Бүтін сандар. Рационал сандар. Математика, 6 сынып, сабақ жоспары.

Ұзақ мерзімді жоспар бөлімі:

6.1В Рационал сандар және оларға амалдар қолдану

Мектеп: НЗМ ХББ Атырау қаласы

Күні:

Мұғалімнің аты-жөні: Шамеденова Л.Х.

Сынып: 6

Қатысқандар саны:

 Қатыспағандар саны:

Бүтін сандар. Рационал сандар

6.1.2.9

координаталық түзуде рационал сандарды кескіндеу;

6.1.2.11

рационал сандардың ішкі жиындарын Эйлер-Венн дөңгелектері арқылы кескіндеу;

Оқушылар:

• координаталық түзуде рационал сандарды кескіндеуді үйренеді;
• рационал сандардың ішкі жиындарын Эйлер-Венн диаграммасы арқылы кескіндеудей алады..

Оқушылар:

• координаталық түзуде оң сандарды кескіндейді;
• коордианталық түзуде теріс сандарды кескіндейді;
• рационал сандардың ішкі жиындарын Эйлер-Венн диаграммасы арқылы кескіндейді.

Оқушылар:

• берілген бөлімнің математикалық терминологиясын қолданады;
• координатасы рационал сан түрінде берілген нүктелерді координаталық түзуде кескіндеуін стипаттайды;

Пәнге қатысты лексика мен терминология:

• оң сан;
• теріс сан;
• бүтін сан;
• қарама-қарсы сандар;
• рационал сан;
• бүтін сандар жиыны;
• рационал сандар жиыны;
• координаталық түзу;
• санақ басы;
• бірлік кесінді;
• оң бағыт;
• нүкте координатасы;
• оң/теріс жарты ось;

Диалогқа/жазылымға қажетті тіркестер:

• A(-3) жазуын «координатасы минус 3 болатын А нүктесі» деп оқимыз;
• C(2,6) жазуын «С нүктесінің координатасы екі бүтін оннан алтыға тең» деп оқимыз.

Өзіндік шешім қабылдауды үйрену, жаңаны тез игеруге дайын болу, өзгенің пікірін құрметтеу және тыңдай білу. Жұптық жұмыс барысында бір – бірінің пікірлерін құрметтеу, академиялық адалдық ұстанымдарын сақтау.

Оқушыларға алған математикалық білім мен дағдыларды практикада қолдану арқылы ғылыми дүниетанымның қалыптасуына ықпал ету.

Интерактивті тақтаның мүмкіндіктерін (математикалық құралдар: сызғыш т. б.) пайдаланып координаталық түзуде сандарды кескіндеуді үйрету.

Координаталық сәуле туралы ұғым. Ондық және жай бөлшектерге арифметикалық амалдарды орындай алу. Жай және ондық бөлшектерді координаталық сәуледе кескіндей алу.

Сабақ барысы

Сабақтағы жоспарланған іс-әрекет

Ұйымдастыру кезені

Үй тапсырмасын тексеру.

Сабақ мақсаттарын анықтау

 Жаңа тақырыпты түсіндіру

Координаталық түзуде рационал сандарды кескіндеу де бірлік кесінділерді белгілеуден басталады. Ең жеңіл нұсқасы бөлшектің бөліміне қарай бірлік кесінділерді кескіндейміз.

 Практикалық жұмыс 1.

 , , , нүктелерін кескіндейік:

Координаталық түзуде аралас сандарды кескіндейік. Бірлік кесінді ретінде төрт тор көз аламыз, себебі аралас санның бөлшек бөлігінің бөлімі 4 – ке тең. Демек бір тор көз бөлшекке тең, екі тор көз , үш тор көз бөлшекке тең, ал төрт тор көз 1- ге тең.

 , демек бөлімі 2 болатын бөлшектерді де кескіндеуге болады.

Координата түзуінде рационал сандарды кескіндеу:

1) бірлік кесіндіні бөлшектің бөліміне қарап таңдап аламыз;

2) алымына қарап сонша бөлік аламыз.

Жеке жұмыс

№1.

Суреттегі нүктелердің координаталарын жазыңыз:

№2.

