Есептерді шешуде шамалар арасындағы тәуелділікті пайдалану: жылдамдық, уақыт, арақашықтық. Математика, 4 сынып, сабақ жоспары.

Ұзақ мерзімді жоспар бөлімі:

2А бөлімі «Өрнектер.Қозғалысқа есептер»

Мектеп: НЗМ Көкшетау қаласы

Күні: 2-тоқсан

Мұғалімніңаты-жөні:

Сынып: 4

Қатысқандар:

Қатыспағандар саны:

Сабақ тақырыбы

Есептерді шешуде шамалар арасындағы тәуелділікті пайдалану: жылдамдық, уақыт, арақашықтық.

Оқу мақсаттары

4.5.1.2** есептерді шешу кезінде шамалар арасындағы тәуелділікті пайдалану: жылдамдық, уақыт, арақашықтық

 Сабақ

 мақсаттары

Есепті сызба түрінде модельдеуге және жылдамдық, уақыт, арақашықтық арасындағы тәуелділікті пайдалануға үйрету.

 Бағалау критерийлері.

• Есептерді шешу кезінде жылдамдық, уақыт, арақашықтық арасындағы тәуелділікті пайдаланады.

Тілдік мақсаттар

Жылдамдық, уақыт, арақашықтық, қозғалыс, қарсы қозғалыс, қарама-қарсы қозғалыс, т.б.

 Құндылықтарды дарыту

Өмір бойы білім алу, еңбек және шығармашылық.

 Пәнаралық байланыстар

Ғылымға кіріспе, дүниетану.

Алдыңғы меңгерілген білім

1-ші тоқсанда өткенді қайталау

Сабақ барысы

Сабақта жоспарланған іс-әрекет

(Ұ)Ұйымдастыру кезеңі

Мақсаты:Оқушылардың сабаққа дайындығын тексеру, көңіл-күйлерін реттеу.

(Ұ)Үй жұмысын тексеру: 19-беттегі 4-тапсырманың орындалуын тексеру.

Мақсаты:Өткен сабақта үйге берілген үй жұмысының орындалуын тексеру.

Мотивациялық-қызығушылық кезеңі

Мақсаты:Сабақтың тақырыбын ашу мақсатында оқушылардың қызығушылығын арттыру.

 Көлік түрлері суреттеріне назар аударылады. Оқушылар ортақ қасиетін анықтап, суреттердің сабаққа қандай қатысы бар екенін айтады.

-Балалар, қалай ойлайсыңдар, сабағымыздың тақырыбы не жайлы болмақ?

Оқушылардың ойларын тыңдау.

Сабақтың тақырыбы мен мақсатын таныстыру.Бағалау критерийлерін анықтап, тақтаға жазу. Сабақтың соңында құрылған критерийлерге оралатындарын ескерту.

«Қайталап, еске түсірейік» айдары

(Ө)Математикалық диктант

Мақсаты: Қозғалысқа байланысты формулаларды қайталау.

Оқушылардың жауаптарының дұрыстығы дайын нұсқа бойынша тексеріледі, бағаланады: әрбір дұрыс фрмула үшін – 1 балл.

(Ж,Қ) «Сөйлемдерді аяқта» ойыны

Мақсаты:Оқушыларға қозғалыс, уақыт, жылдамдық, арақашықтықтың мағынасын және олардың өзара байланысын түсінуге ықпал жасау.

Оқушылар тапсырманы жұпта орындайды.Жұптағы оқушылар кезекпен берілген сөйлемдерді оқып, жауабын табады, сөйлемді аяқтайды.

Мүмкін жауаптары:

• … 1 сағатта 5 км жол жүрді; оның жылдамдығы 5 км/сағ;
• … 12 км/сағ жылдамдықпен қозғалды;
• … 1 сағатта 60 км, 4 сағатта 240 км жол жүрді;
• … 1 сағатта 220 км арақашықтықты ұшты, ал 440 километрге 2 сағат жұмсады;
• … 1 сағатта 100 км жолды ұшып өткен.

Оқушылардың жауаптары тыңдалып, толықтырылады.Мүмкін болатын барлық жағдайлар қарастырылады.

(Ұ,Т,Қ)Қозғалыс.

Мақсаты:Әртүрлі денелердің жылдамдығын анықтай білу дағдысын дамыту.

Тапсырманы 4 адамнан құралған шағын топта орындайды.

-Қайсы дене (нысан) белгіленген аралықты тезірек жүріп өтеді? -Неліктен? (Жылдамдығы үлкен дене)

-Денелердің бірдей жолды әртүрлі уақытта жүріп өтуі неге байланысты екен? (Оның жылдамдығына байланысты).

Барлық топтың жауабын тыңдап, бағалау ұйымдастыру.

