Самса сатып аларда сақ болыңыздар (видео)

Самса сатып аларда сақ болыңыздар (видео)

Кеше кешкісін сайтымыздың редакциясына бір оқырман хабарласты. Айтуға қарағанда, Жетісай-Алматы бағытында автоубспен келе жатқан жолаушылар, Сарыағаш-Шымкент жолы бойындағы самса сататын орында келеңсіз іске куә болған.



Жолда тоқтаған автобустың жолаушылары тандыр басына үймелеп, самса сатып алады. Арада біраз өткенде олардың біреуі самасның ішінен құмырысқа шыққанын айтып, дабыл қаққан. Сонымен, сатып алғандардың бәрі самсаларды ашып тексере бастағанда, ішінен не екені белгісіз қап-қара зат шыққан. Әдеттегі малдың етіне ұқсамайтын болған соң, олар дереу полицияға хабар береді. Бірнеше адам самсаны жеп үлгерген екен.

Ашуланған жұрт бұның неден жасалғанын білмек болып сатушыны қысымға алғанда, сатушы өзбек әйелі өзінің ешнәрседен хабарсыз екенін айтып шырылдайды. Жолаушылар самса жасап отырғандардан істің мән-жайын білмек болғанда, асханадағы екі жігіт қашып үлгеріпті.

Көп өтпей самсахананың иесі де келген. Ол жолаушылардан кешірім сұрап, бәрінің ақшасын қайтарып беретінін, самсахананы енді мүлде жабатынын айтқанымен, бұл істі аяқсыз қалдырғысы келмеген жұрт полицияны күтеді. Көп өтпей бөлімше полицейі мен тергеу тобы да жетті. Арыз жазылып, самсалар сараптамаға жіберілетін болыпты. Ары қарайғы іспен құқық қорғау орындары айналыспақ.

«Қазір ақша табуға дәніккен адамдар «аңқау елге арамза молда» болғысы келеді, бұған тексеру орындарының салғырттығы да себеп болып тұр. Басқа адамдар да абай болсын деген ниетпен, бұл істі әдейі хабарласып айтып тұрмын» дейді телефон шалған азамат. Соған қоса өзі түсірген әуесқой видео, фотосын да жіберіпті.

Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇



Пайдалы сілтемелер:
» Ораза кестесі 2024 жыл. Астана, Алматы, Шымкент т.б. ауыз бекіту және ауызашар уақыты
» Туған күнге 99 тілектер жинағы: өз сөзімен, қысқаша, қарапайым туған күнге тілек
» Абай Құнанбаев барлық өлеңдер жинағын жүктеу, оқу

Соңғы жаңалықтар:
» 2024 жылы студенттердің стипендиясы қанша теңгеге өседі
» қазақ тілі тестілеуде_келген_сұрақтар_зерттеуші
» Наурыз мейрамы Қазақстанда жаңа форматта тойланады