Жылулық сәулелену. Стефан-Больцман және Вин заңдары Ультракүлгін апат. Планк формуласы. Физика, 11 сынып, қосымша материал.

Есептер шығару

Абсолют қара дене. Стефан – Больцман заңы.

Виннің ығысу заңы.

• Қандай температурада абсолют қара дененің энергетикалық жарқырауы 459 Вт/м²-ге тең болады?

(300 К)

• Балқыту пешін абсолют қара дене деп алып, оның ауданы 8 см² болатын бақылау терезесінен 5 минутта шығатын энергияны табыңыз. Пеш ішіндегі температура 1000 К.

(13,6 кДж)

• Абсолют қара дененің энергетикалық жарқырауын екі есе арттыру үшін оның температурасын неше есе өзгерту қажет?

(1,19)

• Абсолют қара дененің температурасы а) 300 К; ә) 1000 К болса, оның энергетикалық жарқырауының сәуле шығару қабілетіның максимумы қандай толқын ұзындығына сәйкес келеді?

(9,6 мкм, 2,9 мкм)

• Абсолют қара дененің энергетикалық жарқырауының спектрлік тығыздығының максимумы 1,45 мкм толқын ұзындығына сәйкес келеді. Оның темпераьурасы қандай?

(2000 К)

• Абсолют қара дененің энергетикалық жарқырауының сәулелену қабілетінің максимумы 725 нм толқын ұзындығына сәйкес келетін болса, 1 секундта осы дененің 1 см² ауданы қанша энергия шығарады?

(1,45 кДж)

• Абсолют қара дененің сәулелену қабілетінің максимумы 720 нм толқынға сәйкес келеді. Бұл дененің бетінің ауданы 5 см² болса, 1 сағат уақытта қанша энергия шығарылады? Сәулелену нәтижесінде дене мессесы 1 с-та қаншаға азаяды?

(26,5 МДж, 8,2∙10^-14 кг)