Түлкі мен Қораз

 Түлкі мен Қораз

Таң алагөбеңнен бір түлкі тамақ іздеп жүріп, ағаштың бұтағына қонақтап отырған Қоразды көреді. Ағаштың түбіне келіп, мүләйімсіп Қоразға:

— Тақсыр-ау, тақсыр, таң атты ғой, азан айтыңыз да төмен түсіп, имам болыңыз, жамағат болып намаз оқиық! – депті.

Түлкінің қулығына түсінген Қораз:

— Ар жағыңда молданың үлкені жатыр, сол кісіні оята қойыңыз, бәріміз бірігіп, қауым болсақ болайық! – деп, қуыста жатқан Тазыға сілтепті. Түлкі екі-үш аттап артына қараса, бір бұрышта бүк түсіп қара Тазы жатыр екен. Түкең аяғын мысықша басып, зыта жөнеліпті.

Мұны көрген Қораз жымиып:

— Пірәдар-ау, пірәдар! Намаз оқымайсыз ба? Қайда барасыз? – депті. Сонда Түлкі:

— Дәретім сынып кетті, тез дәрет алып келе қояйын. Сен азан айтып, жұрттың тынышын алмай, сәл шыдай тұр! – деп тартып отырыпты.


Толық нұсқасын 30 секундтан кейін жүктей аласыз!!!


Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇
  • Автор: Umit
  • 1 497



Пайдалы сілтемелер:
» Ораза кестесі 2024 жыл. Астана, Алматы, Шымкент т.б. ауыз бекіту және ауызашар уақыты
» Туған күнге 99 тілектер жинағы: өз сөзімен, қысқаша, қарапайым туған күнге тілек
» Абай Құнанбаев барлық өлеңдер жинағын жүктеу, оқу

Соңғы жаңалықтар:
» 2024 жылы студенттердің стипендиясы қанша теңгеге өседі
» қазақ тілі тестілеуде_келген_сұрақтар_зерттеуші
» Наурыз мейрамы Қазақстанда жаңа форматта тойланады