Балабақша | Математика әлеміне саяхат

Ұйымдастырылған оқу іс-әрекетінің тақырыбы: «Математика әлеміне саяхат»
Мақсаты: Балалардың жылдық білімдерін қорытындылау. Математикалық мазмұндағы дидиактикалық ойындар арқылы білімдерін тексеру. Математикалық амалдарды орындау арқылы логикалық ойлау кабілетін дамыту. Геометриялық пішіндер мен денелерді табуға үлкен, кішіні салыстыруға бейімдеу. Жұмбақтар қисынды есептерді бере отырып ойлау, есте сақтау қабілетін дамыту. Сонымен қатар балалардың ой-өрісін, сөздік қорын, тіл байлықтарын тексере отырып, білімдерін тиянақтау. Білімділікке бейімдеу бағытында сандардың қатарын ауызша санауға жаттықтыру оңға, солға, 1 таңбалы, 2 таңбалы сандарды ажыратуға, көршілес сандарды табуға жаттықтыру, жыл мезгілдерін, апта күндерін, ретімен атауға, тақпақтар айтуға үйрету. . Оларды жеке талдап, жұмыспен дәлелдеп көрсету. Топпен жұмыс істеуге, ұғымталдыққа, әдептілікке тәрбиелеу.
Көрнекіліктер: Геометриялық фигуралар, сан тізбектері, ертегілер кейіпкерлері бейнеленген суреттер, карточкалар.
Ұйымдастырылған оқу іс-әрекетінің түрі: Түсіндіру, сұрақ жауап, әңгімелесу
Белингвалды компонент: бауырсақ-колобок-зэ бан,қасқыр-волк- э улф, қоян-заяц-э хэа, түлкі-лиса- э фокс, аю-медведь- э бэа, ата-дедушка-грэнфазэ, әже- бабушка-грендмазэ.
Таңғы шеңбер:
Қуанамын мен де,қуанасың сен де,
Қуанамыз бәріміз,арайлап атқан күнге.
Всем,всем,добрый день!
Здравствуй, солнце золотое !
Здравствуй, матушка земля!
Гуд монинг,гоулд сан, Гуд мониң дия гестс
Гуд монинг май френдз. Уи уине ю ол зэ юэсте
Барысы:
-Балалар математика әлемінде болып жатқан қызықтарды бірге тамашалауға дайынсыңдарма ?
-Ия, дайынбыз.
Математика әлеміне болып жатқан қызықтарды бірге тамашалау үшін мен сұрақтар қоямын, сендер сол сұраққа толық жауап берсеңдер.
1. Бір аптада неше күн бар? (7)
-Қанша демалыс күн бар? (2)
-Жексенбі, жұма аралығындағы күнді ата (сенбі)
-Бүгін сейсенбі болса,ертең қай күн? (сәрсенбі)
- Аптаның төртінші күні қай күн? (бейсенбі)
- Аптанын бірінші күні қалай аталады? (дүйсенбі)
- Біз кешке тамақтанамыз, ал жаттығуды- (таңертең жасаймыз)
- Көктемде ағаштар - (бүршік атады)
--Қай уақытта сарғайып түседі- (күз мезгілінде)
- Суға шомылып, демалатын уақыт- (жазда)
- Шаңғы теуіп сырғанап ойнайтын уақыт- (қыста)
- бір жылда неше мезгіл бар ? ( 4 )
- 1-ден 10 ға дейін кері орысша санау (10,9,8,7,6,5,4,3,2,1,0)
- Ағылшынша 1-ден 10-ға дейін санау ( уан,ту,сри,фо,файф,сикс,сэбэн, эйт, найн, тэн)
Апта туралы санамақ білесіңдер ме?
Муханбетәли:
Дүйсенбіде доп ойнадық қорада,
Сейсенбіде серуен құрдық далада.
Сәрсенбіде сурет салдық сәнді етіп,
Бейсенбіде би биледік әндетіп.
Жұма күні жидек тердік қыратта,
Сенбі күні кино көрдік клубта.
Жексенбіде үйде болып дем алдық,
Осылайша өте шықты бір апта.
Сандарға байланысты жұмбақтар
1.Жаңылмастан жетеуі,
Кезек қызмет етеді. (Аптаның 7 күні)
2. Асан ,Айша екеуі,
Қос қуыршақ,
Бір құлыншақ,
Екі ойыншық
Құстай ұшып,
Үйден шықты. «Бәрі нешеу» (Жетеу)
3.Дүкеннен көп сабын алдым,
Оның және қабын алдым.
