Рационал сандарды салыстыру. Математика, 6 сынып, сабақ жоспары.

Ұзақ мерзімді жоспар бөлімі:

6.1В Рационал сандар және оларға амалдар қолдану

Мектеп: НЗМ ХББ Атырау қаласы

Күні:

Мұғалімнің аты-жөні: Шамеденова Л.Х.

Сынып: 6

Қатысқандар саны:

 Қатыспағандар саны:

Рационал сандарды салыстыру.

6.1.2.12

рационал сандарды салыстыру.

Оқушылар:

• бүтін сан, теріс сан, рационал сан ұғымдарын білу;
• сандарды классификациялау;
• координаталық түзуде рационал сандарды кескіндеу және салыстыру.

Оқушылар:

• бүтін сан, теріс сан, рационал сан ұғымдарын біледі;
• сандарға классификация жасай алады;
• координаталық түзуде рационал сандарды кескіндей алады және салыстырады.

Оқушылар:

• берілген бөлімнің математикалық терминологиясын қолданады;
• координатасы рационал сан түрінде берілген нүктелерді координаталық түзуде кескіндеуін сипаттайды.

Пәнге қатысты лексика мен терминология:

• оң сан;
• теріс сан;
• бүтін сан;
• қарама-қарсы сандар;
• рационал сан;
• бүтін сандар жиыны;
• рационал сандар жиыны;
• координаталық түзу.

Диалогқа/жазылымға қажетті тіркестер:

• а санының модулі деп ... аталады;
• координаталық түзуде үлкен (кіші) сан ... кескінделеді;
• екі теріс санның ішінен ... үлкен;
• A(-3) жазуын «координатасы минус 3 болатын А нүктесі» деп оқимыз;
• C(2,6) жазуын «С нүктесінің координатасы екі бүтін оннан алтыға тең» деп оқимыз.

Топтық, жұптық тапсырмаларды орындағанда ынтымақтастық құндылықтарын дарыту. Академиялық әділдікті сақтау және қолдау, өзара жауапкершілікті қалыптастыру.

Бұл бөлімде алынған білім оқушыларға күнделікті өмірде есеп-қисап жасауда көмек болады, сонымен қатар рационал сандарға амалдар қолдану дағдылары қажет ететін пәндерді жетік меңгеруге ықпал етеді.

Оқушылардың ActiveBoard белсенді тақтаны қолдану дағдыларын қалыптастыру, жетілдіру.

Координаталық сәуле туралы ұғым. Ондық және жай бөлшектерге арифметикалық амалдарды орындай алу. Жай және ондық бөлшектерді координаталық сәуледе кескіндей алу.

Сабақ барысы

Сабақтағы жоспарланған іс-әрекет

Ұйымдастыру кезені.

Бірлескен оқу ортасын құру.

MathDance бейнебаян көмегімен оқушыларды сергіту.

Үй тапсырмасын тексеру.

№1. Жауаптар:

А нүктесінің координатасы

В нүктесінің координатасы

С нүктесінің координатасы

Өткенді қайталау.

Сауалнама: «Оң және теріс сандар»

Өзара ауызша бағалау жүргізу.

Жаңа тақырып.

Жұптық жұмыс.

Мұғалім оқушыларды жұптарға біріктіріп, әр жұпқа тапсырмаларды үлестірме түрінде береді. Бұл тапсырмалар координаталық түзуде рационал сандарды салыстыруды қамтитын тапсырмалар болып табылады.

Есептің шешімін көршілес жұптармен талқылап, модуль бойынша салыстырудың ережесін тұжырымдауға ұсынылады.

Координаталық түзудегі сандарды көрнекі түрде салыстыру.

Координаталық түзу көлденең орналасады. Оң таңбалы сандар нөл санынан оңға қарай орналасады, теріс таңбалы сандар нөлден солға қарай орналасады.

Есте сақта!

Координаталық түзуде орналасқан екі нүктеден үлкені оңға қарай кескінделеді, ал кішісі – сол жақта кескінделеді.

Рационал сандарды салыстыру бойынша қорытынды:

• Кез келген оң сан нөлден және кез келген теріс саннан артық;
• Кез келген теріс сан нөлден және кез келген оң саннан кіші.

Мысал.

