Қазақша өлең: Танакөз Толқынқызы (Осылай да адам сағынады екен) » ZHARAR © 2016 | Танакөз Толқынқызы Осылай да адам сағынады екен өлең олен стихи на казахском танакоз толкынкызы , танакөз толқынқызы өлеңдері, Танакөз Толқынқызының өлеңі, танакоз толкынкызы стихи на казахском




  • »

Қазақша өлең: Танакөз Толқынқызы (Осылай да адам сағынады екен)

Қазақша өлең: Танакөз Толқынқызы (Осылай да адам сағынады екен) казакша Қазақша өлең: Танакөз Толқынқызы (Осылай да адам сағынады екен) на казахском языке

Осылай да адам сағынады екен,
Сағынады екен, Тәңірім!
Жылауға себеп табылады екен
Жүрекке жүрмей әмірің.

Мүмкін екен ғой құлай сүюің
Құлай сүюің абайсыз.
Жүректің Сізді бұлай сүюін
Байқамай жүрсіз, қалай Сіз?

Көңілде неге тұрып алдыңыз
Тұрып алдыңыз мызғымай?
Хатыма, бәлкім, күліп алдыңыз
Күлмейтін шығар Күз бұлай.

Тағдырым осы - шатпақтап шығар
Сөйлесе іште бір өкпе.
Атың аталса атқақтап шығар
Не болған мына жүрекке?

Жынданып адам кетеді екен ғой,
Жұтып алғандай жасынды.
Қас қағым бір сәт жетеді екен ғой,
Жоғалту үшін басыңды.

Бәлкім, менің болмысым бөлек шығар?!
Ал, сен қалай ойлайсың, зерек шынар?!
Бар-жоғыңды өмірде білу үшін
Әлдекімді сағыну керек шығар?!

Сыр сақтауға үндемей терек шыдар,
Жан іздедім жанымды ерекше ұғар.
Біз жолықтық. Маңдайға жазғаны – сол.
Өлең байғұс жай ғана себеп шығар.

Көңіліңде бір бейне көлбеңдесе,
Өлең, шіркін, сөйлейді өлген кеше.
Сағынышты мен ойлап тапқан жоқпын
Сенем оны ғарыштан келген десе.

Сүюдің де бар болар заңдылығы.
Еркелесем, оятам таң күдігін.
Бал қылығым сор болды... кешір жырдың
Ешбір заңға бағынбас әңгүдігін.

Жан табылмай өмірде сұңғақ одан,
Қиялымды ақ бұлтқа бұлғап алам.
Алабұртып өмірден өту үшін
Көңіліңде жүрсін бір жұмбақ адам.


Санат: KZ портал » Қазақша Өлеңдер жинағы | | 2 357
Рейтинг:
(голосов: 0)

.

. .