Қадыр Мырза Али (Ата-ана және тұрмысқа шыққан қыз)

 Қадыр Мырза Али (Ата-ана және тұрмысқа шыққан қыз)

Таныс емес тағдырдың әні кімге!
Титықтайды тұрмыстан кәнігі де.
Баласы бар,
Байы бар келіншектің
Ата-анасыз күні жоқ әлі күнге.
«Қызық көріп бетінің қызылында»
Тапсын ұлдың түзігін,
Бұзығын да!»,—
Деп бергісі кеп тұрса шешесінің,
Алғысы кеп тұрады қызының да
Тауқыметтен ащы тер төгілді ме?
Қиындықтан қабырға сөгілді ме?
Пәтерді де әперген ата-анасы,
Ата-анасы әперген мебельді де.
«Ойға шомып бір мезет отты көзің,
Өзіңді-өзің бағатын жетті кезің!»—
Демесе де
Үйінен ата-ананың
Әлі күнге алады еттің өзін.
Бала кездің жайқалған бал құрағы
Осы үйге кеп құнанын шалдырады.
Кездескенде
Еркелеп баяғыдай
Анасына балмұздақ алдырады.
Қызды ойламай қалайша жата аласың!
Әлі жұмыс жасайды отағасың...
Қанаттанып кетсе де
Балапандар
Ашады аузын көргенде ата-анасын

Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇



Пайдалы сілтемелер:
» Ораза кестесі 2024 жыл. Астана, Алматы, Шымкент т.б. ауыз бекіту және ауызашар уақыты
» Туған күнге 99 тілектер жинағы: өз сөзімен, қысқаша, қарапайым туған күнге тілек
» Абай Құнанбаев барлық өлеңдер жинағын жүктеу, оқу

Соңғы жаңалықтар:
» Биыл 1 сыныпқа өтініш қабылдау 1 сәуірде басталып, 2024 жылғы 31 тамызға дейін жалғасады.
» Жұмыссыз жастарға 1 миллион теңгеге дейінгі ҚАЙТЫМСЫЗ гранттар. Өтінім қабылдау басталды!
» 2024 жылы студенттердің стипендиясы қанша теңгеге өседі