1.Қазақ тілі_3-сынып_5-бөлім_Өнер_74-сабақ_Негізгі және туынды зат есім_ҚМЖ

Пән:Қазақ тілі

Бөлім:Өнер

Сабақ тақырыбы

№ 74-сабақ. Негізгі және туынды зат есім

Мектеп:

Мұғалімнің аты-жөні: Каирова К.У

Күні:

Сынып: 3

Қатысқандар:

Қатыспағандар саны:

Осы сабақта қол жеткізілетін оқу мақсаттары

3.2.3.1 мәтін мазмұны бойынша пікір білдіруге бағытталған сұрақтар құрастыру және жауап беру;

3.4.2.4 негізгі, туынды зат есім/сын есім/етістікті анықтау;

3.3.5.1 жіберілген пунктуациялық, орфографиялық, грамматикалық және стилистикалық қателерді мұғалімнің көмегімен тауып, түзету;

Сабақ мақсаттары

Бағалау критерийлері

- мәтін мазмұны бойынша пікір білдіруге бағытталған сұрақтарды құрастыра алады, жауап береді;

- негізгі, туынды зат есімді анықтайды;

- жіберілген орфографиялық қателерді мұғалімнің көмегімен табады, түзетеді.

Сөздік қор

Пәндік терминология және тірек сөздер

Зат есім, түбір, жұрнақ, жалғау, сөз құрамы, негізгі, туынды зат есімдер

Сабақта диалог /жазу үшін пайдаланылатын тіл:

Талқылау үшін сұрақтар:

• Киіз үй мен ағаш үйдің ортақ белгілері мен өзгешеліктері қандай?.
• Негізгі және туынды зат есімдердің айырмашылықтары қандай? Қандай ой түйдің?(саралау сұрағы)

Құндылықтарды дарыту

Өнер түрлерінің адам өміріндегі маңыздылығын ұғындыру ;

Оқушыларды өнерді бағалай білуге, өнер иелерін,туындыларын қастерлей білуге тәрбиелеу.

Пәнаралық байланыстар

Жаратылыстану

Алдыңғы меңгерілген білім

Сөз құрамы. Негізгі және туынды зат есім туралы игерген білімдеріне негізделіп меңгертіледі.

Сабақ барысы

Сабақта жоспарланған іс-әрекет

І. Ұйымдастыру кезеңі.

(Ұ, Ж, қ) «Қарама-қарсы сұрақтар» әдісі.

Оқушылар екі сапқа бөлініп, бір-біріне қарама-қарсы тұрады, екі минут ішінде олар қарсы тұрған оқушыға сұрақ қойып, жауап алады. Бір-біріне өткен тақырыпқа байланысты сұрақтарын қояды.

Берілген уақыт аяқталған соң, мұғалім бір саптың оң жаққа, ал екінші саптың сол жаққа бір қадам жылжуын сұрайды. Оқушылардың жұптары өзгеріп, олар басқаларға сұрақ қояды. Осылайша оқушылар бір-бірімен сұрақ алмасып болғанша жылжи беруге болады.

Ықтимал сұрақтар:

• Негізгі зат есімдер дегеніміз не?
• Туынды зат есімдер дегеніміз не?
• Негізгі және туынды зат есімдердің айырмашылықтары қандай?
• Туынды зат есімдер қалай жасалады?
• Негізгі зат есімдерге мысал келтір. Дәлелде.
• Туынды зат есімдерге мысал келтір. Дәлелде

Сабақ тақырыбы мен оқу мақсатын хабарлау. Бағалау критерийлерін оқушылармен бірге белгілеу.

ІІ. Негізгі бөлім

3.4.2.4, 3.3.5.1 (МК, Ө) Көркем жазу.

Кең жолды дәптерге жазу үлгісін көрсету.

