Сабақ жоспары (қмж): Қазақстанның ежелгі тарихында не оқытылады – 2 сағат (Қазақстан тарихы, 5 сынып, І тоқсан)

Пән: Қазақстан тарихы
Қысқа мерзімді жоспар бөлімі: 5.1A Қазақстандағы ежелгі адамдардың өмірі
Сабақтың тақырыбы: Қазақстанның ежелгі тарихында не оқытылады – 2 сағат
Осы сабақта қол жеткізілетін оқу мақсаттары (оқу бағдарламасына сілтеме): Ежелгі Қазақстан тарихына жалпы шолу
Сабақ мақсаттары:Барлығы:
 Ежелгі Қазақстан тарихы пәнін оқудың маңыздылығын түсінеді;
Көпшілігі:
 Ежелгі Қазақстан тарихы қамтитын кезеңдерді біледі;
Кейбірі:
 Ежелгі Қазақстан тарихындағы дәуір ерекшелігін түсінеді.
Сабақтың басы
Қызығушылықты ояту кезеңі. Бастапқы стимул.
1) (Т) 1-тапсырма. «Өзгерістерді анықтаңыз». Алдын ала дайындалған кестені тақтаға іліп, оқушылардың суреттерге назар аударуын сұраймын. Бастапқы ынталандырушы материал ретінде тарихи суреттер топтамасын көрсетемін. Оқушылардан жұптық жұмыста тас дәуірі, қола дәуірі, темір дәуірінің кемінде 3 басты өзгерістерін анықтап, жауаптарын стикерге жазып, кестедегі әр кезеңнің тұсына ілуі қажет екендігін түсіндіремін. Оқушылар сабақ мақсатымен, тапсырмалармен және бағалау критерийлерімен танысады.
Ықтимал жауаптары: еңбек құралдарын жасау, керамикалық ыдыстарды дайындау және малды қолға үйрету
Сабақтың ортасы
Мағынаны тану кезеңі.
2) (Д) 2-тапсырма. «Ойлан. Талқыла. Ойыңмен бөліс». Төмендегі сұрақтар аясында оқушыларға ойлануға және болжам жасауға мүмкіндік беремін.
• Тарих дегеніміз не? Ол не туралы баяндайды?
• «Қазақстан тарихы» пәні нені оқытып, үйретеді?
3) (Б) Оқушыларға «Қазақстан - дүниежүзіндегі ең үлкен мемлекеттердің бірі» тақырыбындағы ресурсты көрсетіп, «Біз ұлан-ғайыр территорияға қалай ие болдық?» деген сұрағын қоямын. Қазақстан тарихы және тарихи тұлғалар мен оқиғалар туралы нені білетіндерін сұраймын.
4) (М) Қазақстанның ежелгі тас, қола дәуірі хронологиясын көрсетіп, белгілі бір уақыт аралығы өткеннен кейінгі өзгеріс пен сабақтастықтардың орын алуын түсіндіремін. (бұл әрекет оқушының тарихи уақыт туралы түсінігін қалыптастыруға жақсы әсер етеді).
Қосымша 1
(Ф) Оқушылар қалыптастырушы бағалау жұмысын ұсынамын. Қосымша 2
5) (Д) 3-тапсырма. «Диктоглосс» оқушылардың мәтінмен тиімді түрде жұмыс жасау үшін қолданылатын әдіс. Берілген сабақтың тақырыбына сай мәтін дайындалады. Мәтінді үш рет оқимын, бұл сәтте оқушылар негізгі ойларды түртіп отырулары қажет. Алдымен жеке ойланып, содан кейіп топ болып бұл мәтінді қалпына келтіреді. Қосымша 3
6) (М) Оқушыларға тарихи деректер - ауызша, жазбаша, археологиялық, этнографиялық және антропологиялық деп бөлінетінін көрнекіліктер, суреттер қолданып түсіндіремін.
7) (Т) 4-тапсырма. ДЖИГСО әдісі. Мәтінмен жұмыс. Мақсаты – жалпы мәселені алдымен жұпта, сосын ұжымда талқылау. Бұл жағдайда әрбір оқушы бір сәт өзін мұғалім ретінде сезінеді, оқуға деген жауапкершілігі артады. Оқушыларға өз топтарының атауларына сәйкес шағын мәтін таратылады және тиісті критерийлер бойынша мәтінмен жұмыс жасайды:
1-топ: Деректану
2-топ: Археология
3-топ: Этнография
4-топ: Шежіре
5-топ: Антропология Қосымша 4
Оқушылардың жасаған жұмысын өзара, топтық немесе өз тарапымнан бағалаймын. Қосымша 5
8) (Б) Ежелгі кезеңнің маңызды оқиғалары бейнеленген суреттер топтамасы негізінде шағын әңгіме құрастыру тапсырмасын үй жұмысы ретінде ұсынамын.......