Авторлық және сабақтас құқықтың құқықтық реттелу түсінігі мен нысаны. Құқық негіздері, 11 сынып, қосымша материал, 2 сабақ

Сұрақтар

Жауаптар

Авторлық құқық деген не?

Зияткерлік меншікті пайдалануды реттейді. Зияткерлік меншік үш түрлі салаға бөлінеді: авторлық құқық; патентті құқық; коммерциялық құқық.

Зияткерлік меншік нелерден тұрады?

Авторлық құқық авторлық туындылар санатына жататын объектілерді реттейді. Патенттік құқық міндетті түрде мемлекеттік тіркеуді талап ететін объектілерді реттейді. Коммер циялық құқық зияткерлік меншік объектілерін реттейді. Оларды қорғау кәсіпорынның ішкі құжаттарымен жүзеге асады.

Авторлық шығарма деген не?

Бұл – жекетұлғаның шығармашылық іс-әрекетінің нәтижесі болып табылатын зияткерлік меншіктің объектісі. Ғылыми, әдеби және өнер туындысының авторы деп шығармашылық еңбек жасаған азамат танылады.

Авторлық құқықты не үшін рәсімдеу керек?

Біріншіден, авторлық құқықты рәсімдеу туындыны қолдануға айрықша құқық алу үшін керек. Екіншіден, мұндай құқықты басқа мүдделі тұлға алмауы үшін және нағыз авторға басқа сұрақтар туындамауы үшін қажет.

Авторлық құқықты кім қорғайды?

Авторлық құқықты автордың өзі немесе автормен шарт бойынша жұмыс жасап отырған қызмет көрсету ұйымы қорғай алады.

Делелдеме базасын қалай жинақтау керек? Авторлық құқықты бұзу фактісі қалай расталады?

Егер құқықбұзушылықты интернет-сайтта көрсеңіз, сол сайттан скринтшот жасап, мөрмен растау қажет. Егер құқықбұзушылықты сырттағы жарнамадан немесе ілініп тұрған жерден көрсеңдер, суретке түсіріп, мөрмен растау қажет. Егер құқықбұзушылық сауда желілерінде болса, міндетті түрде бақылау жасау үшін сатып алу керек. Өз кезегінде, авторлықты растайтын барлық материалдар жинақталып кәсіпорынға жіберіледі.