«Қазақстан-халықтар достығының мекені» (мерекелік концерттік бағдарлама сценарийі)

Бекітемін

Мектеп директоры

«Қазақстан-халықтар достығының мекені»

(мерекелік концерттік бағдарлама сценарийі)

«Қазақстан-халықтар достығының мекені»

(мерекелік концерттік бағдарлама)

Іс-шараның мақсаты:

Азаматтық қағидаттарға негізделген Қазақстандық бірегейлікті дамыту арқылы Қазақстан халқының бірлігін нығайту. Жас жеткіншектердің достық пен ізгілік туралы түсініктерін қалыптастыру. Оқушылардың сыйластық құндылығы туралы түсініктерін қалыптастыру. Жас жеткіншектерді үлкен-кішіге деген сүйіспеншілікке, сыпайылық қарым-қатынасқа, кішіпейілділікке, ізеттілікке тәрбиелеу.

(Концерттік бағдарламаның ашылуын білдіретін музыка үні қойылады)

Фанфар:

І-жүргізуші:

Көкпеңбек дала, туымдай асқақ көгілдір,

Көк кілем төсеп, көк көйлек киген өңір дүр.

Бәйшешек гүлге қылтиған жанын елітіп,

Жадырап қалған көңілді күндей өңір бұл.

ІІ-жүргізуші:

Келді көктем, жайраң қақты таң күліп,

Жап-жасыл болып жайнайды әлем паң күліп.

Жақсылықтардың жаршысы болған мамырым күн,

Сен өмірімнің көктеміндейсің мәңгілік.

І-жүргізуші:

Армысыздар, құрметті ұстаздар, қадірменді ата-аналар, білім көкжиегіне қанат қаққан жас жеткіншектер!

ІІ-жүргізуші:

Көгілдір көктемде достықты ту қылып көтеріп, бірлікті ұлықтаған 1 мамыр-Қазақстан халқының бірлігі күні мерекесіне орай ұйымдастырылып отырған «Қазақстан-халықтар достығының мекені» тақырыбымен өткізіліп отырған мерекелік концертімізге қош келіпсіздер!

 І-жүргізуші: 

Ғасырларға жалғассыншы нұрлы күн,

Ынтымақтың шертсем деймін бір жырын.

Татулығын жырға қоссам елімнің,

Мақтан қылып ұлыстардың бірлігін.

«---» әнімен -- «---» сынып оқушысы ----ортаға шақырамыз

ІІ-жүргізуші:

Достық тапса діндер менен ділімді,

Салт-дәстүрлер сыйға ұласты бүгінгі.

Бір туғандай ұлтаралық келісім,

Бір көтерген басқа түскен жүгімді.

Ортаға ---- сынып оқушыларын «**» биімен шақырамыз. Назарларыңыз сахнада болсын!

І-жүргізуші: 

Серт берісіп туыс болып қалуға,

Нәубеттерден аман жеттік дамуға.

Байтақ елдің биік ұстап байрағын,

Біздің достық мәңгі болып қалуда.

«---» әнін орындау үшін -- «--» сынып оқушысы ------- ортаға шақырамыз. Жас жеткіншектің өнеріне қол шапалақтап қошеметтеп отырайық

ІІ-жүргізуші:

Тілі бөлек болғанымен тілек бір,

Ұлы достық мәпелеген жүрек гүл.

Қазақстан бар ұлысқа шаңырақ,

Шайқалмастан шаттығымыз тіреп тұр.

Ортаға ---биін орындау үшін ---, --- сынып оқушыларын шақырамыз. Назарларыңыз сахнада болсын!

І-жүргізуші: 

Қуаныштан желпілдейді түңдігім,

Бірлік үшін шаттанатын күн бүгін.

Халқым мәңгі ғұмыр кешсін бақытты,

Бір тамырмен байлап қойған кіндігін.

----- сынып оқушыларының орындауында «---» биін қабыл алыңыздар! Өнерпаздарды қол соғып қошеметтеп отырыңыздар

ІІ-жүргізуші:

Бірлігі мен ынтымағы халықтың,

Көзімізде жарқырайды жарық күн.

Ырыс-дәулет, бақыты үшін халықтың,

Жайнай берсін, жарқырасын жарық күн!

І-жүргізуші:

Шәкірттердің білім көкжиегіндегі сенімімізді нығайтып, жарқын болашаққа жол сілтеп жүрген мектебіміздің көшбасшысы -----------, директордың тәрбие ісі жөніндегі орынбасарлары -----------, ---------- сөз кезегін беріп, мерекелік ізгі тілегін тыңдау үшін қошеметпен сахна төріне шақырамыз!

ІІ-жүргізуші:

Жер - Анамыз жасайды тарлық кімге?Кетпеу үшін мәңгілік қалғып түнде.Қайталанып, жаңарып айтылады,Бейбітшілік деген сөз барлық тілде.

І-жүргізуші:

Бейбіт күніміз, бейбітшілігіміз мәңгілік болсын! Осымен бүгінгі мерекелік кешімізді аяқтаймыз! Күніміз нұрлы, аспанымыз әрдайым ашық болсын! Сау-саламатта болыңыздар!