Дәптерде бас әріп пен кіші әріптің биіктігі мен мөлшерін сақтап көлбеу, үзбей және біркелкі жазу үлгісін сақтай отырып, алфавиттік сөйлем жазады.

Мысалы: Пп Пп Пп ппп ппп

пенал парта пейзаж

Пейзаж – табиғатты бейнелеу деген ұғымды білдіреді.

• Қарамен жазылған сөз қандай сөз табы екенін айт.

Оқушыларға қарамен жазылған сөз зат есім екенін дәлелдеп айтады.

Бағалау дескрипторы:

• сөздерді каллиграфиялық талапқа сай қатесіз жазады;
• зат есімді анықтайды;

3.4.2.4 (МК; Ө) 31-жаттығу.

Киіз үй мен ағаш үй. Ы. Алтынсарин. Мәтінді оқы. «Галереяны шарлау» әдісі.

• Мәтін не туралы?
• Мәтін мазмұны бойынша бір-біріңе сұрақ қойып, жауап беріңдер.
• Киіз үй мен ағаш үйдің ортақ белгілері мен өзгешеліктерін ата.
• Қарамен жазылған сөздерден туынды зат есім жаса.

Оқушылар топтарға біріктіріледі. Топта ой бөлісіп, ортақ шешімге келеді. Топтар қарсы топтарға мәтін мазмұны бойынша сұрақтар құрастырады. Құрастырған сұрақтарына сынып алдында жауап алады.

Ықтимал сұрақтар:

• Әділ қазы орыс пен қазаққа қандай ақыл берді?
• Әділ қазы оларды неге шақырды?(бірлікке)
• Әділ қазының шешімі оларды қанағаттандырды ма?
• Өзің қандай ақыл қосар едің?

Венн диаграммасы арқылы үйлердің ерекшеліктерін сипаттайды. Қарамен жазылған сөздерден туынды зат есім жасайды. (табыс- табыскер, дос- достық)

• Киіз үй мен ағаш үйдің ааайырмашылығы қандай?

Киіз үй Ағаш үй

Түсіндірме сөздікпен жұмыс

Әділ қазы – әділ шешім қабылдаушы.

Бағалау дескрипторы:

• мәтін мазмұны бойынша бір-біріне пікір білдіруге бағытталған сұрақ қояды, жауап береді;
• негізгі және туынды зат есімді анықтайды;
• туынды зат есімдердің жасалу жолдарына назар аударады;

3.4.2.4, 3.3.5.1 (Ө, Т, Ж, қ)

32-жаттығу

Өлеңді көркем жаз.

«Сиқырлы телефон» ойыны арқылы оқушылар төмендегі сұрақтарға жауап береді.

• Өлеңде не туралы айтылған?
• Киіз үйдің қандай жабдықтарын білесің?
• Өлеңнен туынды зат есімді тауып, астын сыз.
• Сөз құрамына талда.

Оқушылар жұптаса отырып, өлеңнің не туралы екенін және киіз үйдің жабдықтарын санамалап айтады. Туынды зат есімді тауып, сөз құрамына талдайды. Өзін-өзі тексеру және өзара тексеру жүргізіледі. Қате түрлері сыныппен талқыланады.

Бағалау дескрипторы:

• киіз үй жабдықтарын біледі;
• сөз құрамына талдайды;
• туынды зат есімдерді табады;
• өлеңді қатесіз, сауатты жазады.

3.4.2.4 (ТЖ) 33-жаттығу. Мәтінді оқы.

• Қарамен жазылған сөздердің түбірін тап. Оларға түрлі жұрнақтар жалғау арқылы туынды зат есім жаса.

(кітап-кітапхана, кітапханашы, мал-малшы, мүсіндері-мүсінші, құстың-құсбегі, аңның-аңшы)

Оқушылар топтаса отырып, мәтінге талдау жүргізеді. Сөздердің түбірін табады, оларға жұрнақ жалғау арқылы туынды зат есім жасайды.

