Мәдени мұра – халық игілігі. Дүниетану, 3 сынып, сабақ жоспары.

Ұзақ мерзімді жоспар бөлімі:

8-бөлім «Демалыс мәдениеті. Мерекелер»

Мерзімі: 4-тоқсан

Сынып: 3

Мектеп:

Модератор: Сейтахметова Ж.М.

Қатысқандар:

Қатыспағандар саны:

Сабақ тақырыбы

Мәдени мұра – халық игілігі

Осы сабақта қол жеткізілетін оқу мақсаттары (оқу бағдарламасына сілтеме)

3.3.1.2 Тарихи және мәдени ескерткіштерді сақтаудың маңызын түсіндіру

Сабақ мақсаттары

Оқушылар

• Мәдени мұраларды сақтау халық игілігі үшін маңызды екенін дәлелдейді

Бағалау критерийлері

Оқушылар:

- Наурыз мерекесі шығыс халықтарының мәдени мұрасы екеніне 3мысал келтіреді;

- тарихи және мәдени ескерткіштерді сипаттайды;

- ЮНЕСКО-ның бүкіләлемдік мұралар тізіміне енген еліміздің мәдени мұраларын атайды;

- «археологиялық мұраға» не жататынын айта алады;

-ежелгі және заманауи мәдени ескерткіштерді ажыратады.

- мұраларды сақтаудың қажеттілігін дәлелдейді (3-тен кем емес);

Тілдік мақсаттар

Оқушылар:

тарихи және мәдени ескерткіштерді сақтаудың маңызын түсіндіреді.

Терминология:

• мәдени ескерткіштер

Талқылауға арналған сұрақтар:

- Тарихи ескерткіштерді не үшін сақтау керек?

Жазуға берілетін тапсырма:

- «Қазақстанның ежелгі және заманауи мәдени ескерткіштері» кестесін толтырады.

Құндылықтарды дарыту

Патриотизмді дамыту еліміздің мәдени және тарихи құндылықтарын сақтаудың маңызын түсіну арқылы жүзеге асады.

Пәнаралық байланыстар

Көркем еңбек: Қазақстанда табылған археологиялық мұралар туралы бейнефильм көрсетіледі.

Қазақ тілі: сөйлеу дағдылары пікір талас тапсырмаларында дамиды.

Алдыңғы меңгерілген білім

3 сыныптағы «Уақыт» тарауынан тарихи ескерткіштер мен мәдени ескерткіштерді сақтаудың маңызы туралы түсініктері қалыптасқан. 5 бөлімінен тарихи және мәдени ескерткіштердің түрлерін біледі.

Сабақ барысы

Сабақта жоспарланған іс-әрекет

• «Тақтадағы жазулар» стратегиясы (ұжымда)

Тақтаға бірнеше сөйлемдер ілінеді. Оқушылар олардың мағынасын ашуға тырысады. Мәдени мұра туралы пікірлерін айтады. Сұрақтар туындаған жағдайда жауап беріледі.

Талқылауға арналған сұрақтар:

• Мұра, халық игілігі дегенді қалай түсінесіңдер?
• Қандай мұраларды ата-бабадан қалған мирас дейміз?
• Мәдени мұраға нелер жатады?
• Өздеріңнің отбастарыңда ата-бабадан қалған қандай мұралар бар?
• Ол мұраларды қалай қадірлеп ұстайсыңдар?

Талқылаудан сабақ мақсатын анықтауға жетелеңіз.

• Сабақ мақсатын анықтау (ұжымда)
• Сабақ тақырыбы мен мақсаты жайлы оқушылардың болжамдары айтылады.
• Сабақ мақсаты ұсынылады:

Мәдени мұраларды сақтау халық игілігі үшін маңызды екенін дәлелдейді

• «Пікірлер тақтасы» тапсырмасы (ұжымда)

Мұғалім «Наурыз» мерекесі жайлы бейнеролик көрсетеді. Наурыз мерекесі шығыс халықтарының мәдени мұрасы екендігіне әңгіме өткізеді.

Пікірталас:

-Наурыз мерекесі қай мезгілде болады?

-Наурыз мерекесін кімдер тойлайды?

- Наурыз мерекесінің ерекшелігі неде?

- Оны неге мәдени мұра дейміз?

