Cәбит Мұқанов (Еңбекші қазақ)

 Cәбит Мұқанов (Еңбекші қазақ)

Төрт жылға аяқ аттадың,
Тебіренбей қарап жатпадың,
Тәрбиеші ананың
Адал сүтін ақтадың.
Жыланға қанын сорғызып,
Суыққа етін тоңғызып,
Жатқан елді ояттың,
Ұйқысынан тұрғызып.
Көрсетіп көзге жауларын,
Дұспанның құрған ауларын,
Достарына танытып,
Таптық жолдан таймадың.
Еңбекші бүкіл халықтың
Дос, дұшпанын таныттың,
Көрсеттің нұрын көзіне
Лениндік сәуле-жарықтың.
Түсіріп тура жолына,
Құрал боп оның қолына,
«Осыдан қол жазба» деп,
Түсірдің таптық жолына.
«Маркс, Ленин данышпан,
Бастап келген алыстан,
Көсемдерің сол дедің,-
Байлар соған жау, дұшпан».
Шаруаға көз болдың,
«Былай ет» деп, сөз бердің,
Мұңы болса халықтың,
Кешіктірмей тез көрдің.
Надандықпен алыстық,
Ел жайымен таныстың.
Жетпей жатқан іс болса,
Аудара қарап қағыстың.
Талай істі бітірдің,
Көп міндеттен құтылдың.
Жаңа міндет бәрін де
Өткеруге тұтындың.
Маған да түсіп жарығың,
Міндетті талай таныдым.
Көрнекті болып жемісің,
Ілгері бассын адымың!..

Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇



Пайдалы сілтемелер:
» Ораза кестесі 2024 жыл. Астана, Алматы, Шымкент т.б. ауыз бекіту және ауызашар уақыты
» Туған күнге 99 тілектер жинағы: өз сөзімен, қысқаша, қарапайым туған күнге тілек
» Абай Құнанбаев барлық өлеңдер жинағын жүктеу, оқу

Соңғы жаңалықтар:
» Биыл 1 сыныпқа өтініш қабылдау 1 сәуірде басталып, 2024 жылғы 31 тамызға дейін жалғасады.
» Жұмыссыз жастарға 1 миллион теңгеге дейінгі ҚАЙТЫМСЫЗ гранттар. Өтінім қабылдау басталды!
» 2024 жылы студенттердің стипендиясы қанша теңгеге өседі