Өзеннің пайдасы. «Өзен» Ы. Алтынсарин. Әдебиеттік оқу, 3 сынып, нұсқаулық.

Бөлім: Су- тіршілік көзі

Сабақтың тақырыбы: Өзеннің пайдасы. «Өзен» Ы. Алтынсарин.

Оқу мақсаттары:

3.1.5.1 өз ойы мен сезімін көркем-бейнелі сөздерді қолдана отырып жеткізу

3.2.2.1 қолдануға (практикалық), бағалауға негізделген сұрақтар қою және жауап беру.

Сабақ мақсаттары:

• Мәтін бойынша бағалауға негізделген сұрақтар құрастырады және оған жауап береді;
• Мәтінге сәйкес келетін ақпаратты табады;
• Өлең жолдарын қара сөз түрінде жазады;

Бағалау критерийлері:

• Өлеңді түсініп оқиды;
• Сұрақтар құрастырады және оған жауап бере алады;
• Мәтінге сәйкес келетін ақпаратты табады;
• Өз ойын көркем-бейнелі сөздерді қолдана отырып жеткізеді.

Қажетті ресурстар: Қосымша 1, 2; презентация; оқулық, 81-83 беттер.

Мұғалімге арналған ұсыныстар.

І. Сабақтың басы

Ширату тапсырмасы

https://www.youtube.com/watch?v=ITxpHHPlAvQ бейнероликті көрсету.

• Бұл бейнероликтен қандай әсер алдыңдар?
• Не білдіңдер?

Сабақтың тақырыбы мен мақсаты таныстыралыды. Бағалау критерийі оқушылармен бірге құрастырылады немесе мұғалім таныстырады.

ІІ. Сабақтың ортасы

1-тапсырма оқушылардың оқылым дағдыларын дамытуға бағытталған.

Ы.Алтынсариннің «Өзен» өлеңін мәнерлеп, түсініп оқы.

(Ж) Оқушылар мәтінді түсініп оқиды. Оқу барсыныда түсініксіз сөздерді түртіп, белгілеп отырады. Түсініксіз сөздердің мағынасын сөздіктен қарайды: дерт (ауру), рақат (ләззат), қынарда (жағасында), жанабында (маңайында), дәптерлеріне жазады.

Саралау. Қабілеті жоғары 1-2 оқушыға дауыстап оқытуға болады.

Топтастыру «Су бұрқасыны» әдісі арқылы жүзеге асады.

Оқушыларға суқоймаларының түрлері бойынша: теңіздер, көлдер, мұхиттар, өзендер, Қазақстанның өзендері деп топқа біріктіру. Мұғалім ортаға шығып бала санына сәйкес келетін атаулар жазылған карточкаларды ортаға шашады. Оқушылар біреуін алып, суқоймасы түріне қарай топтасады. Ескерту: мұхиттар тобында 2 оқушыда 1 атау болады.

Теңіздер:, Жерорта, Қара, Қызыл, Кариб, Азов.

Көлдер: Балқаш, Ала, Байкал, Каспий, Ыстық.

Мұхиттар: Атлант, Тынық, Үнді, Солтүстік Мұзды, Атлант.

Өзендер: Жайық, Амазонка, Ніл, Хуанхэ, Конго.

Қазақстанның өзендері: Есіл, Ертіс, Іле, Орал, Нұра, Сырдария, Амудария

2- тапсырма

(ЖЖ, Т) «Жуан және жіңішке сұрақтар» әдісі бойынша оқушылар жұпта ақылдасып сұрақтар құрастырады, топта ортаға салып талдап, топ ішінде 6 сұрақты (3 жуан, 3 жіңішке) таңдап алады. Тапсырма оқушылардың сұрақ қою және жауап беру дағдыларын дамытуға бағытталған. Таңдаған сұрақтарды көрші топқа ұсынады, өздері басқа топтың сұрақтарына жауап береді.

Үлгі:

(ҚБ) дескриптор бойынша бағалау:

• Сұрақтар құрастырды;
• Көркем бейнелі сөздерді қолданып жауап береді;

Саралау: тапсырма бойынша саралау жүргізіледі. Тапсырма барлық оқушыларға ұсынылады, бірақ әртүрлі нәтижелер күтіледі. Сұрақтар құрастыруда кейбір оқушыларға мұғалім қолдау көрсетеді.

(Б) Өз ойын жеткізе білген балаларды «Қошеметтер бұрқасыны» арқылы бағалау.

3-тапсырма (Т)

Семантикалық картаны толтырады. (+)

(Б) «Басбармақ» әдісі арқылы бағалау.

4-тапсырма

(Ж) Дәптерге кестедегі көркем сөздерді пайдаланып өлеңді қысқаша мәтін түрінде жаз.

(Б) Мұғалім кері байланыс беру арқылы бағалайды.

ІІІ. Сабақтың соңы.

Сабақтың соңында мақсатқа оралып, сабақты қорытындылаймыз.

«Мәре»

1 орын: маған сабақта бәрі түсінікті болды.

2 орын: кейбір кезде мен түсінбей қалдым.

3 орын: маған бәрі түсініксіз болды.