3 сынып_ 8 бөлім_Мерекелер. Демалыс мәдениеті_№124-сабақ_ҚМЖ

Пән: қазақ тілі

Ұзақ мерзімді жоспар бөлімі: 8 бөлім: Мерекелер. Демалыс мәдениеті

Мектеп: Талдықорған қаласы физика-математика бағытындағы «Назарбаев Зияткерлік мектебі»

Күні:.

Мұғалімнің аты-жөні: Сарыева А.Т.

Сынып:

Қатысқандар саны: Қатыспағандар саны:

Сабақтың тақырыбы

№124-сабақ. Ардагерлерді ардақтайық! Нұсқаулық жазу

Осы сабақта қол жеткізілетін оқу мақсаттары

3.2.4.1 өз бетінше мәтіннің тақырыбын және мұғалімнің көмегімен негізгі ойды анықтау

3.3.4.1 мұғалімнің көмегімен сызба, график, кесте, фотосуреттер пайдаланып, мәтін (хат, шақыру, нұсқаулық) құрау/компьютерде теру.

3.3.5.1 жіберілген пунктуациялық, орфографиялық, грамматикалық және стилистикалық қателерді мұғалімнің көмегімен тауып, түзету

 Сабақ мақсаттары

 Бағалау критерийлері

- өз бетінше мәтіннің тақырыбын және мұғалімнің көмегімен негізгі ойды анықтайды;

- жіберілген пунктуациялық, орфографиялық, грамматикалық және стилистикалық қателерді мұғалімнің көмегімен тауып, түзетеді;

- мұғалімнің көмегімен сызба, график пайдаланып нұсқаулық жазады

 Сөздік қор

Пәндік терминология мен тірек сөздер

Сабақта диалог /жазу үшін пайдаланылатын тіл:

Талқылау үшін сұрақтар:

 Құндылықтарды дарыту

Жауапкершілік, сыйластық, өзара түсіністік қасиеттерін қалыптастыру.

 Пәнаралық байланыстар

 АКТ қолдану дағдылары

Алдыңғы меңгерілген білім

Сабақ барысы

Сабақтағы жоспарланған іс-әрекет

Ресурстар

І. Ұйымдастыру кезеңі. (МК, Ұ, Ө) 3.1.2.1 мәтіннің тақырыбы мен берілген суреттер/фото/ диаграмма бойынша мәтіннің мазмұнын болжау

Қазақстандық Ұлы Отан соғысы батырларының фото галлереясын ұйымдастыру. Білген ақпараттарымен бөлісу. Сабақ мазмұнын болжау.

Бауыржан Момышұлы Нұркен Әбдіров Мәлік Ғабдуллин

- Қазақстандық Ұлы Отан соғысы батырлары туралы не білесіңдер?

Сабақ тақырыбы мен оқу мақсатын белгілеу.

(Ө,Т ) «1 минуттық жазу» әдісі. Жеңіс күні тақырыбына сөздер жазу. Сөз санын белгілеу.

І кезең. (Ө) 1 минут ішінде Жеңіс күніне қатысы бар сөздер тізбегін жазу. Сөз санын анықтау.

ІІ кезең. (Т) 1-2 нұсқада отырған оқушылардан топ құру. Өзара топта идея алмасу, сөз қатарын толықтыру. Сөздердің аясын кеңейту, толықтырып жазып алу. Сөз санын анықтап, белгілеу.

(Ж) Өзара жұмыстарын тексеру. Қателерді белгілеу.

(МК,Ұ) Қатемен жұмыс. Қате түрлерін талқылау.

3.2.4.1 өз бетінше мәтіннің тақырыбын және мұғалімнің көмегімен негізгі ойды анықтау (МК; Ө; Ұ; Қ) Өлеңді мәнерлеп оқу. Өлең мазмұнын талдау. 22-жаттығу.

Өлең мазмұны бойынша не түсіндің?

Жеңіс күні мерекесінің шығу тарихы туралы не білесің?

Жеңіс күніне кімдердің арқасында жеттік?

Өлең авторы балаларға қандай өнеге айтқан? сұрақтарына өз пікірлерін білдіріп жауап береді.

Өлең авторының сендерді неге «батырлардың ұрпақтары» деп атады сұрағы бойынша топта талқылаулар жасап, өз ойларымен бөліседі.

Дескриптор

• өлең мазмұнын түсінеді;
• мәтінге тақырып қояды
• мәтіндегі негізгі ойды анықтайды

(Ж; Ұ; Қ) Өлең мазмұны бойынша әңгімелеу. «Жас жазушы» дидактикалық ойыны.