Жауабы:

а) Машина – 60 км/сағ (немесе 50 км/сағ);

ит – 10 км/сағ;

ұлу – 7 см/мин;

адам – 4 км/сағ;

тасбақа – 3 м/мин;

зымыран – 900 км/сағ;

сілеусін – 100 км/сағ (немесе 90 км/сағ);

пойыз – 90 км/сағ (немесе 100 км/сағ);

түйеқұс – 50 км/сағ (немесе 60 км/сағ).

(Ж,Қ) Пайымда. Тапсырманы оқушыларға өз бетінше орындауға беру.

Бір мысал келтіріп түсіндіру: «Велосипедші 12 км/сағ жылдамдықпен қозғалады десек оны басқаша былай айтуға болады: велосипедші 1 сағатта 12 км жол жүреді».

Оқулықтағы сөйлемдерді талдап, жауабын жазуға уақыт беріледі. Соңында тақтадан/экраннан дұрыс жауап нұсқасын көрсетіп, өзін-өзі бағалауға мүмкіндік беріледі.

Жауабы:

а) пингвин 1 сағатта 25 км жүзеді; ә) жүк машинасы 1 сағатта 90 км жол жүреді; б) зымыран 1 секундта 8 км ұшады; в) жаяу адам 1 сағатта 4 км жол жүреді.

(Ұ,Қ)Шығарып көр.

Мақсаты:Жылдамдықты табуға арналған есептерді шығаруға машықтандыру.

 Оқушылармен талқылау ұйымдастыру

 -Барлық жолдың ұзындығы қандай? (630 км)

 -42 км/сағ жылдамдықпен жүріп өткен жолдың үштен бір бөлігінің ұзындығын қалай табуға болады? (630: 3 = 210 км).

 -Осы жолға пойыз қанша уақыт жұмсаған? (210: 42 = 5 сағ). -Қалған жолдың ұзындығы қандай? (630–210 = 420 км).

 -Кешікпес үшін пойыз осы жолды неше сағатта жүріп өтуі керек? (12–5 = 7 сағ).

 -Демек, 420 километрді 7 сағатта жүріп өтуі үшін пойыздың жылдамдығы қандай болуы тиіс? (420: 7 = 60 км/сағ)

Жауабы: 60 км/сағ.

Сабақтың рефлексиясы:

-Сабақтың тақырыбы қандай болды?

-Қандай ұғымдармен жұмыс жасадық?

-Не қызықты болды?

-Қандай тапсырма қиындық туғызды?

Оқушылардың жауаптарын тыңдау.

Бағалау:«Кім жылдам?»

Оқушылар өздері таңдап алған, бүгінгі сабақта көрсетілген әуе транспорты арқылы қаншалықты сабақта белсенді болғандарын немесе сабақтың қаншалықты түсінікті және қызықты болғанын анықтайды. Мысалы:

• материалды жақсы түсінген оқушылар — зымыранды,
• ұшақты- көмек немесе түзету қажет болған оқушылар
• тікұшақты- қиналған немесе түсінбеген оқушылар таңдайды.

Үй тапсырмасы: Жұмыс дәптері, 1-бөлім:73-бет.

Дифференциация – оқушыларға көбірек қолдау көрсетуді қалай жоспарлайсыз? Қабілеті жоғары оқушыларға қандай тапсырмалар қоюды жоспарлап отырсыз?

Бағалау – оқушылардыңматериалдымеңгерудеңгейінтексеру жоспарыңыз?

Денсаулық және қауіпсіздік техникасының сақталуы

Оқушылар білім деңгейлеріне байланысты тапсырмалар тарату.

Оқушылардың есепті шығара алуын, өлшем бірліктерін түрлендіре алуын бағалаймын.

Сергіту сәті

Топтық жұмыс барысында қауіпсіздік ережесін сақтау.

Сабақ бойынша рефлексия

Сабақ мақсаттары/оқу мақсаттары дұрыс қойылған ба? Оқушылардың барлығы ОМ қолжеткіздіме?

Жеткізбесе, неліктен?

Сабақта дифференциация дұрысжүргізілдіме?

Сабақтың уақыттықкезеңдерісақталдыма?

Сабақжоспарынанқандайауытқуларболды, неліктен?

Жалпы баға

Сабақтың жақсы өткен екі аспектісі (оқыту туралы да, оқу туралы да ойланыңыз)?

1:

2:

Сабақты жақсарту үшін қандай өзгеріс енгізуге болады (оқыту туралы да, оқу туралы да ойланыңыз)?

1: 2:

Сабақ барысында сынып туралы немесе жекелеген оқушылар туралы нені білдім, келесі сабақтарда неге көңіл бөлу қажет?