Түріктер туралы тарихи деректер (3-сабақ) (Қазақстан тарихы, 6 сынып, І тоқсан)

Пән: Қазақстан тарихы
Ұзақ мерзімді жоспар бөлімі: VI – IX ғғ. Қазақстан
Сабақ тақырыбы: Түріктер туралы тарихи деректер (3-сабақ)
Сабақтың мақсаты: Оқушылар:
• Көшпелілердің әскери өнеріндегі жетістіктерін сипаттайды;
• Ерте ортағасырлардағы көшпелілердің дүниетанымының ерекшеліктерін түсіндіру.
БЫМ Бастапқы ынталандырушы материал ретінде оқушылардың назарына «Тәңіршілдік – түркілердің ежелгі дүниетанымы – тәңіршілдік және түркі мемлекеттерінің тарихы» атты бейнебаянын көрсетіңіз. Оқушыларды жаңа тақырыпқа жетелейтін сұрақтар қойыңыз:
1. Бейнебаянда қандай тақырып қарастырылды?
2. Тәңіршілдік дегеніміз не?
3. Көшпелілердің дүниетанымы туралы қандай хабарыңыз бар? (5-сыныпта алған білімін пайдаланады).
Б Оқушылар өз болжамдарын келтіріп, талқылайды.
М Оқушыларды тақырыппен, оқу мақсаттарымен және бағалау критерилерімен таныстырыңыз.
Зерттеу және талдау
Тарихи дерекпен жұмысты ұйымдастырыңыз (Қосымша 1).
Деректі талдау үшін HIPP формуласын таңдаңыз:
H - деректің тарихи контексті
I - аудитория
P – автордың көзқарасы
P – автордың мақсаттары
Оқушыларға тарихи деректермен жұмыс жасау келесі сызба бойынша іске асырылуы қажет екенін түсіндіріңіз: Түсіну - Талдау – Бағалау.
Оқушыларды төменде берілген сұрақтарға жауап беруді өтініңіз:
1. Мәтіннен қандай кілтті сөздерді ерекше қарастыруға болады және олардың мағынасы қандай?
2. Автор қандай ой білдіргісі келді?
3. Автор өз ой-қорытындыларын дәлелдеу үшін қандай дәйектер келтіреді?
4. Бұл дәлелдер негізінде қандай мәселелер қарастырылады?
5. Деректерде қандай мәселе қозғалады?
6. Сіздер бұл мәселені белгілі бір нақты тарихи оқиғамен байланыстыра аласыз ба?
Т Әрбір топ өз дерегінің талдауын келтіреді. Сұрақ-жауап түрінде талқылау ұйымдастырыңыз. Оқушыларға өткен сабақта алған білімідерін пайдаланып, бір-бірінің жауаптарын толықтыруға жағдай жасаңыз......