Ерекше пікірлер тақтаға жазылады.

Бағалау критерийлері:

- Наурыз мерекесі шығыс халықтарының мәдени мұрасы екеніне 3мысал келтіреді;

• «Серуен» стратегиясы (жұппен)

Оқушылар жұптарымен сынып бөлмесінде серуен жасайды. Олар қабырғаларда ілініп тұрған тарихи және мәдени ескерткіштердің (Қазақстандық, әлемдік) суреттерге жақындап әңгіме жүргізеді.

Оқушылар сипаттай отырып, төмендегідей сұрақтарға жауап береді:

-Неліктен ескерткіштерді сақтау керек?

-ЮНЕСКО-ның бүкіләлемдік мұралар тізімі туралы не білесіңдер?

-Қазақстанның қандай ескерткіштері бұл тізімге енген?

Суреттің жанындағы бос параққа өз пікірлерін жазып қалдырады.

Бағалау критерийлері:

- тарихи және мәдени ескерткіштерді сипаттайды;

- ЮНЕСКО-ның бүкіләлемдік мұралар тізіміне енген еліміздің мәдени мұраларын атайды;

• Бейнероликті көрсету (ұжымда)

Бейнеролик: «Археологиялық мұражайдағы бірегей экспонаттар».

Қазақстанда табылған археологиялық мұралар туралы бейнефильм көрсетіледі. Көрсетілім бойынша талқылау жүргізіледі:

-Археология дегеніміз не?

-Археолог дегеніміз кім?

-Қазақстаннан қандай археологиялық мұралар табылған?

- Қазақстанның аймағынан табылған қандай археологиялық қазбаларды білесіңдер?

-Археологиялық қазбалардың қандай маңызы бар?

Оқушылар ойларын тақтаға жазады. Барлық жазуды бірлесіп талқылап, ортақ пікірге келеді.

Бағалау критерийлері:

- «археологиялық мұраға» не жататынын айта алады;

• Кестені толтыр тапсырмасы (жұпта)

«Қазақстанның ежелгі және заманауи мәдени ескерткіштері» кестесін толтырады.

Мысалы:

және т.б.

Бағалау критерийлері:

-ежелгі және заманауи мәдени ескерткіштерді ажыратады.

• «Мәдени мұра – халық игілігі» атты постер-кластер дайындау (топта)

Оқушылар постер-кластер сабақ барысында өткен барлық материалдары пайданала отырып жасайды. Тарихи және мәдени мұраларды сақтау халық игілігі үшін өте маңызды екендігіне дәлелдер келтіреді. Әр топтан 3-тен кем емес дәлелдер тақтаға жазылады.

Бағалау критерийлері:

- мұраларды сақтаудың қажеттілігін дәлелдейді (3-тен кем емес);

Рефлексия (жеке):

«Мен тақырыпты ӨТЕ ЖАҚСЫ / ЖАҚСЫ / ЖАМАН түсіндім»

Оқушылар сәйкес фигураны бояп, жауабының себебін жазады.

Дифференциация – оқушыларға көбірек қолдау көрсетуді қалай жоспарлайсыз? Қабілеті жоғары оқушыларға қандай тапсырмалар қоюды жоспарлап отырсыз?

Бағалау – оқушылардың материалды меңгеру деңгейін тексеру жоспарыңыз?

Денсаулық және қауіпсіздік техникасының сақталуы

Қабілеті жоғары оқушыларға еліміздегі археологиялық мұралардың тізімін жасап келуге тапсыруға болады. Сондай-ақ қабілеті жоғары оқушыларға үйге шығармашылық тапсырма беруге болады: өз аймағы бойынша мәдени мұралар туралы ақпараттар жинап келіп, сыныпқа презентация көрсету.

Бағалау және кері байланыс беру сабақтың өн бойында жүріп отырады. «Пікірлер тақтасы», «Серуен» тапсырмаларында өзара бағалау әдісін қолданыңыз. «Қазақстанның ежелгі және заманауи мәдени ескерткіштері» кестесі, «Тақтадағы жазулар» оқушылардың білімін бағалауға мүмкіндік береді.

Оқушылар сынып бөлмесінде қозғалу барысында, топтық жұмыс барысында қауіпсіздік техникасы сақталады.