Екі дептер бір қарындаш,
Тіс ысқышты тағы алдым.
Есептеші сонда бәрі
Қанша болды қолда бәрі? (Алтау)
4. Бір үйде біз нешеуміз
Кел санайық екеуміз:
Бас бармағым–папам,
Балаң үйрек- апам,
Ортан терек- ағам,
Шылдыр шүмек,
Титтей бөбек сен
Бір үйде біз нешеуміз? (бес саусақ)
5 .Табақта бес алма,
Қолымда екі алма.
Қосқанда барлығы
Болады неше алма?
Бір алма апама,
Бір алма атама.
Екі алма беремін
Мамам мен папама.
Нешеуі қалады табақта? (үшеу)
Ойын : «Артық сөзді ата »
1. Қыс ,жаз , таңертең, көктем ,күз
2. 1,2,3,4, түс, 5,6,8
3. Аю,қасқыр, мысық, қоян,түлкі
Тәрбиеші: Балалар сандарға байланысты бір жаттығу жасайық.
Тәрбиеші:
Жұмбақ:
Тегіс домалақ,
Сырты қызарыңқырап әдемі болып піскен.
Терезе алдына суытып қойған.
Бұл қай ертегі кейіпкері? (Бауырсақ)
-Жарайсыңдар,балалар. Бауырсақ әжеден қашып,атадан қашып,саяхатқа шығады? (суретті көрсету)
Бауырсақ домаланып көк майсалы жерлерден ,кең далалы егістіктерден өтеді. Осылай домаланған күйі қалың орманға келеді.Бауырсақ ойланып атасы мен әжесіне баруды ойланды. Енді қайтайын десе, ойланады.
Топқа бауырсақ келеді:
Жанайым: Бауырсақ: Мен бауырсақ, бауырсақ,
Қаптың түбін қағып ап,
Апам екі уыс ұн жинап,
Қаймақ қосып шылап,
Ыстық майға қуырып.
Терезеге қойып суытқан,
Мен атамнан қаштым,
Апамнан да қаштым. Лә-лә-лә.
Тәрбиеші сөзі: Осы уақытта қаян кездеседі.
Мунира: Қоян : - Бауырсақ, бауырсақ, мен сені жеймін!
Бауырсақ: -Мені жеме,қоян.
Қоян : - Менің бір тапсырмам бар,соны орындасан жіберемін.
Бауырсақ : -жарайды, орындаймын.
1. Тапсырма: «Математикалық көл» ( арттыру және төмендету)
Қоян: -Жарайсын бауырсақ, тапсырманы өте жақсы орындадын, мен жемеймін,сені жіберемін.
Қоян. : -Рахмет,бауырсақ.
Тәрбиеші сөзі: Балалар бауырсақ қоянның тапсырмасын орындады, енді біз суреттегі қоянның суретін алып қоямыз..
Тәрбиеші: -Бауырсақ орманда келе жатса алдынан қасқырға кездеседі.
Тәрбиеші: Осы уақытта бауырсақтың алдынан не кездеседі.
Балалар: -Қасқыр.
Кемел:
Қасқыр кіреді.
-- Бауырсақ, бауырсақ, мен сені жеймін!
Бауырсақ: -Мені жеме, қасеке
Қасқыр : - Менің бір тапсырмам бар, соны орындасан сені жіберемін.
Тәрбиеші: -балалар кәне, бауырсаққа көмектесіп, қасқырдың тапсырмасын бірге шығарып көмектесейік. Ал қасеке, сен дем алып балалармен бірге есепті шығарып, тексеріп отыр.
2. Тапсырма: « Салыстыру, суреттерге байланысты цифрлар қою »
Тәрбиеші: Бауырсақ қасқырдың көңілін көтеріп, бір сергілту жаттығуын орындайық.
Қасқыр: -жарайсын бауырсақ мен саған ризамын,рахмет саған.
Тәрбиеші: -Балалар қасқырдың тапсырмасын орындадық, енді суреттегі қасқырдың суретін алып қояйық.
Тәрбиеші: :бауырсақ орманда келе жатса алдынан аюға кездеседі.
Исмат: Аю кіреді. -- Бауырсақ, бауырсақ, мен сені жеймін!
Бауырсақ: -Мені жеме, аю
Аю: -Менің әкелген тапсырмаларым бар соны орындасан мен сені жіберемін.
Ойын: «Кеңістіктерді бағдарлауға және құрастыру есептері»
Аю: Менің көңіл күйім болмай тұр, маған дос табуға көмектесесіңдер ме?
