Қазақша өлең: Фариза Оңғарсынова (Мен бір қызық адаммын + видео) » ZHARAR © 2016 | фариза оңғарсынова Мен бір қызық адаммын өлеңі, фариза оңғарсынова өлеңдері, фариза оңғарсынова өлеңдер, фариза онгарсынова олендери, фариза




  • »

Қазақша өлең: Фариза Оңғарсынова (Мен бір қызық адаммын + видео)

Қазақша өлең: Фариза Оңғарсынова (Мен бір қызық адаммын + видео) казакша Қазақша өлең: Фариза Оңғарсынова (Мен бір қызық адаммын + видео) на казахском языке

Қатал тағдыр сілкілеп мың сынаған,
құлап-тұрып, сонда да тыншымаған.
Жұртқа деген ызадан булыққанда,
сені орынсыз азаптап ұрсып алам.

Сен асқақсың - білемін.
Маған ғана иіліп кішіресің
(иілу де бұл күнде кісіге сын).
Қуаныштың мен үшін не екенін
бұл жалғанда сен ғана түсінесің.

Жыр жазбасам, жабығам,
онысыз маған дүние жел өтіндей,
жұрт ұқпайды - жүрем мен неге күлмей.
Ал сен болсаң, қайрайсың, құлшынтасың,
содан саған бір пайда келетіндей.

Жандар көп қой
жанашырсып жүретін көтермелеп...
жанымдасың, болғанмен мекен бөлек.
О, мен кейде қорқамын көп ішінде
жалғыздықтан жарылып кетем бе деп...

Мен өзгенің көзіне
асқақтаған адуын, мұңсыздаймын,
ұқпайды олар - көзімде тұнсын қайғым.
Жыласам да, күлсем де мен, әйтеуір,
сенің ғана алдыңда қымсынбаймын.

Сен жақынсың жаныма,
мейлің тіпті менімен күн-түн егес,
өзгелермен күлгенім - күлкі де емес.
Дос көп болсын деседі-ау. Сендей достың
көп болуы адамда мүмкін емес...




Санат: KZ портал » Қазақша Өлеңдер жинағы | | 5 030
Рейтинг:
(голосов: 15)

.

. .