды аяқтаймыз. ЭКСПО - 2017 көрмесі туралы көптеген мәлімет алды деп есептеймін. Тәуелсіз Қазақстан мәңгі жасасын! Келгендеріңізге көп - көп рақмет, сау болыңыздар!

Ақтөбе облысы, Байғанин ауданы,
Көкбұлақ орта мектебінің бастауыш сынып мұғалімі
Төлегенова Эльвира Мәтжанқызы



Жүктеу батырмасы 50 секундта ашылады!!!
Қалай жүктеймін?




KZ » Қазақша Ашық сабақтар жинағы, астана expo 2017 тәрбие сағат, expo 2017 ашық тәрбие сағат астана, expo 2017 ашық сабақ астана, астана expo 2017 ашық сабақ, астана expo 2017 сынып сағаты, expo 2017 сынып сағаты астана экспо 2017, expo 2017 сынып сагат астана экспо 2017, expo 2017 ашык сабак астана экспо 2017, expo 2017 тарбие сагат астана экспо 2017, м, astana expo 2017 tәrbie saғat, expo 2017 ashyқ tәrbie saғat astana, expo 2017 ashyқ sabaқ astana, astana expo 2017 ashyқ sabaқ, astana expo 2017 synyp saғaty, expo 2017 synyp saғaty astana ekspo 2017, expo 2017 synyp sagat astana ekspo 2017, expo 2017 ashyk sabak astana ekspo 2017, expo 2017 tarbie sagat astana ekspo 2017, астана expo 2017 тәрбие сағат, expo 2017 ашық тәрбие сағат астана, expo 2017 ашық сабақ астана, астана expo 2017 ашық сабақ, астана expo 2017 сынып сағаты, expo 2017 сынып сағаты астана экспо 2017, expo 2017 сынып сагат астана экспо 2017, expo 2017 ашык с, Қазақша ашық сабақ: Ғажайып көрме - Expo 2017, Қазақша ашық сабақ: Ғажайып көрме - Expo 2017 сабақ жоспары сабак жоспары ашық сабақтар сайты тарих информатика бастауыш сынып биология математика открытые уроки на казахском языке ашык сабак балабакша ашық сабақтар сайты сабақ жоспары сабак жоспары сынып сағат сынып сағаттары тіл туралы сынып сагат такырыптары сабақ жоспары сабак жоспары тарбие сагаты такырыптары тәрбие жұмысының жоспары бастауыш сынып воспитательные часы на казахском тәрбие сағат