Халық географиясы. Жаратылыстану, 6 сынып, сабақ жоспары.

Ұзақ мерзімді жоспардың бөлімі:

Бөлім 6.1В Ғалам. Жер. Адам.

Мектеп:

Мерзімі:

Мұғалім:

Сынып:

Қатысқан оқушылардың саны:

Қатыспаған оқушылардың саны:

Сабақтың тақырыбы

Халық географиясы

Осы сабақ арқылы жүзеге асырылатын оқу мақсаты

6.2.7.1 халықтың қоныстану заңдылықтарын анықтау

6.2.7.2 халық тығыздығының көрсеткіштеріне баға беру

Сабақ мақсаттары

Оқушылар:

Физикалық және тығыздық карталарын талдау арқылы, халықтың қоныстану заңдылықтарын анықтайды;

Халық тығыздығының көрсеткіштеріне баға бере алады.

Бағалау критерийлері

• халықтың қоныстану заңдылықтарын анықтай алады
• халық тығыздығының көрсеткіштеріне баға береді
• дүниежүзіндегі халық тығыздығының жоғары және төмен аймақтарын анықтай алады және себептерін түсіндіреді

Тілдік мақсаттар

Оқушылар:

Халық тығыздығына әсер ететін факторларды атай алады.

Халық тығыздығын есептеп, салыстырмалы көрсеткіштер бойынша ауызша баға бере алады.

Сұрақтарды ауызша/жазбаша құрастыра алады.

Пәндік лексика және терминология:

Халық тығыздығы, халықтың қоныстануы, таралу ерекшелігі

Айтылымға қажетті сөз тіркестері:

Халық тығыздығына әсер ететін факторлар ........

Менің ойымша ..............

Халық тығыздығының көп/аз болуына.............................. әсер етеді.

Құндылықтарды дарыту

Сабақ коллаборативті ортаны қалыптастыру және жауапкершілік пен көшбасшылықты дамытуға бағытталған.

Оқушыларды топтық жұмыс арқылы бір-бірінің пікірін бағалауға, сыныптастарының жауаптарын тыңдауға, талдауға, қорытынды жасауға баулу.

Пәнаралық байланыс

Математика - Халық тығыздығын формула арқылы есептеу барысында. Тарих – халықтың қоныстануына тарихи мысалдар келтіру барысында.

Алдыңғы білім

5-сыныпта оқушылар дүниежүзі халқының нәсілдік құрамын және негізгі нәсілдер мен нәсіларалық топтардың таралу аймақтарын анықтаған

Сабақтың барысы

Сабақта жоспарланған іс-әрекеттер

1. Ұйымдастыру кезеңі. Оқушылармен амандасу, сыныпты түгендеу. Оқушыларды топқа бөлу. Сыныпта ынтымақтастық атмосферасын қалыптастыру және тақырыпқа шығу мақсатында суретті пайдалану.

2. Ой қозғау:

-Бұл суреттер сіздерге тақырып туралы қандай ой шақырады?

-Бүгінгі сабақтың тақырыбы қандай болады деп ойлайсыңдар?

3. Мақсатты тұжырымдау

Сабақ тақырыбы мен бағалау критерийлерін талдау. Лексика мен терминологиямен таныстыру. (Тақтада жазылады немесе карточкаларда жазылу)

4. Мұғалімнің түсіндірмесі.

• Халықтардың орналасуы туралы заңдылықтар қандай?
• Орналасу заңдылықтарына әсер ететін қандай факторлар бар?

Жер бетінде халықтар біркелкі орналаспаған, 7% құрлықта 70% халық тұрады. Халықтың басым бөлігі қоңыржай, субтропиктік және субэкваторлық климаттық аймақтарда өмір сүреді. Осы аудандардағы халықтың тығыздығы 1 км² үшін бірнеше жүз адамға жетеді, ал әлемдік тұрғындардың орташа тығыздығы бір квадрат километрге 40 адам, ал жердің 15% құрлығында халық мүлдем мекендемейді

Халық тығыздығының формуласы:

Мұндағы р-халық тығыздығы, m- халық саны; v- елдің аумағы (ауданы).

