Қазақша өлең: Естеу Нүсіпбеков (Тынармын ба жан-жаңғақ сарқып шақпай) » ZHARAR © 2016 | естеу нүсіпбеков Тынармын ба жан-жаңғақ сарқып шақпай өлең естеу нусипбеков олен стих, естеу нүсіпбеков өлеңдері, естеу нүсіпбеков өлең олен скачать, естеу нүсіпбеков все стихи на казахском языке естеу нусипбеков




  • »

Қазақша өлең: Естеу Нүсіпбеков (Тынармын ба жан-жаңғақ сарқып шақпай)

Қазақша өлең: Естеу Нүсіпбеков (Тынармын ба жан-жаңғақ сарқып шақпай) казакша Қазақша өлең: Естеу Нүсіпбеков (Тынармын ба жан-жаңғақ сарқып шақпай) на казахском языке

Мен өзімді іздедім бала жастан,
Жұп-жұқана сиқыма қарамастан.
Тауға да ұрдым басымды, тасқа да ұрдым,
Ерте қозды делебем — ала қашпам.

Адыр-адыр қыр кездім, қайнар кездім,
Қойнына құт, мал толы сайлар кездім.
Бойға қуат, ойға дәм үстей ме деп,
Бау-бақшалы, миуалы жайлар кездім…

Құзардағы іздедім қия тастан,
Жымын қуып бұғының қияға асқан.
Маралдыдан іздедім, қабандыдан,
Ұлы таудан ұлар құс ұя басқан.

Қанаттанған іздедім талаптан да,
Сараланған сардар ой санаттан да.
Шүңетіне бой сұқтым көл, теңіздің,
Мардымсымай шұқанақ санатқанға.

Жаздан, күзден іздедім, көктемнен де,
Қасат малтып, қар кешіп өткеннен де.
Отыменен остырдым өңменімнен
Жай түсіріп нажағай төккеннен бе.

Қабақ бақтым: көңілін таптым ба деп,
Маздатып от жанына жақтым ба деп.
Әкелем деп бір бәйгі ат болдырттым,
Зорықтырып өтінде шапқынды әлек.

Безек қағып іздедім ойдан, қырдан,
Таңымнан да түнімнен ойландырған.
Егеменді Елімнің дүбірінен,
Батыр, биді тірілтіп тойландырған.

Кейде тапсам өзімді, кейде таппай,
Жорттым өнер жолында жайға жатпай.
Бойда қуат, болған соң басымда ми,
Тынармын ба жан-жаңғақ сарқып шақпай.


Санат: KZ портал » Қазақша Өлеңдер жинағы | | 617
Рейтинг:
(голосов: 0)

.

. .