Сергіту сәті. Ой сергек!

3.4.2.4 (ТЖ) «Сөздер тізбегі» ойыны. Түбір сөздерге жұрнақ жалғау арқылы жаңа сөз жаса.

Үлгі жауап:

(айлық, кезекші, сазгер, ойыншық, дәрігер, ұстахана, оқушы, сызғыш, мүсінші, биші, аспаз, қойшы)

Берілген сөздер тізбегін құрастыру үшін әр топтан бір адамнан шығып, туынды зат есім айтып, дәлелдейді. Ойын осылайша жалғаса береді.

Бағалау дескрипторы:

• туынды зат есімдерді жасайды;
• олардың жасалу жолдарына назар аударады;

3.4.2.4 (Ө; Ж, Ж) Саралау. Шығармашылық үзіліс.

1-деңгей:

Көп нүктенің орнына негізгі зат есімді қойып жаз:

...- кезекші …- сөздік

…-бапкер …- бастық

(кезек, бап, сөз, бас)

Көп нүктенің орнына туынды зат есімді қойып жаз:

бі-... етік-...

орын-... балық-...

(білім,етікші, орындық, етікші, балықшы)

2-деңгей: Артық сөзді тап!

1. Сәнді, білім, ұшқыш, ұстаз;

2. Қысқы, аула, балық;

3. Қара ала, сахна, торғай;

(сәнді, қысқы, қара ала)

3-деңгей: Жаңылтпашты оқы. Сөз құрамына талда.

Қандай қорытынды жасар ең?

Шын еңбекшіл - өрмекші,

Өрмекші - шын өрнекші.

(өрмекші)

Бағалау дескрипторы:

• негізгі және туынды зат есімді анықтайды;
• негізгі және туынды зат есімдердің жасалу жолдарына назар аударады;

Рефлексия: «Стикер» әдісі бойынша бағалау жүргізіледі.

Бағалау критерийлері бойынша:

• Мен не үйрендім?
• Маған ... қиын болды?
• Мен ... үйренгім келеді?

Үй тапсырмасы

Негізгі, туынды зат есімдерді қатыстырып, 3 сөйлем жазу.

Саралау– оқушыларға қалай көбірек қолдау көрсетуді жоспарлайсыз? Қабілеті жоғары оқушыларға қандай міндет қоюды жоспарлап отырсыз?

Бағалау – оқушылардың материалды меңгеру деңгейін тексеру жоспарыңыз?

Денсаулық және қауіпсіздік техникасының сақталуы

Топтық тапсырмаларды саралау бойынша беру.

Қабілеті жоғары оқушыларға одан әрі дамуы үшін көмек қажет ететін оқушыларға қайта түсіндіру арқылы қолдау көрсетіледі.

Қалыптастырушы бағалаулар дескрипторлар негізінде өзін-өзі бағалау, жұпта бағалау және мұғалімнің бағалауы арқылы жүзеге асырылады.

Топта бірі-бірі тыңдау. Сыныпта қауіпсіздік ережелерін сақтау.

Сабақ бойынша рефлексия

Сабақ мақсаттары/оқу мақсаттары дұрыс қойылған ба? Оқушылардың барлығы ОМ қол жеткізді ме?

Жеткізбесе, неліктен?

Сабақта дифференциация дұрыс жүргізілді ме?

Сабақтың уақыттық кезеңдері сақталды ма?

Сабақ жоспарынан қандай ауытқулар болды, неліктен?

Жалпы баға

Сабақтың жақсы өткен екі аспектісі (оқыту туралы да, оқу туралы да ойланыңыз)?

1:

Сабақты жақсарту үшін қандай өзгеріс енгізуге болады (оқыту туралы да, оқу туралы да ойланыңыз)?

1:

Сабақ барысында сынып туралы немесе жекелеген оқушылар туралы нені білдім, келесі сабақтарда неге көңіл бөлу қажет?