Жазықтықтағы координаталар әдісі. Геометрия, 8 сынып, сабақ жоспары, 6 сабақ.

Ұзақ мерзімді жоспар бөлімі: 8.4В бөлім: Жазықтықтағы тікбұрышты координаталар жүйесі

Мектеп: Семей қаласы, Физика-математика бағытындағы Назарбаев Зияткерлік мектебі.

Күні:

Мұғалімнің аты-жөні: Чултуков Нартай Советханович

Сынып: 8

Қатысқандар саны:

Қатыспағандар саны:

Сабақ тақырыбы

Жазықтықтағы координаталар әдісі

Осы сабақта қол жеткізілетін оқу мақсаттары (оқу бағдарламасына сілтеме)

8.1.3.14 жазықтықта координаталарымен берілген екі нүктенің арақашықтықтығын есептеу;

8.1.3.15 кесінді ортасының координаталарын табу;

8.1.3.16 кесіндіні берілген қатынаста бөлетін нүктенің координаталарын табу;

8.1.3.17 центрі (a, b), радиусы r болатын шеңбердің теңдеуін

білу;

8.1.3.18 берілген теңдеуі бойынша шеңбер салу;

8.1.3.19 түзудің жалпы теңдеуін және берілген екі нүкте арқылы өтетін түзудің теңдеуін жазу: ;

Сабақтың түрі

Өткен тақырыпты бекіту

 Сабақ мақсаттары

Оқушылар:

• жазықтықтағы координаталар әдісі бөлімінде өткен тақырыптарды бекіту және бағалау;
• алған білімдерін есептер шығаруда қолдану.

Бағалау критерийлері

Оқушылар

біледі:

• кесіндінің ортанүктесінің координатын табуды;
• координаттарымен берілген екі нүктенің арақашықтығын табуды;
• кесіндіні берілген қатынаста бөлуді;
• центрі (a,b) нүктесі және радиусы r болатын шеңбердің теңдеуін табуды;
• екі нүкте арқылы өтетін түзудің теңдеуін жазуды;

қолдана алады:

• аталғандардың барлығын есептер шығару кезінде.

 Тілдік мақсаттар

Оқушылар:

• кесінді ортасының координаталарының және екі нүктенің арақашықтығының формулаларын қорытуды түсіндіреді;
• кесінді ортасының координаталарын және екі нүктенің арақашықтығын анықтауды түсіндіреді;
• түзудің және шебердің теңдеулерін құру қадамдарын сипаттайды;
• кесіндіні берілген қатнасқа бөлетін нүктенің координатасын табу туралы талқылауды дәйектейді;

түзудің координата жазықтығында орналасуы бұрыштық коэффициентке тәуелділігі туралы талқылайды.

Пәндік лексика мен терминология

• жазықтықтағы тікбұрышты координаталар жүйесі;
• фигураның теңдеуі;
• кесінді ортасының координаталары;
• екі нүктенің арақашықтығының формуласы;
• шеңбердің теңдеуі;
• түзудің теңдеуі;
• шеңбер центрі;

түзудің бұрыштық коэффициенті.

Диалогқа/жазылымға қажетті тіркестер

• А(х;у) нүктесінің координаталарын табамыз …;
• ... нүктесі .... кесіндісінің ортасы болып табылады, сондықтан ....;
• ... нүктесінің координаталарын біле отырып, ... координаталарын табамыз;
• осыдан ...дейінгі қашықтықтарын теңестіргенде ... аламыз;
• центрі....нүктесі және радиусы ...шеңбердің теңдеуін құрамыз;
• ... нүктелері арқылы өтетін түзудің теңдеуін құрамыз;
• нүкте түзуде жатыр, яғни оның координаталары ... теңдеуін қанағаттандырады.

Құндылықтарды дарыту

Жұптық жұмыс арқылы өзгені құрметтеуге баулу. Топтық жұмыс ұйымшылдыққа, топта жұмыс жасай алушылыққа тәрбиелейді.