Координаталық түзуде келесі нүтелерді белгілеңіз: А(-3); В(-5,2); С(0,2); D(3,2); E; К.

Дескриптор: Білім алушы:

• нүктелердің координатасын табады;
• координаталық түзу сызады;
• координаталық түзуде нүтелерді белгілейді.

Оқушылар дәптерлерін өзінен кейінгі оқушыға жалғап, «карусель» әдісімен бағалайды.

Пракикалық жұмыс 2.

Оқушылар:

• Қандай сандар натурал сандар;
• Қандай сандар бүтін сандар;
• Қандай сандар рационал сандар деп аталады?

Егер В жиынының әрбір элементі А жиынына тиісті болса, онда В жиыны А жиынының ішкі жиыны деп аталады.

Осыған дейін өзіміз білетініміздей, натурал сандар жиыны (N) бүтін сандар жиынының (Z) ішкі жиыны, ал бүтін сандар жиыны рационал сандар жиынының (Q) ішкі жиыны.Осыларды Эйлер-Венн дөңгелектері арқылы көрсетейік, N⊂Z⊂Q

Мысалы: 2; -2,6; -9; ; 0; -1; -10; 56 сандарынан:

1) N-натурал сандар жиынын;

2) Z- бүтін сандар жиынын;

3) Q-рационал сандар жиынындарының Эйлер-Венн дөңгелектерін құрыңыз.

Жеке жұмыс

№1. Эйлер-Венн дөңгелектерін пайдаланыңыз.

Қалада көп балалы жанұя тұрады. 7 бала капустаны,

6 – сәбізді, 5 – бұршақты, 4 – капуста және сәбізді,

3 - капуста және бұршақты, 2 – сәбіз және бұршақты,

1 – капуста, сәбіз және бұршақты жақсы көреді. Жанұяда неше бала?

Шешімі:

№2.

Шет елге баратын 100 туристің 30 – ы неміс тілін,

28 – і ағылшын тілін, 42 – і француз тілін, 8 – ағылшын және неміс тілдерін, 10 – ы ағылшын және француз тілдерін, 5 – уі неміс және француз тілдерін, 3 – уі үш тілді де біледі. Неше турист бірде – бір тілді білмейді?

Шешімі:

100 – (13+7+3+5+20+2+30) =20. Жауабы: 20 турист.

Дескриптор: Білім алушы:

• есеп шарты бойынша Эйлер-Венн дөңгелектерін құрады;
• берілген шамаларға сәйкес сандарды дұрыс көрсетеді;
• есеп шарты бойынша белгісіз шаманы дұрыс табады.

Мұғалімнің көмегімен оқушы өзін – өзі бағалайды.

Сабақты қорытындылау:

Мұғалім бағалау критерийлерін қайталайды:

Бүгінгі сабақтың мақсаты қандай болды?

Рефлексия:

Үйге тапсырма:

Топта 29 студент бар. Олардың 14 – і классикалық әуенді, 15 – і джазды, 14 – і халықтық әуенді, 6 – ы классикалық әуенді және джазды, 7 – уі халықтық әуенді және джазды, 9 – ы классикалық және халықтық әуенді, 5 – уі кез келгенін тыңдайды, ал басқалары ешбір әуенді тыңдамайды. Олардың саны қанша?

Саралау –оқушыларға қалай көбірек қолдау көрсетуді жоспарлайсыз? Қабілеті жоғары оқушыларға қандай міндет қоюды жоспарлап отырсыз?

Бағалау – оқушылардың материалды меңгеру деңгейін қалай тексеруді жоспарлайсыз?

Денсаулық және қауіпсіздік техникасының сақталуы.

Практикалық, жеке жұмыста өз-өзіне сенімсіз оқушылар анағұрлым өздеріне сенімді оқушылармен жұмыс істеу барысында, тапсырманы орындау жолдарын бақылап, үйренеді.

Жеке жұмыста бірін-бірі бағалау,өзін өзі бағалау, мұғалімнің бағалауы. Әр жұмыстан кейін кері байланыс жасап отыру.

Эйлер – Венн дөңгелектерін сызуда, түсінік берген кезде интербелсенді тақтаны уақытымен пайдалану.