Тәрбиеші: Балалар аюдың көңіл –күйі болмай тұр,көңілін көтеріп,дос табуға көмектесейік. Алдымызда тұрған геомертиялық пішіндерден аю құрастырып берейік.
Аю: -Жарайсыңдар балалар, сендерге рахмет мен жалғыз жүр едім маған көп дос табуға көмектестіңдер.
Тәрбиеші: Ал ,балалар аюдың көңілін көтеріп, бір сергілту жаттығуын орындап берейік.
Аю: -Бауырсақ менің көңілімді көтердіңдер, рахмет.Бауырсақ мен сені жемеймін. Көңілімді көтеріп тапсырманы орындап,көп дос табуға көмектестіңдер.
Тәрб: Балалар аюдың тапсырмасын орындадық, енді суреттегі аюдың суретін алып қояйық.
Тәрбиеші: :бауырсақ орманда келе жатса алдынан не кездеседі?
Түлкі кіреді. Әй ,бауысақ неге әндетіп кеттің? Дауысын қатты шығып кетті ғой.
Түлкі: -- Бауырсақ, бауырсақ, мен сені жеймін!
Бауырсақ: Қорыққанынан аузын жаба қалады.
Бауырсақ: түлкі жан мен жей көрмеші, не тапсырман болса да соңы орындауға дайынмын.
Түлкі : - Менің қолымда 2 конвертте тасырмаларым бар. Біреуі үлкен, екіншісі кішкентай. Осыдағы тапсырмаларымды орындауға көмектессен мен сені жіберемін.
Бауырсақ : -балалардан көмек сұрайды.
Тәрбиеші: -балалар бауырсаққа көмектесіп, түлкінің тапсырмасын бірге орындап, бауырсаққа көмектесейік.
1.Тапсырма: «Жұмбақ есептер құрастырып,жауабын шеш»
Шарты: есепті тәрбиеші балаларға оқиды, балалар тыңдап,қағазға сандарды жазып есептеп теңдігін жазу керек
Шыңғыс: 1.Балапаның көгалда,
Санай алмай тауық жүр.
Жетеуі жүр жүгіріп,
Үшеуі жем шашып жүр,
Қанша барлық балапан,
Санап көрші балақан.
Бақдәулет: 2. Үш сәбіздің бақтағы
Тиін барып жинады,
Ең әдемі тәттісің
Қоянға сыйлады.
Ыдыстағы сәбіздің
Санап көрші қалғанын!

2.Тапсырма: «Адасқан цифрлар»
Мақсаты: баланың ойлау жылдамдығын арттыру.
шарты: Тәрбиеші 2, 4, 6, 7, 3, 5, цифрлары жазылған кішкентай үйшіктер. карточкаларды тақтаға іледі, балалар қалып қойған санды атап, рет-ретімен қою.
Балжан: Түлкі: -Жарайсың бауырсақ, бір амалын тауып, менің тапсырмамды жақсы орыңдадыңдар.
Түлкі: Бауырсаққа мен ризамын.Жарайды бауырсақ келе жатқан жолыңмен бара ғой.
Тәрб: Балалар түлкінің тапсырмасын орындадық, енді суреттегі түлкінің суретін алып қояйық.
Тәр: -Бауырсақ жолдағы аңдардың тапсырмаларын орындап,аман-есен атасы мен әжесіне келіп жетті.
Бауырсақ: балалар сендерге көп-көп рахмет, ормандағы аңдардың тапсырмаларын орындауға көмектестіңдер. Сендер математика есептерін көп біледі екенсіңдер.Жарайсыңдар,балалар! Өте ақылды балаларсыңдар. Ризамын,рахмет. Әжемнің пісірген бауырсағынан ауыс тиіңдер.
Тәрбиеші: Риза болған атасы мен әжесі қуанғанынан сендерге бауырсақ пісіріп беріп жіберді.
Тәрбиеші: Бұл бүгін қай ертегі кейіпкері бізге қонаққа келді? Балалар: Бауырсақ-колобок-зэ бан,қасқыр-волк- э улф, қоян-заяц-э хэа, түлкі-лиса- э фокс, аю-медведь- э бэа, ата-дедушка-грэнфазэ, әже- бабушка-грендмазэ.
Жартылай шеңбер болып ортаға тұрайық. Рольде ойнаған балаларды таныстыру.
Қорытынды: әндетіп айту.
Ал,балалар тұрайық,
Үлкен шеңбер құрайық.
Кездескенше күн жақсы,
Сау,саламат болайық.