Модуль ұғымы арқылы рационал сандарды салыстыру тиімді.

Координаталық түзуде екі оң таңбалы сандардың арасынан үлкені оңға қарай, нөлден алшақ орналасады. Себебі ол санның модулі артық.

Есте сақта!

Екі оң таңбалы сандарды салыстырғанда, модулі үлкен сан үлкен болып табылады.

Координаталық түзуде екі теріс таңбалы сандардың арасынан үлкені оңға қарай, нөлге жақын орналасады. Себебі ол санның модулі кіші болып табылады.

Есте сақта!

Екі теріс таңбалы сандарды салыстырғанда, модулі кіші сан үлкен болып табылады.

Мысал. «−6» және «−12» сандарын салыстырыңыз.

Координатасы «−12» тең нүктемен салыстырғанда координатасы «−6» тең нүкте нөлге жақын орналасқан.

«|−6| < |−12|», сондықтан, «−6 > −12».

Жұптық тапсырма.

Көп нүктенің орнына дұрыс салыстыру таңбасын қойыңыз:

1. … 0

2. 0 … 0,58

3. …

4. –2,1 … -0,6

5. … 0

6. –9,9 … 0,1

7. …

8. –0,48 … -4,8

9. –5,7 … -5,6

10. 0 …

Сыныппен талқылау және жалпы қорытынды шығарып, жазу ұсынылады.

Есептер шығару.

Сыныппен жұмыс.

№1. 3; 2,5; − 5,6; 0,25; − 6,89; 0 сандары берілген.

- берілген сандарға карама-қарсы сандарды табыңыз.

- әр санның модулін табыңыз.

- модулі ең үлкен санды; модулі ең кіші санды таңдаңыз.

№2. Бөлшектерді салыстырыңыз:

және ;

және ;

және ;

№3.

а) Өсу ретімен орналастырыңыз:

-2,01; -2,1; -2,001; -2,009; -2,011.

в) Кему ретімен орналастырыңыз:

; -0,625; ; ; -0,605.

Бағалау мұғалімнің бақылаумен жүргізіледі.

Өз бетімен жұмыс.

№1. Салыстырыңыз:

№2. Берілген сандарды: 2,8; 0,5; 0; -1; -1,1; 0,1; -1,6

а) өсу ретімен;

в) кему ретімен орналастырыңыз.

Дескриптор: Білім алушы:

• Рационал сандарды салыстыра алады;
• Берілген сандарды өсу, кему ретімен орналастырады.

Өзін-өзі бағалау жүргізу.

Шығармашылық тапсырма жұппен жұмыстану

Сөйлемнің мағынасын түсіндіріңіз:

а) температураның өзгерісі t ⁰C, егер t = 28; -30; -8; 4,5; -1,7.

в) серіппе ұзындығы өзгеріcі х мм, х = -10; 12; -9; -4.

Жұптар арасында пікірлерін тыңдау, талқылау жүргізіледі.

Қорытындылау:

• бүтін сан, теріс сан, рационал сан ұғымдарына шолу жасау;
• сандарды классификациялау;
• координаталық түзуде рационал сандарды салыстыру ережелерін тұжырымдау.

Үй тапсырмасы:

Салыстырыңыз:

1) – 3,7 және - 9,3

2) және

Рефлексия:

«+», барлығын түсіндім;

«+», сұрақтарым бар;

«–», қайталау қажет.

Саралау – оқушыларға қалай көбірек қолдау көрсетуді жоспарлайсыз? Қабілеті жоғары оқушыларға қандай міндет қоюды жоспарлап отырсыз?

Бағалау – оқушылардың материалды меңгеру деңгейін қалай тексеруді жоспарлайсыз?

Денсаулық және қауіпсіздік техникасының сақталуы.

Сабақ үрдісінде ұсынылған тапсырмалар біртіндеп күрделеген. Оқушының ойлау қабілетін шыңдау барысында өз бетімен орындайтын тапсырмасы ұсынылады.

Сабақ барысында бірін-бірі бағалау,өзін өзі бағалау, мұғалімнің бағалауы жүргізіледі. Әр жұмыстан кейін кері байланыс жасап отыру.

Дұрыс отыруын қадағалау, жұмыстану кезінде емін еркін қозғалыста болу.

Сауалнама: «Оң және теріс сандар»