Иса Байзақов (Кәрібай-тракторда)

 Иса Байзақов (Кәрібай-тракторда)

Мінекей, біздің тұлпар жаны темір,
Осымен гүлденеді барлық өмір.
Сарымай жемі, суы қазанатым
Тіркеп ап қанша жүкті, ей, тарта бер!
Үн қоссам шарылыңа шырқап әнді,
Құба жон күңіреніп болар сәнді.
Еркіндеп үкіметтің арқасында
Кәрібай трактормен егін салды.
Құтылды енді азаптан Кәрібай шал;
«Мүшесі коллективте ортада мал,
Көптесіп-көмектесіп еңбегі өнген,
Кедейлер бірің қалмай колхозға бар.
Кеңесіп агрономға жақындадық,
Тұқымды маржандай қып тазаладық.
Көлікке темір тұлпар мініп алып,
Сайраңдап ен даланы араладық.
Екпіндеп алып қашқан асау дүлдүл,
Күйініп, көре алмай жүр байлар құрғыр.
Қыртысын қара жердің айналдырған,
Тентегім, тәк, жануар, тыр-тыр-тыр!»
Кәрібай тыныққанда домбыра алад,
Құбылтып жүзге оралтып әнге салад;
«Кезінде нақ кедейшіл үкіметтің
Әлі де алдымда тұр таудай талап.
Кәрібай жалғызілік, жұмысы көп,
Тұлпарым қаңтарулы қарыны тоқ.
Сендерге ән салуға ерінбес ем,
Қайтейін Кәрекеңнің уақыты жоқ.
Япырмай, енді қайтем, ей, жамағат!
Трактор қорада тұр қылмай тағат.
Шаруа тоқталмасын, өне берсін,
Жамағат көп бөгеме болар ағат».

Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇



Пайдалы сілтемелер:
» Ораза кестесі 2024 жыл. Астана, Алматы, Шымкент т.б. ауыз бекіту және ауызашар уақыты
» Туған күнге 99 тілектер жинағы: өз сөзімен, қысқаша, қарапайым туған күнге тілек
» Абай Құнанбаев барлық өлеңдер жинағын жүктеу, оқу

Соңғы жаңалықтар:
» Биыл 1 сыныпқа өтініш қабылдау 1 сәуірде басталып, 2024 жылғы 31 тамызға дейін жалғасады.
» Жұмыссыз жастарға 1 миллион теңгеге дейінгі ҚАЙТЫМСЫЗ гранттар. Өтінім қабылдау басталды!
» 2024 жылы студенттердің стипендиясы қанша теңгеге өседі