Informational and educational
portal №1 in Qazaqstan.
» » » Пластик терезе таңдау

Пластик терезе таңдау

Пластик терезе таңдау казакша Пластик терезе таңдау на казахском языке
«Қыстың қамын жаз ойла», «қыс арбаңды, жаз шанаңды сайла» дейді атам қазақ. Қазіргі маусымда құрылыс жұмыстары қарқынды жүріп жатыр. Адамдар үйдің іші-сыртына жөндеу жүргізіп, үйін жылылап, қысқа қамдануда. Пластик терезені дұрыс таңдау да кезек күттірмейтін жұмыс. Өйткені оның пайдалану мерзімі 35-40 жылға созылуы мүмкін. Осындай сападағы ағаш терезе орнатуға да болады, бірақ оның бағасы бірнеше есе қымбатқа түсуі мүмкін. Сондықтан пластик терезе орнатқан тиімді. Ол үйдегі жылуды сақтап, үйді сырттағы шу мен күн сәулесінен қорғайды.

Пластик терезелердің профильдері

Неміс өндірушілерінің металпластикалық терезе профильдері жақсы беделге ие. (Proplex, KBE, Trocal, Rehau, Veka). Профильдің мырышталған болат негізінде жасалғаны жөн, әйтпесе уақыт өте келе саңылауларын ылғал әсерінен тот басуы мүмкін. Өзіңіз білесіз, Қазақстанның климаты қатал, қысы - суық, жазы – ыстық. Ал заманауи технологиялар терезелерді қорғауға көмек береді.

Профильдегі әуе камераларының саны

Пластик терезелердің профилі әуе камераларының санымен де ерекшеленеді. Ең тиімдісі - үшкамералы профильдер. Тек камера санын әйнек пакеттердің санымен шатастырмаңыз.

Ұсақ-түйектер...

Фурнитураға терезе жүйенің толық қызмет жасауына қажет барлық механизмдер жатады (тұтқасы, құлып өзегі және т.б.) Заманауи терезелер тұтқасының орналасуына байланысты әртүрлі болуы мүмкін. Ең сапалысы - неміс фурнитуралары.

Әйнек пакет

Әйнек пакет екі немесе одан көп саңылаусыз қосылған камералы әйнектер кешенін құрайды. Камералар ауамен, инертті газбен толтырылады немесе керісінше вакуумды құрайды. Мұндай конструкция жылуды жақсы ұстап, терезе ортасында кір-қоқыс қалдырмайды. Бәрінен бұрын камерадағы инертті газдың жылу мен шуды өткізбейтіні көңіліңізден шығары сөзсіз. Әйнектер ішінде ылғалды жұтатын заты бар қашықтықты жақтаулар орналасқан. Жылуды сақтау үшін әйнек инфрақызыл сәуле өткізбейтін арнайы жабынмен (жұмсақ немесе қатты) қапталады. Бұл қыста жылуды, ал жазда бөлмедегі салқын ауаны сақтауға көмектеседі. Мөлдірлігі кәдімгі тереземен салыстырғанда бірдей-ақ. Энергия сақтаудағы нашар көрсеткіштеріне қарамастан, ылғалдан қорғайтындықтан, қатты жабын түрлері басымдылыққа ие. Қосымша жылу сақтауға көпкамералы (екі немесе одан көп) әйнек түрлері қолданылуы мүмкін. Әлбетте, терезе енін есепке алған жөн. Тағы да бір қорғаудың түрі – боялған терезелерді қолдану.

Триплекс – бұл арнайы үлбірмен ламинирленген көп қабатты әйнек. Ламинирленген әйнек қауіпсіз, өйткені ол физикалық күш түскенде, сынбайтын болады. Тіпті одан оқ өтпеуі мүмкін.

Терезе монтажы

Терезені монтаждауға жауапкершілікпен қараған жөн. Алдымен сырты мен ішінен терезе ойығын өткізу керек. Бастысы сыртқы өлшемі терезе жақтауынан үлкен болмауын қадағалаңыз, әйтпесе соның салдарынан ол ұшып кетуі мүмкін. Терезе ойықтарының кейбір кедір-бұдыр жақтарын түзеткен маңызды.

Алдымен ескі терезе жақтауын алып тастаңыз. Жаңа жақтауды орнатуға тік өлшенім (отвес) қолдану қажет. Орнату алдында әрине жарма мен әйнекпакеттер алынып тасталады, сосын терезе ойығына орнатылып біткен соң, өз орнына қайта қойылады. Әр саңылау, қуыстарға құрылыстық көбік құйып, бітеуді ұмытпаңыз. Терезе алды жақтауы ең соңында орнатылады. Пластик терезелерді сіз сатып алған фирма монтаждаса жақсы. Әйтпесе кей ойламаған қиындықтар кезінде өз құқықтарыңызды қорғау қиынға соғады. Және де тек беделді фирманы, тауарды таңдаңыз. «Жақсы нәрсе үшін төлеу керек, жаман нәрсе үшін қайта төлеу керек» деген нақылды ұмытпағаныңыз абзал.

Автор: araylym94 | 32 | 23.01.2019



Загрузка...

KZ / Пайдалы кеңес жинағы, пайдалы Пластик терезе таңдау кеңес кенестер советы на казахском, пайдалы кенестер кыздарга, полезные советы на казахском языке, Тұрмысқа пайдалы кеңестер кеңестер, кенес кенестер жігіттерге ерлерге, денсаулыкка арналған кенестер, Пластик терезе таңдау, пайдалы Пластик терезе таңдау кеңес кенестер советы на казахском пайдалы кенестер кыздарга полезные советы на казахском языке Тұрмысқа пайдалы кеңестер кеңестер кенес кенестер жігіттерге ерлерге денсаулыкка арналған кенестер Пластик терезе таңд, Пластик терезе таңдау пайдалы кеңестер пайдалы кеңестер журналы пайдалы кеңестер қыздарға полезные советы на казахском языке Тұрмысқа пайдалы кеңестер кеңестер жігіттерге ерлерге