Мұғалім оқушыларға халық тығыздығына әсер етуші факторлар сызбасын тақтадан көрсетеді. Оқушылар факторларды жұмыс дәптерлеріне жазып алады.

5. Білімді бекіту

Топтық жұмыс. Жаңа білімді меңгеру. Оқушылар 4 топқа бөлінеді. Әр топқа халық тығыздығына әсер ететін бір фактор беріледі. Мысалы: тарихи, экономикалық, экологиялық, табиғи. Оқушыларға мәтін таратылады. Мәтінмен танысып, топпен талқылап, берілген фактор бойынша мысалдар келтіріп, сыныпқа түсіндіреді.

Ауызша сұрақты дәлелді жауаптар негізінде топтар бір-бірін бағалайды.

Жұптық жұмыс. Оқушыларға 5 мемлекеттің халық саны және аумағының көлемі туралы ақпараттар беріледі. Оқушылар формула бойынша 5 елдің халық тығыздығын есептеп шығарады.

Дескриптор бойынша өз-өзін бағалау.

Мұғалім дұрыс жауаптарын тақтадан көрсетеді. Оқушылар өз жауаптарымен салыстырады. Жұпта бір-бірін бағалайды.

Жеке жұмыс. Оқушылар халық тығыздығы және физикалық карталарды пайдалана отырып, халық тығыздығы жоғары жыне төмен 5 аймақты анықтайды. Халық тығыздығының жоғары және төмен болуының себебі мен салдарын талдап жазады. Қорытынды жасайды.

Бағалау:

* мұғалімнің бақылауы мен комментарийлері;

* дескрипторлар бойынша өзара бағалау;

* мұғалімнің кері байланысы;

Мұғалім кері байланыс береді, қажеттілік туындаған кезде оқушылардың жауаптарын толықтырады.

РЕФЛЕКСИЯ «Жетістік баспалдағы»

Үй тапсырмасы: сабақ тақырыбы бойынша энциклопедиялар мен БАҚ материалдарынан қызықты деректер топтамасын дайындау (2- 3 деректер).

Дифференциация – Сіз көбірек қолдау көрсетуді қалай жоспарлайсыз?

Сіз дарынды оқушыларға қандай тапсырмалар беруді жоспарлайсыз?

Төмен қабілетті

Орташа қабілетті оқушылар

Жоғары қабілетті оқушылар.

Бағалау – оқушылардың оқуын тексеруді қалай ұйымдастырасыз?

Денсаулық және қауіпсіздік техникасын сақтау

Қолдау көрсету:

Сіз оқушыға қолдау көрсету үшін дұрыс жауап немесе негізгі ойды білдіретін тірек сөздер бере аласыздар

Тақтаға да тірек сөздер мен сабақта өтілетін терминдер жазып қойсаңыз, көмек қажет оқушыға жеңіл болады.

Тапсырманы үш деңгейде беруге болады. Мысалы 1 топқа 10 мемлекет, 2 топқа 5 мемлекет, 3 топқа 3 мемлекет т.с.с.

Қалыптастырушы бағалауды кезеңдерде өткізуге мүмкіндіктер бар:

• Жауабы дәлелді болса.
• Дұрыс есептей алса.

Ауызша жауаптары толық болса.

• Топтық және жұптық тапсырмаларды орындау барысында қауіпсіздік техникасын сақтау және Дене шынықтыру минутасы.

Барлығы ортаға шығарылады. Мұғалім – Қазақстан деген жазуды ұстап тұрады және әртүрлі елді айта бастайды. Ал, оқушылар аталған ел мұғалімнің, яғни Қазақстанның қай жағында (батысы, шығысы, солтүстігі, оңтүстігі т.б.) орналасуына байланысты тұрып, картадан халық тығыздығын айтады.