Пәнаралық байланыстар

Алгебра пәні. Арифметика. Сызу сабағы.

Бастапқы білім

• - жазықтықтағы тікбұрышты (декарттық) координаталар жүйесі;
• - кесінді ұштарының координаталары бойынша оның ортасының координаталарын табу;

Сабақ барысы

Сабақтағы жоспарланған іс-әрекет

Сабақты белсендендіру.

Жазықтықтағы координаталар әдісі тақырыбында өткен материалдар бойынша қысқаша сауал-жауптар алынып, оқушыларды жекелеме жұмыс жасауға жұмылдыру. Сабақтың мақсаты өткен тақырыптар бойынша алынған білімді пысықтау және көзделген оқу мақсаттарын қаншалықты меңгергендігін тексеру.

Жұптық жұмыс. Тақырып бойынша есептер

Олай болса, қазір, осы білімді тереңдету және ұғына түсу үшін жұппен жұмыс жасаймыз. Әр жұпқа «Қосымша 1» таратпасын үлестіру. Таратпада берілген №1-6 есептерді оқушылар өз жұптарымен орындайды, талқылайды. Мұғалім жұмыстың орындалуын қадағалап, әр оқушының өз жұбымен серіктесе жұмыс жасауына қолдау жасайды. Біріге отырып жасаған жұмыстың өнімді әрі жылдамырақ болатынын, яғни жұптық жұмыстың құндылықтарын сөзге арқау етуіне болады.

«Жұптық жұмыстың» жауаптары cлайдтарда беріледі. Оларды тапсырмаларды орындап болғасын салыстырамыз.

Жекелеме жұмыс

«2-ші қосымшадағы» тапсырманы жеке орындауға беріңіз. Бұл тапсырмада бірнеше сұрақ қамтылған, сондықтан да қорытынды қалыптастырушы бағалау жұмысы деп айтуыңызға болады және әр баллдың қалай берілетінін келесі сабақта оқушыларға түсіндірген абзал.

Сабақ соңында оқушылар рефлексия жүргізеді:

• Нені білдім, нені үйрендім?
• Нені толық түсінбедім?
• Немен жұмысты жалғастыру қажет?
• Бұған дейінгі білімімде түсінбеген тұстар бар ма, ол осы тақырыпты түсінуге қалай әсер етті?

Сонымен, «Жазықтықтағы координаталар әдісі» тарауындағы барлық өткен тақырыптарға формативті бағалау жұмысын алдық. Егер қойылған мақсаттарға оқушылар толық жете алмаса, онда оқушыларға қосымша есептер беріп, сабақтан кейінгі уақыттарға шақырып түзету жұмыстарын жасаңыз немесе баланың дамуына орай кері байланыс беріңіз.

Саралау –оқушыларға қалай көбірек қолдау көрсетуді жоспарлайсыз? Қабілеті жоғары оқушыларға қандай міндет қоюды жоспарлап отырсыз?

Бағалау – оқушылардың материалды меңгеру деңгейін қалай тексеруді жоспарлайсыз?

Денсаулық және қауіпсіздік техникасының сақталуы

Саралау іріктелген тапсырмалар, нақты бір оқушыдан күтілетін нәтижелер, оқушыға дербес қолдау көрсету, оқу материалдары мен ресурстарын оқушылардың жеке қабілеттерін есепке ала отырып іріктеу түрінде болуы мүмкін. Саралау уақытты ұтымды пайдалануды есепке ала отырып, сабақтың кез-келген кезеңінде қолданыла алады

Оқушылар жұптарын және жеке жұмыста өздерін өздері бағалайды. Әрине, мұғалім есептердің жауабын слайдтан ашып қояды.

Денсаулық сақтау технологиялары.

Сергіту сәттері мен белсенді іс-әрекет түрлері.

Осы сабақта қолданылатын Қауіпсіздік техникасы ережелерінің тармақтары