«Балапан» телеарнасының кішкентай көрермендеріне арналған бағдарламаға сені жас жазушы ретінде шақырды. Телебағдарламада «Жеңіс күні» туралы бұлдіршіндерге түсінікті әңгімелеп беру қажет. Әңгімелеу барысында өлеңнен ақпараттарды қолдану міндетті.

Сергіту сәті: Бейбіт өмір болсын әлемде әнін тыңдау, бірге орындау. https://www.youtube.com/watch?v=Jr6mj_vs5e8

3.3.5.1 (Ө; Ж; Қ) 23-жаттығу. Өлеңді қатесін түзетіп көшіріп жазу.

Отан үшін от кешкен,

Өліммен де беттескен.

Омырауын оқ тескен

Менің атам – майдангер.

Майдангер сөзін дауыссыз дыбыс түрлеріне ажыратады.

Көркем, сауатты жазуға назар аударту.

Жұппен жұмыс жасайды. Мұғалімнің көмегімен бір-бірінің қатесін тауып, түзетіп, орындалған жұмысты өзара бағалайды.

Саралау: дауыссыз дыбыс түрлері кестесі.

Дескриптор

• грамматикалық қателерді анықтай алады;
• стилистикалық қателерді анықтай алады;
• сауатты жаза алады.

(Ө; Қ) Мақал құрастырып, мағынасына талдау жасау.

Сөздерден мақал құрастырып, мағынасына талдау жасайды.

Шешуі: Отан үшін күрес – елге тиген үлес.

3.3.4.1 (Ө; Ж; Т) «Бірлесіп жазу» стратегиясы. «Ардагерлерді ардақтайық!» Нұсқаулық жазу.

25-жаттығу.

• Сурет тақырыбын анықтау. Өз ойын дәлелдеу.
• Сурет бойынша 7 тірек сөзді белгілеу. Тірек сөздер қатарын сыныппен бірге талқылау.
• Жұпта ақылдаса отырып, сөз тіркестерін құрастыру.
• Топта сөз тіркестерін қатыстыра отырып нұсқаулықтың сөйлемдерін құрастыру. (Шимай жазу)
• Сөйлемдердің түсінікті, сөздердің орын тәртібі сақтаулуын тексеру. Таныстыру.
• Нұсқаулықты өз бетінше жазып шығу.

3.3.5.1 (Ж,Қ) Жұмыстарын таныстыру. Өзара орындаған жұмыстарын тексеру.

Қатемен жұмыс ұйымдастыру. Жазба жұмыстарында жіберілген қателерінің түріне байланысты оқушылар топтастырылады. Тапсырманы қатесіз орындағандар өз алдына топ құрайды және оларға өз бетінше жұмыс беріледі.

Дескриптор

• нұсқалық құрылымын сақтайды;
• сөйлемдегі сөздердің орын тәртібін сақтайды;
• қатесіз, сауатты жазады;
• қателерді анықтай алады.

ІІІ. Рефлексия

(Ө; Қ) Бағалаудың шартты белгілеріне сәйкес өзін-өзі бағалау.

Үй тапсырмасы: 24-жаттығу. Мақалды оқып, мағынасын түсіндіру. Х, һ дыбыстары бар сөздерді тауып, олардың айтылуы мен жазылуын естеріне түсіріп, игерген білімдерін бекітеді.

Саралау – оқушыларға қалай көбірек қолдау көрсетуді жоспарлайсыз? Қабілеті жоғары оқушыларға қандай міндет қоюды жоспарлап отырсыз?

Бағалау – оқушылардың материалды меңгеру деңгейін қалай тексеруді жоспарлайсыз?

Денсаулық және қауіпсіздік техникасының сақталуы

Сабақ бойынша рефлексия

Сабақ мақсаттары/оқу мақсаттары дұрыс қойылған ба? Оқушылардың барлығы ОМ қол жеткізді ме?

Жеткізбесе, неліктен?

Сабақта дифференциация дұрыс жүргізілді ме?

Сабақтың уақыттық кезеңдері сақталды ма?

Сабақ жоспарынан қандай ауытқулар болды, неліктен?

Жалпы баға

Сабақтың жақсы өткен екі аспектісі (оқыту туралы да, оқу туралы да ойланыңыз)?

1.

2.

Сабақты жақсарту үшін қандай өзгеріс енгізуге болады (оқыту туралы да, оқу туралы да ойланыңыз)?

1.

2.

Сабақ барысында сынып туралы немесе жекелеген оқушылар туралы нені білдім, келесі сабақтарда неге көңіл бөлу қажет?